الـشـوق ج ـمـرهـ 00000

السلام عليكم ورحمة الله وبركاته
كل عام وانتم بخير آخواني وآخواتي وانتم من عوادة العيد انشاءالله

متوااضعه لقلوبكم قبل آهدابكم . .
آتمنى تنال آعجابكم وتكسب رضاكم . .

.
.

[poem=font=",6,firebrick,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الشوق جمره تشتعل لآجل محبوب = لو ما شكاها ؟ العين تكشف غرامه
كنها تقول بآقصى الحشى جمر لاهوب = ناتج شعور احساس شابه كلامه
تحيي ربيع القلب من عقب ما هوب = ممحل يزولّه سراب الغمامه
ندهني وجيته مع الشوق مندوب = جيت وكشف لي بالهوى عن مرامه
هو روح روحي دمث الآخلاق رعبوب = هو فرحة أيامي ليوم القيامه
هو سلوتي عن كـل محبب ومرغوب = هو منيتي لو يكثروا بالملامه
ترف الصبا سيد الغنادير منسوب = ذرب وادب رزين فوق الوسامه
النور في وجهه وهج فجر مثقوب = جبين شمس وبأطرف الخد شامه
ومبيسمه كن العسل فيه مذيوب = لاغض طرفه وألتفت بآ بتسامه
كنه شهد يمشي مع الجسم ويجوب = عجلن يخالف بالتأني السلامه
مالوم شعري لا كشف كل محجوب = ما فيه غيره فوق راسه عمامه
وانا اشهد ان القلب للترف منهوب = من زود حبه فوق صدري وسامه
أسوق له فوق العمر كل مجلوب = ولا اقول موتي دون وصله ندامه
لو بالهوا قاضي وحاكم ومنصوب = يعطي وياخذ من يطبق نظامه
ما صار به غالب ولا فيه مغلوب = ولا صار غيظ اهل الهوا والكرامه
ولا فيه من قلبه من الحب مصيوب = يشكي ويبكي من قساه وعدامه
ولا صار للعـذّال في نهجه اسلوب = كان أنكشف من قبل يرمي سهامه
ولا كان صار اليوم به كل عذروب = واصبح بعين الكل مرفوع هامه
كان أستهلّ مزون والبرق مصحوب = تسقي محل ارضه وتنبت خزامه
مبطي وهو اقرب لصدري من الثوب = واشفق على اعضاء الجسد من اعضامه
لي فيه راي وشور للعدل مطلوب = والعـز بالله يا رفيع المقامه
تدري غرامي درب عن كل الآدروب = نوره سطع يوم انسدلّك ضلامه

[/poem]

.
.

حمدان سليمان