شــاعــرك مــاعــرفتــيــه

قصيدتي(بصوت المبدع..بدر الراشد)

[MEDIA]http://up.ftahilah.com/up//uploads/6cc9bbba38.mp3[/MEDIA]


[poem=font=",6,,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
ياساريه خوذي من الليل ثلثيه=تعبت اطاول عزته وانكساره
واحترت في قلب العنا وين اوديه=اللي جنح بي لين ضيّع مساره
حتى القصيد اللي نختني قوافيه=يموت في بالي عباره عباره
سريت له ياساريه في مساريه=اطرد ظلام العمروانخى نهاره
زواّدتي حلم وطعون ومشاريه=وجرح الفقيراللي شعاري شعاره
ماجيت ابكتب ذكرياته وماضيه=جيته واناجرح خرج عن مداره
جرحٍ تعرى من غياهب منافيه=مظلم ويشعل للسهر من شراره
عابر سبيله ماتوصل خطاويه=اواه يابعض الاماني خساره
يموت صوت العاطفه لوتناديه=ويسقط سموّه لويصافح وقاره
هذا انا ياسـاريه مـاعــرفتيه=ردي قبل موت الامل واندثاره
ضايق بعمره شاعرك لاتخليه= يهيم في هذالزمان ومراره
موحش طريقه والاماني تباريه=يبني من اوهام الحضاره حضاره
تايه وجرحه من قساوة مباديه= في عالمٍ عكس الضيا والطهاره
يزرع امل وظروف الايام تسقيه=واليوم هذي فرحته واحتضاره
غنا بصوتك يامرارة غناويه=حتى كسب تاج الالم عن جداره
ماهو بوده بس الايام ترميه=في بحر تسكن لجّته في محاره
هذا البحر ينكر حقيقة موانيه=ويغتال نورس ضحكتي ياخساره
ماعاد فيني سوّي اللي تسويه=جرحي واعرفه لاخرج عن مداره
[/poem]