ماذا يدور؟ .. بندر الساكت + عقاب النهار

بندر الساكت

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يا عقاب راحت روح بندر وعيا=عيا القلم لا يكتب اللي شكيناه

واليوم يا ذيب الشرى لو تهيا=بيتين تاصف به صميم المعاناه

يا عقاب ما قالت كذ او كذيا=بالسالمي يا عقاب لامن ذكرناه

فيما مضى انا احسب انه ثريا=بس الهقاوي اعمت الراي واخطاه

المشكله يا عقاب انه هنيا=لا بينت واتل قلبي من اقصاه

هي بنت عمي واخذتها حميا=والا الغلا ما طب قلبه ولا جاه

يا عقاب لوهي من على البعد حيا=ماهي بيمي .. فز قلبي وحياه

به عفة العذراء وبها جور ريا=وفيها وفيها كل شيٍ تحلاه

ويا عقاب راحت توها من شويا=وما ظنتي يا عقاب هالقلب ينساه

ويا عقاب عيا هالقلم دوك عيا=عيا يقول اللي بحبه شكيناه
[/poem]

عقاب النهار

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
البارحه جفني عن النوم عيا=كدر مزاجي بالخبر ما سمعناه

لي صاحبٍ يشكي ونذرٍ عليا=لا احقق اللي صاحبي هو تمناه

بندر عليك الله وامانه تهيا=درب السعد بأذن الولي لك مشيناه

كان القلم عيا فنا قلت هيا=هن من بنات الفكر بالقاف صغناه

تبيه بجاه او وجاهه وايديا=كل الثلاثه احمد الله ملكناه

هي نجمةٍ تشب لنجم الثريا=وصفه جميل ومن كلامك عرفناه

خفه وعفه ما تجيب الاذيا=خذت وصوف الزين بقصاه وادناه

غطت على هذي وهذي وذيا=هذا على ذكرك ولا بعد شفناه

بندر تطق الراس واسقيق ميا=ارجي عسى ما تطلب اليوم جبناه
[/poem]

وصح الله لسانك استاذي ابو ضاري وفيت وكفيت لا عدمتك

وسلامة قلوبكم ونواظركم

ودي ...