يالرويلي ياعزيزن بالغمام ابداعه(موجهه للشاعر منصور الرويلي)

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

يالرويلـي ياعزيـزن بالغمـام ابـداعـه=ويش قولك في نصيبن في طبوعـه مالـي
انت بيطـار القوافـي لا لويـت ذراعـه=ضاق يامنصور صدري من غثى عذالـي
لابغيت انسى عشيري بالخلا لـو ساعـه=ماتركني طيف خلي فـي خـلاي الخالـي
من يفكن من طيوفـه او يعـرف اقناعـه=لاجل انام ولو دقايق فـي فراشـي سالـي
والبـلاء نفسـي قبالـه دايمـن مطواعـه=وهي تعرف انه سبايب كل حوسـة بالـي
قلت له هـذي سبايـب علتـك واوجاعـه=ماسمعتي نصـح زيـد ومرشـد البذالـي
قالت افطن للمطوع كيف روحـه ضاعـه=لين مـات لعيـن خلـه ماشكـى للوالـي
والدجيما صـان حبـه صابـرن ماباعـه=وصب ناره في بيوتـن تشبـه الزلزالـي
والنفيعي شـف عروقـه بالمحبـه ماعـه=وبالعواشق من يدوهج عن ديـاره جالـي
لاتحسب الروض دايـم زاهـي مرباعـه=بـه محولـن بالمحبـه تجلـب السلالـي
اعمل حسابـك تجـرب نارهـا بانواعـه=لين تبعد لاجـل تستـر دمعـك الهمالـي
قلت اجل دام المحبه لـه جروحـن ذاعـه=ومات منها ناس قبلي ليش نشكـي حالـي
من عنـودن يالرويلـي ذايـرن مرتاعـه=تزبن عن الخوف رجمن في سماها عالـي
يجفله غصنن تحـرك لاسـرى ذعذاعـه=او سجع راع العشايـر بالهـوى موالـي
تختفق خيفة شجاعن من خطيـر سباعـه=او رصاصاتـن تسوقـه بنـدق الزمالـي
عينها عيـن الحبيبـه والطبـاع طباعـه=فرقها المسفع وثوبـه والغطـاء والشالـي
مع نقوش الزين كله تسحـرك باصباعـه=او رموشن مـن هدبهـا عينهـا بظلالـي
او ردوفـن بالمسيـر لثوبهـا شـلاعـه=يرتفع لو هو طويلـن زاهـي التفصالـي
ذبحتي ريحـة جسدهـا ريحـة النعناعـه=ولو تذوق الريق ريقن فـي مذاقـه حالـي
عندلـن منهـا حياتـي دايمـن ملتـاعـه=وصرت يامنصور منها في جحيمن صالي
لو تجيبه لي وجاهـه والذهـب واطماعـه=كان اسوق لشوف عينه حيلتـي واموالـي
بس درب الزين عاضب ماعرفت اسناعـه=مع دروبن فـي حياتـي مالهـا معدالـي
صار مرماعي بعيدن عن هوى مرماعـه=مثل فرق اللي رحيـل وصاحبـه نزالـي
كيف كل انصاف حظي ماتنـول ارباعـه=وهي عقوبة من يطارد من ثمنهـا غالـي
اوجس بصدري جحيمن تلتهـب باظلاعـه=مـن عقـودن يالرويلـي مالهـا حلالـي
مثل مضروسـن يلولـج مالقـى مقلاعـه=وكل ضرسن ذقت ناره لازمـن ينشالـي
ومثل من يفقد وحيـدن بالبحـور شراعـه=والبحر هايـج وموجـه للعقـول هبالـي
من عشق يصبح سهيرن فوق روس اكواعه=وفي نهاره مع ربوعـه يشكـي الولوالـي
ليت يامنصور روحي للعـرب منصاعـه=تايبن عن حمل غيـري مكتفـي باحمالـي [/poem]