كــــلاشنكـــــوف

[poem=font=",6,black,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
الله ياقلب(ن) به الدم فاير=من سطر راسه خط بعض المكاتيب
سجين حبك يشتكي ظلم جاير=وين انت ياضيف الغلا للمعازيب
ما زارني من عقب غيبتك زاير=ألا هبوب القيض عج ولواهيب
سوت عواصيف الهبايب دواير=تذراء على باب الوله بالمخاليب
اشوف طيفك من ورا الحزم ساير=أفرح وهلي بك بزين التراحيب
أرقا وترقا والمسافه تطاير=لين اصبحت بين السما والمراقيب
أقرب وتبعد بك حزوم الزباير=حتى اختفا زولك بوسط الغياهيب
مثل السراب اللي يسوق البشاير=لا مسقي الظامي ولا من مشاريب
صحراء على عيني تسف العباير=ولا سواد ابيضه في كاهل الشيب
ياصاحبي شبت ضلوعي سعاير=وتوقفت كل العروق المجاذيب
هبت على صدري عصوف الضماير=القلب والشريان صارت مشاهيب
وطلعت من حربك... أجر الخساير=قيدت في يدي كلبشة كلاليب
وحطيت لك بين الحنايا شكاير=ورشاش كلاشنكوف واربع محاريب
وصرفت لك من زود شوقي ذخاير=وفتحت ميدان الغلا للتداريب
[/poem]

قــــيـــــــس