((الألفيــــــــــــــــه))

لالــف ابكــــتب كــــل مابــي يــــــدور:::وبشرح الموضوع لكــــل الحـضور

شعري اجيبه عـــــلى كـــــل البـــحور:::اعسف حروف الشـــعر باللّــي اريد

والباء بقلبي مــــــن اسبابـــه هــموم ::: من سبته جالس ولا اقـــــدر اقـوم

وحالي تردى كـــــل يومــن بــــــيـــوم :::وشوف هـــمي كل يـــــومــــن يزيد

والتاء تــــــرى الي تولــــع بالـــغرام :::يعيش في دنيـــــا مــــليئه ظـــــــلام

يقضي حيـــاته بيــــــن لـــوم ومـــلام :::ماتمشي الدنـــــيا علـــى مايــــــريد

والثاء ثوابـــــي على الله الكـــريـــم ::: اخلـــصتله بالحـــــب هــــــاك اللئيم

ومن سبته جرحن بقلــــبي سقـــــيم :::ابــــعد وخــــلاني بـــــدنــــــيا وحـــيد

والجـــــيم جـــاني وقال ادمح خطاي:::من عقــــــب ماسبب شقـــاي وعناي

جريــــح وبـــيدينه شـــــفاي ودواي::: وقفــــــى وخــــلاني بحالي زهيــــــد

والحاء حيـــاتي مــن سببها عــذاب:::وصـــــــارت حياتي من سببها خراب

وفتح بقلبي من الشقى الـــــف باب:::صدقتله والله بـــــقـــــولي شــــــــهيد

والخاء خويك لـــــزوم انك تــجيـــه::: دون الثـــلاث ايــــــام لاتــــهجـــريه

خلك حنون القلب ورفــق علـيــــــه:::لاتـــودع بهــــمه يـــــزيد الـــــرصيد

والدال دمرني حبيبـــــــي بالــصدود:::ودموع عيني على هـــجره شـــهود

ماصان في حبي جميع الـــــــعـهود:::الله بلاني بهــــوى شخـــصن عـــنيد

والــــذال ذلــلـــني ونــــــا مــــأــذل::: مرضى من الخــــفرات غيـــره بـدل

ياليت شــــيــــن حصـــلي ماحــصل::: واليوم عن عيــــني وقلـــبي بــــعيد

والراء رمـاني على نار القـــــــهر::ومن ناره القشــــرى خـــفوقي انصهر

وذبــــل بـقلــــــبي وروده والــزهر:: ونار الـــهجر منــــها يـــــذوب الحديد

والزاء زيـــــــــك وربــي ماخـــلق:::سبــــحان خــــــلاقك بـــــزينك فـــرق

اسهوم عينه كما ضرب الطـــــلق::: ياناس طــــبعه علــى قـــــلبي بلـــــيد

والسين سمــــيتك زعــيــم البنات::::خليــــت قلـــــبي من اســـبابك شتات

خلــــيتني اســـــهـــر بليلي مابات::: ومن عقـــبكم ماشفت يومــــن سعيد

والشين شف حالي من الي جرى:::غيرك حبيبــــي تـــــرى لــــي ماطرى

جرحن بقــــلبي نــــــزيفه مابرى::: قلــــــي وش الــــــي بهمـــــي تستفيد

والصاد صورتك دايــــم بالخيال::: ونسيان حـــــبك تـــــــرى شـــين محال

تكــــــفى طلبتك ياحسين الدلال:::ارفـــــق بحــــــالي ولاتـــــصـــبح عنــيد

والضاد ضمي جروحي يافتون :::::دامك على القلــــــــــب والحاله تمون

الله وكبر على هـــــاك العيون :::::الي غلاها سكـــــــــن وسط الــــوريد

والطاء طواني وخلاني جريح :::::انخى ونــــــــادي لخلـــقله وصـــــــيح

وعزتي للي بــــهواها يطـــيح :::::ماتمشي بكــــيفه وعــــلى الي يــــريد

والعيـــن عيا حبيبي لايــروف ::::: وحــسرتي كـــــــان عينـــه ماتشوف

وحبيبتي اسمها ياناس ؟؟؟؟؟؟::::: والله كتــــمته ولـــــكـــــــن مايــــفيد

والغين غايت منى قلبي لقــاه ::::: ويرتاح قلبي مــــن شقـــــــــاه وعناه

ياليتني في حيــــاته وبسمــاه ::::::الي بزينــــــه عــــــن العـــــالم فريد

والفاء فضحني غلاها ياعرب:::::وصــــــارت حيــــــاتي مليئه بالغضب

ووقد بوسط الحشا نار وحطــب::::: كنه علـــــى قلــــــبي بـــعنده يكـــيد

والقاف قفى وخـلاني انــــــــوح :::ومـــن سبــــته قــــلبي غدابه جروح

والدم في قلــــبي ياعــالم يفوح:::: مـــدري مــــن التعـذيب وش يستفيد

ولكاف كني بعد حــــبه غــريب::: مافــــاـدني عــــقبه عـــــلاج الطبيب

ليته رحمني قـــــبل انــه يـغيب:::الـــــي عــــن العالم بـــزينه فـــــريــد

والام لولا الفضيحه والمــلام::: لبـــــــــيح الخــــــافي بــــكـــل الكـلام

وجيه وعقد معه صفقة سلام::: وعــــيش انــــا ويــــــاه عــمرن جديد

والميم مر بحياتي كل شــيئ::: والقــــلب مـــن سبـــته بــــه الف كـي

من عيني القشراسلب كل ضي:جـــــيته بــــــكــــــل اسلـوب وعيا يفيد

والنون ناره توقد بالضــــمير: اقفـــــــى وخـــــــلانـــي وحــــيدوحسير

في حبها قلــــبي مقيد وسير: وغــــــيره مـــــن الــخفرات والله ماريد

والها هوى قلبي وغايت مناه: ولاحـــــــدن ســـكـن قلـبي يعالم سواه

هو جرح قلبي وهو ايضا دواه:ياليتي حـــضي علــــى شـــــوفه يجـيد

والواو ويلي ذبحني بالــعيون: مــن شفتهن صـار فــي عقلــي جنون

فيه الدلع والغنج ويضن فتون: ماجـــــابه التـــهديــــد وكــثر الوعيد

واليا يـــــاويلي ذبحني وبــتعد: ومــــــن عقبـها مـاشفت لحضة سعد

متى يجيني حبيبي ع الـــوعد: ويــــــطفي لهــيبـــن بقـــــــلبي يستقيد

((((كتبت هذه القصيده في حينها كيبورديه في احدى المنتديات ))))

الشاعر : مــحــــمد بن اديهم الخمعلي العنزي