اندنوسيا

لاياصقر لو تقطف الموز والتين
والسيل يجري والشوارع نظيفه
ماريدها لو هي انهار وبساتين
وديارنا لو هي محل مانعيفه
اندنوسيا مايريدها القلب ياشين
الي اهله فنصان نفسي تعيفه
شوفت جبل حايل تساوي ملايين
ليارقبت براسه والهواء له وحيفه
مبسوط والله ولاغبطت السلاطين
لو الطعام لبين ولا رغيفه
الذ واحلى من فقار البعارين
في ديرتن مايعز جاره وضيفه
لاياصقر ترا المناطر ماهي شين
خل العلوم الطيبه لك وظيفه

الشاعر/خصر صقر الشمروخي الشمري

عشت لاهنت صح فكرك ونبضك شاعرنا العزيز

تقبل
تحياتي لشخصك

صح لساانك
أنا أشهد
الله لا يخلينا من حاااايل وأهل حاااايل


يعطيك العااافيه

سلم لنا ابداعك الشعري شاعرنا


تحية وتقدير لشخصك الكريم ..!

يسلّم منطوقك شاعرنا المميز
إلهي يسعدك وَ يرضيك
~

والله صدقت شوفت هالفنسان عيذه

وطنا ابرك منهم

ياحلو حره وعجاجه

على ماقال الآمير الشاعر محمد السديري

تسسسسسسلم