هنآ القصآئــد الشعريه لشعرائنآ المطروحه للمسابقه ..افضل قصيده

[align=center]
بسم الله الرحمن الرحيم

أتشرف بأن أنشر مجاراتي للامير الراحل :طلال الرشيد
ولأول مرة في منتداكم السامي

أترككم مع الابيات :




يا طلال الضيغمي انت اللــقب
وانت منهو يستحق كلمة امير

الصغِير همه احساس وطرب
والكبــير اللي بقا دايــم كــبير

الصغِير ما حسب لامر العرب
والكبير اللي حقر أمــر حقـير

رحت لكني ابا اشـــب الحــطب
بالقصايد يا بعد حـــــيي وأغـير

ان حكو قالوا لنا ويش السبب؟
قلت في جوفي تروا.شي خطير

من سبب يوم الخميس اقبل غضب
وراح تاج الراس باليوم المرير

تبكي اجا ودموع رمان انسكب
ودنقت حايل من الدمع الغزير

وكل واحد شمري واطلق شنب
يبكي..ودمع الرجل ماهو يسير

لاجل شيخ القوم ومعرب نسب
ضيغــميٍ رايـــم الشي العــسير

يا حــــــفيد للــــجنايز ما يــهب
هيب شيوخ لهـا غيره ســـــفير

جـــــعل دارٍ للجـــزاير للــــهب
والطنايا بيومها شـــــبو سعير

ما أذل وقالها بــــــوزن الذهب
لو بقى من شمرٍ طفلٍ غـــــرير

أرفع عقالي وراسي منـــتصب
دام لي ربع على الشـدات غــير

قالـــها نمــاصي لشــمر ينتسب
والخبر ياصل لمن سمي صغير
[/align]

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
ابدع الجميع كلمة حق والله الكل بعينى فايز والفوز الاكبر
هو تواجدكم ومشاركتم بحروف
سطرت بماء الذهب
ربي يوفقكم الى
مايحب ويرضاه




اللجنه الموقره تم اقفال الموضوع من قبلى انا وعلى النيه
وتحديد الفائزين بعد انتهاء المده المحدده

اسعدكم ربي واعانكم على الانصاف
بين المتسابقين ووفقتم جميع


على النيه بيض الله وجهك على الفكره
ولكل المشاركين التحيه والاحترام


على النيه صح لسانك وبيض الله وجهك
ويكفى مساهمتك نور ونجم من نجوم لمعت هنا
وفاق نورها الجميع بمشاركاتكم

