مزحة الغالي

[poem=font="simplified arabic,7,white,bold,normal" bkcolor="blue" bkimage="" border="double,9,blue" type=2 line=0 align=center use=ex num="0,black""] ثقيله مزحة الغالي ولاادري وش دوافعها=تحملت وبعد ذلك ندمت اني تحملته
انا لازلت متحير ولاني قادر ابلعها=أناقض نفسي بنفسي كأني غصب جاملته
هواجيسي تغالطني انزلها وترفعها=نويت أكحل عيوني وعميت يوم كحلته
نقاشاة وحواراة عقيمة كيف ارقعها=ولا أحدٍ شافها غيري وانا طبعاً تخيلته
تعاتبني على نيه واناباحساسي أسمعها=تقول المبدأ الثابت بتال العمر هملته
عرفتك شاعرٍ يفحص حروفه قبل يبدعها=تنادولامتهان الشعروانته ماتقبلته
نهاية حلم مزعج واكثر العربان يفزعها=وبداية عهدي الشخصي وميل الحال عدلته
تكفيني عقولٍ تدرك الواقع ويقنعها=أخص بقولي العقال والجاهل تجاهلته
شريعتنا الهيه اله الكون شرعها=تحملت الأمانه يابن آدم وحملته
اطبقها على نفسي لو ان الغير ضيعها=يشيل آثامه بنفسه وأثامي انا شلته
ليا شاف الهميله قال هاتوها نسنعها=وانا ماكل فطايس والهمايل ماتهملته
ولاأحسد غير عبدٍ تذرف عيونه مدامعها=ذرفها خشية الخالق وانا المخلوق جللته
وأهني عبدٍ جنوبه تجافت عن مضاجعها=يسابق مانسى دينه ولادنياه مشغلته[/poem]