سلسبيل العشق

[frame="14 70"]
[poem=font="microsoft sans serif,6,white,normal,normal" bkcolor="green" bkimage="" border="double,10,green" type=2 line=0 align=center use=ex num="0,black""]

الله يهدي خطات القلب ياشينه= قاسي وراعيَته طبعه بعد قاسي
نص الرسايل يبين من عناوينه=وانا عرفت العرب من فطرة احساسي
الشوق غصنٍ يقدم ثمْرته لينه=ترى المشاعر تبي ساقي وغراسي
يارب تجبر عزاء الخفاق وتعينه=مافِطِن اللي تناسا فِطِن الناسي
قلبٍ يحبك حرام انك تخلينه=من كثر ماغلاك حطيتك على راسي
صرح الغلا ياحياتي لاتهدينه=تراك سيل العروق وزفرت انفاسي
احسك انك بقلبي لاتعدينه=اجمل عبارة غلا وضلوعي اقواسي
طاريك كمبوديٍ تدمن محبينه= لابَن وسط المباخر شِم ويباسي
مادام عندي جميع البيض تسوينه=لاتطعنين الوفاء في رمح جساسي
حير المشاعر نخل وعذوق تجنينه=وانتي تحطبين جذع الغيد بالفاسي
ياليت حبل المواصل لي تمدينه= حتى النظر ينعكس بخدودك الماسي
وتصير قولت هلابك شي يازينه=نشوة لقاء سلسبيل العشق في كاسي
به تقتلين الجفاء والوصل تحيينه= وحقيقة القرب تذبح بعدك الخاسي
تنحر سنين القهر وتخش في عينه= حتى السهر يترك الاجفان لنعاسي
الله يقطع شهور الهجر وسنينه= ليتك معي في جزيره مابهااا ناسي
[/poem]
[/frame]