يا بحــــر

السلام عليكم ورحمة الله

اليكم متواضعتي واتمنى ان تنال رضاكم وان تناغم احاسيسكم ومشاعركم العذبه وان تشفع لي غياب حرفي عن ذائقتكم

مدخلــــ

[align=right]

دايم ...تجيني تجرحيني وتقفي...
......بالكاد تلقي متعة الجرح بالنوح

بالله وشهو الذنب ياهوووه يكفي...
...قولي فديتك وش معك فيه مصلوح
لا غبت عنك تقبلي لي وتلفي....
...وان عدت يمك تجددي فيني جروح
تدرين لي مني ذكرتك وش اخفي..
..اخفي عذابك والبس الشوق واروح
اعيش معك الحب وارتاح واطفي...
......اشواق فيني مابها غير مسموح
ودي عناقك لين ما الروح تغفي....
.....وودي فراقك عل ترجع لي الروح
[/align]

يا بحــر جـده

جيتـك موادع..ولـي روحـه بـلا رده
واعود للسوده الخضراء وسد ابهـا

من بعد ما شفت غدرك يابحـر جـده
واش انتظر بعد تعذيبك.. تموج بها

جيتـك اسـامـرك والأشــواق معـتـده
الشط شطـك وموجـك قـام يضربهـا

والليـل ليلـي وســري حـافـظ ســده
ارسلـت لـي المـد واسـراري تقلبهـا

وحـيـن بعـثـرت مكنـونـي مــع وده
واعطينتي عهدك انك ما تبـوح بهـا

ارسلت موجك ومجـلاس الغـلا هـده
والعيـن طوفانهـا بالجفـن حـار بهـا

وتقول للجـزر هـات السـر مـن يـده
وانا احسبك قفل والاسرار تقضبهـا

يا بحر باذكرك وش صـار مـن مـده
فرحـة لقانـا هنـا والـمـوج طاربـهـا

بنيـت يابحـر بيـت وسـور والـسـده
والقلب من حولهـا يحمـى جوانبهـا

ابنـي وتهـدم بموجـك وارجــع ارده
والموج عقب البناء يرجـع يخربهـا

تدري واش اللي بقلبي واصـل حـده
كلمة (احبـك) علـى شاطـيـك كاتبـهـا

ماحت وسيل العيون مغرق(ن)خـده
ياقـوّ موجـك.. وياقـسـوة تعيشبـهـا

ياهيييـه جيتـك مـوادع والألـم عـده
دفـتـر فتحـتـه.. وصـفـاتـه تقلـبـهـا

خلاص ناوي على الهجران والصده
والله يعـيـن القـلـوب الـلـي تعذبـهـا

مخرجـــ

امانه... لا ذكرتيني تقولي يسعد ايامك...
..........والا ضاقت بك الدنيا في الذكرى تلاقيني

شــعر

احمد المنتشري
بوح القصيد