مجاراه لقصيدة عشق المسافات

أسعد الله آيامكم جميعا آل بعد حيي الغالين
مجاراة متواضعه
لقصيدة شاعرنا العذب والمميز ..بندر الساكت (عشق المسافات )
أتمنى ان تنال أعجابكم
مع كامل التقدير والمحبه لبقيه الشعراء وشاعرات منتدانا الغالي


(قصيدة شاعرنا القدير :بندر الساكت )




ياللي غلاك الروح واغلى من الروح
ليته خذاك من الوله .. ما خذاني


لولاك يا عشق المسافات والنوح
واللي اعاني منك .. ما زلت اعاني


امسي جريحٍ منك واليوم مجروح
شفني نصيتك .. جرحي اللي دعاني


احترت بك واخترت صمتي على البوح
صمتي حكالي فيك كل المعاني


صوتٍ يصوت للرجاء مات مذبوح
انا دفنته ما نعيته .. نعاني


تركتني الله يبيحك ومسموح
انا مع الايام .. لي ثار ثاني


لمحت حزني والاماني سنا ضوح
يحول دونه موت كل الاماني


وياللي غلاك الروح واغلى من الروح
ليته خذاك من الوله ... ما خذاني




(مجاراتي لقصيدة بندر )




حمامة شعوري مثل ساجع الدوح *** غنّت طرب من بين عوج المحاني


يابندر الغالي ترى الشوق مفضوح *** ومثلي يغني للسكك والمباني


شفني على جال التباريح مطـــروح *** قريت أنا شعرك وثوّر حناني


ولاأشعار مثلك واعذب البوح مشفوح *** زدني ولك مني جزيل إمتناني


ذكرتني غرون من الغيـــد مملوح *** غايب وعقبه عفت حتى مكـــاني


الفاتن اللي سبب الآم وجروح *** وبميسم الغيّاب راح وكـــــواني


غاب وزرع في محجر العين ذرنوح *** الله حسيبه كيف غاب وجفـــاني


وان كان قصده يجرح القلب ويروح *** كيفه وانا بلقا مع الناس ثاني




ودي للجميع

لله درك
يابرق
ابدعت مثل ما ابدع بندر
كلكم شعراء وعمالقه بالشعر
صح لسانك ملايين
وعلا شانك
ولاهنت

تقديري واحترامي

الله الله عليك يا شاعري


برق البروق


صح لسانك واعتلا شانك

جاريت وتغلبت وتفننت وعبرت وابدعت يا رائع

لله درك من شاعر متمكن وجزل

بحق انت رائع


تحيتي ...

هلا بك شاعرنا القدير
ومراقبنا العزيز
عقاب منور
بتواجدك وصح بدنك والله يرعاك ولاعدمناك

هلابك شاعرنا القدير واخوي الغالي بندر
مابك ولابقصيدك قصور طال عمرك
وانا هنا أتعلم منك ومن الجميع
وصح بدنك وسلمت رووحك والله يرعاك ولاعدمناك

صح بوحك واعتلا شانك
شاعريناا الراقين
بندر الساكت وبرق البروق
شعر واااو
جد يخليكم ربي
عذب حيل راقي ها الاوان من الشعر
.أهلَاً بِحرفِكْ.أهلَاً بِإحسَآسكْ الذوق الي نتذوقه
قَرأتُكْ شَيِئاً مُختلفْ بِهذَا المساء الهادي
رائعه بحق
حَرفْ أنْ حَآوُلتْ اوُصفهْ سَ أصِفهْ بحرفْ قَوسْ الوا ن الطيف
الوُردْ يَستنشقْ عَبيِرْ حَرفكْ الروعه

:
:


نهلت من عذب حرفك حد الآرتوآء
كلمآت وابيات رآقيه برقيك
ذآئقه رآئعه من روآئعك الدآئمه
قرآت معين حرفك وآدركت أن للآبدآع هنآ حكآيه
سطرتهآ لنآ بكل جمآل لامتنآهي
شكراً بحجم السمآء أزفهآ لك

:
:

يسلم منطوقك شاعرنا المُبدع على دي المجاراه
شعراء مميزين وشهادتي فيكم مجروحه يّ أفاضل
ربي يسعدكم ولا يحرمنا روعتكم ،

حرفك كالبدر يضيء
ميارا ,,ورقة حرفك
جمالة لا يدانيه وصف
برق
أخذتنى لجزر ونجوم وقمر
جميل سيدى
حرفك وأكثر

هلابك أختي الذوق
ذوق الحنان
منوره بتواجدك الله يرعاك ولاعدمناك

هلابك اختي الكحيله
منوره بتواجدك الله يرعاك ولاعدمناك

هلابك اختي وتم
منوره بتواجدك الله يرعاك ولاعدمناك

هلابك
أنيقة الحرف الرواء منوره بتواجدك الله يرعاك ولاعدمناك

اسطورة بعد حيي
استمتعنا بهذه المجااراة الجميله
لله دركم من شعاااار

برق البرووووق
قلم وابداع لاينضب

حياك الله
أختي العنود منوره بتواجدك العذب الله يرعاك ولاعدمناك