واذا خذيت بلوك من واحدٍ زيـن

السلام عليكم

سالفة هالقصيده انه واحد من ربعي ضايق صدره قلت وش فيك قال ياشيخ خويتي فلانه عطتني بلوك

قلت ماشالله خويك له مصنع بلوك مات ضحك وقالي لا يابن الحلال بلوك يعني انه زعله

قلت له طيب انت خلك مثله وخلت بلوك ترى البنت ماتحب الدبشه اللي على وجهه خلك ذيب وصر بلوك مثله الزبده انه قالي الله يرحم والديك طس عن تكفى

وطسيت هههههههههههه وسالت وشو البلوك وعرفته ههههههههه وتخيلت انه جاني بلوك من حقتي (خويتي) وقهرني البلوك وسدحت فيه قصيده وبس




[poem=font=",6,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
اذا خذيت بلوك من واحـدٍ شيـن=تاخذ ثلاث ايام طايـر وفرحـان
واذا خذيت بلوك من واحدٍ زيـن=تحس في جوفك من الهم بركـان
وانا خذيت بلوك من ناظر العيـن=وذالي ثلاث ايام مانمـت سهـران
يابنت انا ويني ووين الخطاء وين=كان انت مني يريش اليعين زعلان
ترى الزعل يابنت بيـن المحبيـن=يذبح عروق القلب ويصير ذبـلان
يازين فك المنع ماعـد بـه ديـن=فكه تراي من القهر منك طفشـان
وان كان مافكيت فالمقبـره ويـن=الموت احسن لي ولا عيش طنيان
[/poem]