][ .. لعب احترافي .. ][ .. صوتيه ..

صباحكم شعر .. ومساؤكم شهد .. واوقاتكم رضا من الرحمن ..





هنا .. ماراح اقول هالقصيده لها سالفه .. لا يقول مطعون تقلدني يا خالد ..

ولكن فعلا هي قصيده تحكي شيء من الواقع .. ! واترككم معها لعلها تجد بعض القبول ..


.
.
.
.
.
.







أحْرجَتْني قصْدَها تعْرف غلاها
.......... يوم بيّح قدْرَها ليل اعترافي .. !

قلْت ابرْكب موجتي ساعة صفاها
.......... وانْتزع من داخل بْحوري قوافي !

حَدِّني يمّ الغرَق زايد حلاها
.......... والدلع زوّد معايير انحرافي .. !

إنْ غَرََقْْت فْـ موْطني جمْرة شِفاها
.......... وان رسيت فْـ عينها الكحْلا مرافي !

الله اللي خَصَّها يومه عطاها
.......... ما عطى يوسف من الزين الخرافي !

القمر يوم اختفى فِدْوَة ضياها
.......... غابت نْجومه وْصار الكون طافي !

كبَّرَت وحْروفي الخرسا وراها
.......... قِبْلة ٍ يسْجِد لها حرْفي و يافي . !

وش بقول وكلّي عيون ٍ تراها
.......... تلْعب بْنظْراتها [ لعْب احترافي ] .. !

طرّزي يا نشوة عروقي سماها
.......... وامطري جنّة مرابعها الهَرافي . !

و الْحَقي ليل ٍ حَلَََم فيها وسراها
.......... دامني برْوي من احلامه جفافي . !

يا بقايا حيلي اسْتَرْحِم دفاها
.......... إشْتِكَى من بارد عْظامي لْحافي .. !

ما دريت إنّي تمكّنْت بْحشاها
.......... وانّها تنْوي من الناس اختطافي . !

جيت أبرْمي نفسي فـْ سِكّة خطاها
.......... واحتِرِق في نارها برْد وعوافي . !

ما قويت ابْدِي شعوري في هواها
.......... لين قالت يالغلا [ حان اقتطافي ] . !

أصْدَق ابيات الشعر يكْذب سناها
.......... لكن ابياتي مَهِِب عنْكم خوافي .. !

صدّقوها واصْدقوني في ثناها
.......... كودها تشْرح لكم سِرّ اختلافي .. !





.
.





http://www.mediafire.com/?otyscuka58u3c63

بصوتي


سلامتكم