لاتراجي خافقن ضاع له غالي

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
لاتـراجـي خـافـقـن ضـاع لـه غـالـي=كـيـف تـرجـي واحـــدن طـايـحـن حـيــلـه
واشـقـاه ان كان حـالـه مـثـل حـالي=مـن عـذاب اهــل الـهــوى طـافـحـن كـيـلـه
دام حـظـي في هـوى صاحـبي مـالي=فـاقــدن راع الـحــــلا مــع مــجـــاديــلــه
شـال مــع غـيـري غـنـاوي وموالـي=ولاعـطـــت عــذره لـقـلــبــي وتحـلــيــلـه
دمـع عـيـنـي فـوق الاوجـان شـلالـي=لامـضـى لـه حــروة الــثـلــث مـن لــيـلـه
الـبـلاء عـنـدي عـواجـيـز وعـيـالـي=وصـعـب يـمـشـي واحـدن شـايـلـن عـيـلـه
الـعـرب مـاتـنـفــع الـمـيـت بـريـالـي=وكـل رجـلـن يـشـكـي الـضيـم من شــيـلـه
كـان عـفــت ديـارنـا هــاربـن جـالـي=طـــالـبــن ربـي وفــوقــه وتـســهــيــلــه
واسـكن بـيـوت الـشـعر بالخلا الخالي=واطـرد بـروقـن تـطــارا الـعـرب سـيـلـه
عقب مـن عـاف الـمـحـبـه ولا سـالـي=كـل مـاشــفــتـه شـكـى الـقـلـب مـن ويـلـه
لاطـرت راعـيــت رقــمــه بـجـوالـي=يـوم عــيـنــه تـطــربــن فــي تـعــالـيــلـه
والـلـه ان فـراق الاحــبــاب قـتــالــي=يـدخــل الـعــاقــل بحـســبــة مـهــابـيــلـه
زيـنـهـا يــودع خـفـى الـروح يـنـشـالي=كـامـلـن مــن والـي الـعـــرش تـكــمــيـلـه
مـهـرتـــن مـايـركـبــه كــل خــيــالــي=كـود مــن يـقــوى عــســافـه وتــذلــيــلـه
مـثـل الاطــرق مـارثــة بــدر هــذالــي=لابــتــن نــور الــمــعـــزه عــلـى خـيـلـه
نـسـل شــيـخـن حـط بالـطـيـب مـنـزالي=كـم عـقــيــدن عـاجــزن عـن مـواصـيـلـه
بـالـكرم غـيـثــن مـن الـمــزن هــمــالـي=وبـالـشـجــاعــه والـفـخـر نـافـلـن جـيـلـه
لـه تـلـوق الــمـهـرة الـلــي عــلـى بـالـي=ذاب قـلــبــي مــن غـثـــاه وغـرابــيــلــه
عــيــن ريـمـــن تـرتـعـي عـشـبـة الجـالي=يـسـحـرك زيـن الـمـحـاجــر وتـكـحـيلـه
جـسـمـهـا مـع مــثـلـهــا تـقــل تـمــثــالـي=مـايـنــول الـوصــف غــالــي درابـيـلــه
يـنــشـلـق ثـوبــه ولـو كـان تــفــصـالــي=مــن ردوفــن صــعـب شـيـلـه وتـنـزيـلـه
ريـحـــهـــا الــعـنــبـــر بــدكــان دلالــي=ولاتـبــي صـبــغ الــعــذارى وتـجــمـيـلـه
هــرجــهـا مـثـل الـعـسـل ذايـــبــن حـالـي=ولاطرى تغـيـيـر هــرجه وتـبـديـلـه
والـلـه ان الـهــجــر لـلـــجــوف ســـلالــي=صـوت بــيـرن قـام تـصـفــر مـحـاحـيـلـه
كـان قــردي يـدهــل الـقـلــب مــدهـــالـــي=وجــاب عـنــدي عـزبــتــه مـع مـعـامـيـلـه
والـلـه ان الـــنــاس قـالــوا بـالامـــثـــالـي=خـاســـرن زرع الـبــنــات ومـحـــاصـيـلـه[/poem]