دقت الاقراع لنهاية باب القبول الساعه


12

من مساء ليلة السبت


بالتوفيق للجميع

بسم الله الرحمن الرحيم
قصيدة بمناسبة تكريم الشيخ / علي محمد الجميعه لجهده المشهود لمنطقة حائل
[poem=font="traditional arabic,6,black,bold,normal" bkcolor="white" bkimage="" border="double,8,black" type=0 line=1 align=center use=ex num="1,red""]
يا اللـه يا المعبود ياخـير الأسـامي والصفـات= ياخالق المخلوق يامحصي عدد مابالوجود
ياجابر العثرات حلال الأمور الكا يـــدات = مالي رجاء إلا في رجاء رحمتك يالرب الودود
أنت الـمجيب لمن دعاء يامغيث خلقك والنبات= عبدك رجاء عفوك وحسن إرضاك والعالم رقود
آمنت فيك وفي قضاؤك والقدر شـر ونجـات= وكتابك المنزل وكل الرسل واللي لك جنود
من الملائكـة العظـام ويوم تجـمعنا عـرات = يارب ترحم حال عبدك لاملاذ ولا صمود
يارب عـفـوّك يـوم لا ينفـع بنين ولا بنات = والعبد ماسواه في دنياه باللوح معدود
أنت العليم بخـافي المكنون وأسـرار الحيـاة = من بعد ذكرك ياإله الكون ياخير إمعبود
قال الـتبـيـناوي تهيّض في جزيل المـفردات= أشفق على العسرات لو كانت على غيري تكود
الشعر هاض بـمفـرداتـه كاالجواهر صافيات = مثل الذهب أو مثل عقد اللماس في صدر العنود
بنت الحصان من الأصايل والمهـار المسرجات= والخيل قيل الخير كله في نواصيها إمعقود
أنا بقـدراة الولي كنّي على نهـر الفـرات= أنا اللذي سويت لبحور النبط صدر وعمود
يشهد على مـاقلت شـعـار الجزيره والرواة= هذه من الله موهبه والموهبه لازم جهود
أحفظ مـلازيم الرجال وقدرهم والواجبات= والحمد لله طول عمري ماتجاوزت الحدود
حنا بضل أولاد مقرن حكمهم شـرع القضاة = الله يحفظ خادم البيتين وأولاد السعود
في ضلهم شـعب الجزيره مهتنين باالمـبـات= مايجهل التاريخ يحكي فعل وافين العهود
وتسـتاهل التكريم يااللي حشت كل الطايلات= يابن الجميعه ياسديد الشور حلال العقود
فيك إجتمع يابن الجميعه طيب خلق وحسن ذات= والمدح بالطيّب مثل شرواك في مدحه يزود
علم الحياء بيّن سمعنا لك جهود(ن) وافيات = والمال وأطراف الجسد والناس لأفعالك شهود
إفزع لشعار الجبل والشعر من قبل الـفـوات= عزز رجال المعرفه والشعر من بعد الخمود
الطيب وعلوم المراجل مـاتجي باالـهـيـنات = يحتاج فعل وقو عزم وصبر ودروبه سنود
الله يعجل باالفرج والوضـع يبقى ذكـريـات= من فزعتك فزعات غيرك يتضح فيها برود
يازبن من ظـامـه شـديد الوقت من كل الجهات = ياطاح حظه وإنعثر حيله وجازوه الصدود
يرقـاء بـعيـطـاء من طويلات الجبال النايفات= يالله عسى يفداك عفن الناس والوجه اللدود
والشـعـر مـايفنى وعلم الطيب مـايفنى ثبات = كم خيّرن نحكي عن أفعاله وهو تحت اللحود
الله سـبحـانه يقول الباقيـات الصـالحـات = العفو يامن لك جميع الخلق ركاع (ن) سجود
في حفل تكريم الرجال أهل العلوم العـاليـات = من كان يطمح للعلاء شرواك للعلياء يرود
والشعر يسموبالسماء لأهل الأسـامي والسمات= حائل مقام أهل القيّم شمر له الفعل إمحمود
يا الله تعوض اللي قضـا عمره كفاح وتضحيات= يارب لاتجعل بنا ظالم ولا فينا حقود
ومن قبل لايبعـدبي التفكـير أبشكر نـايـلات= تلك القناة اللي بإسم موقع على حد النفود
ولاأنسى فضل رجف القوافي له جهود ٍ وآضحات= وأشكر جميع المجهدين اللي بجهدتهم نجود
سـلام من دار الكرم حائل ولا عنها غـنـات = أبعث شذى فوح أفخر العنبر ونفحات الورود
هي أمـنـا دار الكرم ياكبر قـدر الأمـهـات = هي أمنا هي أمنا حائل ووالدنا سعود
مـاقّل دّل وقلت كلمة حق دون إمـجـاملات = ردالثنى يابو فهد واجب وأنا ماني جحود
المعـذره يابو فهد مـاقلت كل الـمـعطـيات= وأشكر جميع أهل الجبل واللي بمجهوده يجود
الله يديم الستر لأهل الستر عن هرج الشـمات = يارب تجعلنا نقول الحق مافينا شرود
يارب تجمع كل شمل المسـلمين بلا شـتـات = ياالله تعز بعزتك من فيه عز وفيه فود
دنياك مـادامت لحي وكل نفس ٍ له وفـات = عسى نعود العيد وإلا العيد عاداته يعود
وختامها صلوا على صفوّة قريش أزكى صلاة = المصطغى الهادي شفيع الخلق في دار الخلود[/poem]
شاعر جبل شمر / مبارك طناء مبيريك التبيناوي

هيه خلوووووووووووووووووووووووووها

السلام عليكم ورحمة الله وبركاته

تقبلو هذه المتواضعه من اخوكم

الانتظار

يامناة العين والقلب الحزين

ياهناء روحي من بد البشر

ماتخيلتك في لحظه تبعدين

وأصفق الكفين من بعدك قهر

أسعد اللحظات لحظة ترجعين

بعد ماكنا وفرقنا القــدر

بنتظر أيام وشهور وسنين

بنتظر والشوق أحر من الجمر

لانظرت القمره على بالي تجين

وأذكر أيامي الخوالي في مصر

يا عساها تعود ليالي العاشقين

يا عساها تعود مليت الـصبر

ليت يوم اقول وينك تسمعين

حتى تدري ما نويتك بالهجر

السلام عليكم ورحمة الله وبركاته

مساء الذوق

يشرفني ان أشارك أخواني واخواتي الشعراء بهذه القصيدة الحصريه

لطف المحبة

[poem=font=",6,red,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياللي تركتيني بكف الشوق وطيوفك كتاب=يقروني قراية طبيب مارضى يبقى طبيب
ياجمل تراكيب التناسق .. ياعذاب الإنسكاب=لا عاندته أعجب تضاريسك ومبناك العجيب
يابسمة الرمان .. والا يابدايات الغياب=ياشمسي اللي أعشقك وأموت بك عند المغيب
الليل لا قفيتي يغار .. واذا التفتي منك ذاب=فلقة قمر >> فيها الحلا مستوطن ولا له حسيب
ياوين ابآآآآآصل .. والحلا ماله قيود ولا حساب=يشدني شد الرجوع اللي كلا قلب الغريب
مشتاق لك ياضحكة الدنيا .. وياطهر السحاب=ياللي إذا غبتي يصير الكون بعيوني كئيب
ماشفتي شكثر الضمأ بالصيف يحتل التراب=أنا كذا أحتلني ضماك وارداني صويب
تعالي أرويني ترى هلكت من طرد السراب=وماهمني كثر الموارد دام لي عندك نصيب
تعالي بــ لطف المحبه ماعلى مثلك عتاب=ياكاسرة روتين هم العشق وهجوس الحبيب
بس ارحميني لا أصير لشوقك البارع كتاب=اللي قراني في غيابك مثل مايقرأ الأديب

[/poem]

حبي وتقديري / فالح الناهي

قصيدة الشاعر | اسكادا . المشاركه بالمسابقه

واطرحها هنا بين ايديكم بطلب منه ..




