في هذا الصرح الشامخ نلت اكثر مما استحق
شكراً بعد حي
شكراً الساري
<جميع مامنحتني من اوسمه اضعها تاج على راسي>
شكراً نور الدنيا
<على هذا الجهد في عمل ديوان شعري لي هنا>
شكراً للجميع
انا لم اقدم شي وانتم قدمتم لي كل شي .
نص متواضع لايفي بحقكم ولكن اقبلوه فانتم اكبر من الشعر
اؤمن بان من يكتب الشعر دون قناعه"
لايكتب الشعر بل الشعرهو من يكتبه ولذلك كانت ولاعمره كتبني !!!
كتبت الشعر من صغري غزل لعيونها وجنون=وكتبته للوفاء مبدا ولاهل الطيب عنواني
ولاعمره كتبني لجل عين اللي يدق لحون=ولامره كتبني للرجاء من واحد<ن> ثاني
شموخي مارجاء غير الكريم اللي يمد العون=كفل رزقي وسجل في كتابي يومي الفاني
وقبل العمر لايفنى بسطّر بالقصيد فنون=وفاء للي وفائهم جاوز القاصين والداني
على لهجة هلي اسم المكان وبه هله يسمون=سمو في طيبهم قمة جبل سموه حوراني
(بعد حي) انا مدري قصيدي فيك كيف يكون=ولاادري كيف اعبّر عن مشاعر نبض وجداني
تجاه اللي على درب النقا والمرجله يمشون=وذربات الجناب ورود فل وعطر ريحاني
من اكبركم الى اصغركم غلاكم بالحشا تدرون=ولاابالغ اذا قلت الغلا مع دم شرياني
تطوقني جمايلكم مثل سحب<ن>سبقها مزون=همت من خيرها واسقت وعمت كل الاوطاني
ولو تلِحق جمايلكم عليها لابتي يسرون=تعودنا نرد الطيب على اهل الطيب باحساني
ومهما يفعل الثاني بقى في شرعهم مديون=لان اللي فعل طيبه قبل فاز وتحداني
بعد حي بعد حي بعد حي بعد حي انا ممنون=انا ممنون لاصغركم مع اكبركم من اخواني
انا اعظم ماقدرت املك هنا شكراً لكم مليون=خذوها واقبلوها واعذروا هفوات قيفاني
بقلمي | نواف بندر
العضو الأكثر نشاطاً هذا اليوم 
العرض الشجري
