الذيب ينطح ذيب لاصار عاوي (مسنده للشاعر الكبير:عيد بن سمران)ورده عليها

اسعد الله ايامكم بكل خير
صوت وصدى مع الشاعر الكبير : عيد بن سمران الحربي الذي افخر بأسناد القصيدة له وأتشرف برده عليها
إليكم القصيدتين
البداية كانت مني*
[poem=font=",6,blue,bold,normal" bkcolor="transparent" bkimage="" border="none,4," type=0 line=1 align=center use=ex num="0,black""]
ياعيد ابن سمران والغيث طشا = جاتك مزون الشعر من رأس قاوي
ياشاعر شعره يجي معه نشا = نشت فريد الطيب كمبود جاوي
شوق الهنوف اللي بزينه تغشا = ويبان لون الخد وسط الغشاوي
ياعيد ابن سمران قبل اتعشا = جيت اتغدا فيك لاصرت ناوي
مادام داب الليل فالليل وشا = قله لفاه الذيب فالليل عاوي
اللي زرع زرع ٍ وغيره يحشا = ماحسّب حساب الفقر والغناوي
مبسوط بين الزرع دوم ايتمشا = ومايحسده بالزرع ياكود شاوي
واليوم جاه السيل للزرع قشا = ولانستمع منه كثير الشكاوي
يبا السلامه مير وين ايتخشا = الوقت مايرحم ولا السيل ياوي
ياسهل كسر العظم لاصار هشا = وياصعب طب الموت عند المداوي
ياعيد ابن سمران ماجيت خشا = جيتك على وضح النقا يالنداوي
هات الجواب اليوم قبل المعشا = والذيب ينطح ذيب لا صار عاوي[/poem]

وهذا رد الشاعر : عيد بن سمران
[poem=font=",6,green,bold,normal" bkcolor="transparent" bkimage="" border="none,4," type=0 line=1 align=center use=ex num="0,black""]
حي الجواب اللي لفا دون غشا=من ضيغميٍ للفرايد نقاوي
شاعر على جزلات الاشعار نشا=شاعر يجيد الشعر فرد وغناوي
نسى السلام وجا بشعره يطشا=وعاداتنا نبدا السلام بتقاوي
ياشاعرٍ في جزل الاشعار رشا=رشة مطر ديمٍ على روض ذاوي
ابد السلام وخش فيما تخشا=معاك رجالٍ بعيد الهقاوي
لفيتني اضن قبل اتعشا=تبي اتعشابي تحسبن مشاوي
انا رجل مثلك على الطيب انشا=لاجات صكات الصعاب البلاوي
آقف مواقيفي وبالوجه ابشا=في كل موقف مارتخي بالعطاوي
وبيني وبينك يالبناخي مطشا=والذيب من بيني وبينك جلاوي
حنا سنايد بعضنا مانوشا=ولاهي لنا بعض الحيل والدعاوي
ولاننقل الهرجه ولانستغشا=بالوجه نعطيها عطا كل قاوي
وان كان عندك بالخفايا محشا=وقت الحصاد اقدم ولاعاد تاوي
ولاخير في رجلٍ الى انخي هشا=الرجل وقفاته لياجا اتداوي
وانا ترا مالي بالالغاز خشا=رجلٍ الى من جيت واضح نقاوي
واختامها صلوا على احسن مبشا=رسولنا اللي اللي بالرساله هداوي[/poem]

وسلامتكم
,
,
,

اللهم صلي ع سيدنا محمد عدد ماذكره الذاكرون وغفل عنه الغافلون


قصيده جزله ورآآآئعه .. ورد جميل وجزل ..


صح لساانك حتى الرضا ..


ابيات تحمل من المعاني الكثير .. اجاده ومضمون وجمال ورقي ..


ويبقى كلامي قاصرا للايفاء بحقك ..


لك كل الشكر ... واصل عطائك وتآلقك ..


احترامي وتحيااتي ..

ااخوي االغالي شاعرنا االمبدع
محمد الفريدي صااحب االابدااع والقصائد االجميله
صح لساانك وتسلم يمنااك على االكلماات المميزهـ
كعاادتك مبدع ومميز خاالص تقديري ،،

هلا والله بشاعرنا الجميل الفريدي

صح لسانك ولسان بن سمران على هالنظم الجزل
المميز بكل التفاصيل

ماشاء الله
فحولة الشعر تقابلو
يعطيكم العافيه على
هذا الابداع والتشويق

ماقصرت صح لسانك مليون ولا يسدون
كفو ولا تهون الله يبيض وجهك

صح بدن الجميع واكركم على المرور المشرف الجميل


وبالنسبة لك يأخو محمد أديهم ابشرك ترى القصيدتين كلها عفويات والمعنى بهن عفوي جدا والشاعر عيد بن سمران اخ وصديق افخر بصداقته

وشكرا للجميع

اللهم صلي وسلم على نبينا محمد
يامالين والله العافية اثنينكم
امتعتونا صراحة

نور الدنيا

شكرا لك على المرور الجميل