يا زمــــن لا تحدد تاليتها قشر

....ويزعل الأنتظار اون يزعل .. المحتري


اقلب الشر خير أو تقلب الخير شر

....تستفز المتنبي.. على عنــــتري



بس أنا ماني من اللي تحطم دشر

....أتجدد لجل عين المكسي المعتــري



يا غناتي مدام الشعر لهل النشر

....صفقي لمتنبيك وأفضحي .. وأستري



وأضحكي يوم مالتس في خفوقي خشر

....وكرمي رجلتس اعنا الأرض وأتبختري



أرحلي عن سخافة الأرض يطهر بشر

....وأسكني في زحل وأستاجري المشتري



الشعر باصمنلي يالغلا ..... بالعشـــر

....بس قولي معاااااااي الله على المفتري

الليله ختام المسابقه ..


بعد استقبال آخر القصائد المشاركه من شعرائنآآ الافاضل ..


امنيآآتنآآ الصادقه بالتوفيق للجميع ..

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
ابدع الجميع كلمة حق والله الكل بعينى فايز والفوز الاكبر
هو تواجدكم ومشاركتم بحروف
سطرت بماء الذهب
ربي يوفقكم الى
مايحب ويرضاه




اللجنه الموقره تم اقفال الموضوع من قبلى انا وعلى النيه
وتحديد الفائزين بعد انتهاء المده المحدده

اسعدكم ربي واعانكم على الانصاف
بين المتسابقين ووفقتم جميع


على النيه بيض الله وجهك على الفكره
ولكل المشاركين التحيه والاحترام

[align=center][table1="width:95%;background-color:black;"][cell="filter:;"][align=center]

اطرح بين ايديكم قصيدتي المتواضعه :

وهنا بهذا الموضوع تقديرا وشكرآ لمن طلب مني المشاركه بالمسابقه ..

وبما أنني صاحبة الموضوع فلا يحق لي المشاركه بالمسابقه .فتقبلوا عذري ..

. فلكم مني اعظم الشكر وأجزله ..وسيتم طرحها بقسم همس القوافي ..

اعذريني يالحبيبه ماتوا رجال الحميه
.....ما بقالك غير واحد من صفات الأوليني

ادعي الله يالحبيبه دايمن صبح وعشيه
.....يحفظ الي لك يحامي ما يهمه ظالميـني

وان سألتي منهو هذا والله ان مافيه زيه
.....ابو متعب هو يحامي دايمن للمسلمـيني

كل يوم يحاول انه يحتوي كل القضيه
.....لكن العربان ما توفي ولاهم صادقـيني

كل مايسلك طريقن فيه خير للبريه
.....حاسها منهو يبيها اطّول ايام وسنيـني

ما يهمه غير نفسه ما يفكر في خويه
.....ولا يهمه شوفة العربان تكثر بالونيـني

ناس دايم ما تفكر غير في جلب الأذيه
.....للأهل والي حواليهم تراهم خاينــيني

والله ان خمسين عامٍ والعرب روحه وجيه
.....ما استفادوا غير ذل النفس ومصافح يديني

ليتهم بس مرتن وحده تجّمعهم سريه
.....وكل ما قال ابو متعب شي قالوا حاضريني

والله ان يرجَعلهم وقتٍ مضى والنار حيه
.....يوم رايات الجهاد ترفرف يسار ويمــيني

يابو متعب يا حبيب الشعب ياجزل العطيه
.....والله ان القدس يشكي فراق اهلها كل حيني

وهذا هو الصدق والله قالته لك شمريه
.....تنقهر لا شافت دموع الثكالى العاجـزيني

اعذريني يالحبيبه ماتوا رجال الحميه
.....ما بِقالك غير ابو متعب وريث الصالحيني

على النيه

[/align][/cell][/table1][/align]

بسم الله الرحمن الرحيم


تحيه معطره بأسم الله والصلاة والسلام على اشرف الأنبياء والمرسلين



صفحات هنا مشرقه بنور حروفكم وابدااع
افكاركم وروعة عواطفكم وعذوبة مشاعركم

حروف سطرت من ذهب ...
فللأبدآآع كلمه هنأأأ وعنوان ..
من شموخ وعزه وسمو روح ..

بذلك انتهت أجمل الأوقات التي قضينآآهأأ
بصحبتكم عبر هذه الصفحات ..


فلآآ نقول الا :


الشكر الجزيل بعدد احرف الكلمات
وأعظم الأمتنان وأجله لكم شعرأئنأ الأفاضل ..


تم اقفال الموضوع ..
من قبل : عقاب النهار و على النيه ..
مع اصدق الدعاء والأمنيات بالتوفيق للجميع ..