المنتديات والأعضاء

سجلت بالعديد من المنتديات منها الأجنبية الأمريكية والبريطانية اللي

يتحدثون الانجليزية فقط..وسجلت بالعربية كالمصرية والسورية و

واللبنانية والأردنية ..كما سجلت بالمنتديات الخليجية بأنواعها..

وقابلني أشكال وألوان من الأعضاء والمنتديات العجيبة الغريبة..

فالأجانب وجدت عندهم الحرية الزائدة والتطرق لمواضيع حساسة والرد على بعض باسلوب لا يليق...

بس لاحظت عندهم ميزة مافيه تحيز لعضو أو أعضاء معينين زي العرب..

نجي للمنتديات العربية...مسوين شلل ..تلاقي المدير العام جايب معه أصدقاؤه فالمراقبين

والمشرفين كلهم معرفه..وأي واحد فيهم ينزل موضوع ما الكل يدخل ويحييه

ويطبل ويزمر له...وباقي الأعضاء زين لو تكرم أحد ودخل على

موضوعه وشكره..الأجانب يقولون المنتدى محتاج للأعضاء ولازم نشجعهم دائما

عشان مانخسرهم والعرب يقولون اللي عاجبه والا مع السلامه...

غريب أمر بعض المنتديات العربية..ماأقدر
أنكر أنه منتدى بعد حييمافيه تحيز وكثر

الله من أمثال هذا المنتدى بس قلة مانجد مثله...

أما الأعضاء وما أكثرهم...فيه منهم اللي يدخل المنتدى

يبغى يتخانق وبس..ردوده تجريح وغلط
على العضو واستهتار..

ويظن أنه ماحد مثله بهالدنيا.. .. وفيه اللي مؤدب ومجامل زيادة عن اللزوم..

وفيه الوسط مجامل وبأوقات يقلب ويصير ينقد ويخانق الأعضاء...
وصعب ونادر تلقى عضو ينزل مواضيع من كتابته هو

معظم المواضيع نسخ ولصق... وكله كوم
والعضو اللي يدخل

على موضوع نقاشي ويقول يسلمووو كوم !!!
الحين العضو تعبان على موضوعه ويبغى ردود

سنعه ونقاش وآراء تفيد
العالم ويدخل بس عشان تكثر ردودوه ويقول يسلموووو...ولا عنده
حياء...بكل بجاحة يسلمووو...وفيه أعضاء تسجل بالمنتدى وتلقاهم
متمركزين بأقسام التسلية 24 ساعه وكل
مواضيعهم وردودهم
بالتسليه... وأكثر شيء يغث ويلهد مواضيع عد من واحد لعشرة
وزوج الأعضاء..والا عد من واحد لعشرة

وإجدع صرصور على عضو...
والله هالمواضيع مجرد مضيعه للوقت ولا منه

أي فائدة تذكر..واللي
يقهر حيل بالأعضاء هداهم الله أول مايدخل
المنتدى يتكي على كرسيه وهات ياتنزيل..

ينزل 10 مواضيع بنفس اللحظه!! وش نبدي
حنا؟ وش نرد عليه؟

يعنى بالعقل والمنطق الواحد ينزل موضوع أو
موضوعين باليوم عشان ياخذ موضوعه

حقه من القراءة والردود بس
من تحكى عليه؟ ماحولك أحد للأسف..

نجي لمدى إهتمام الادارة
بالأعضاء...سجلت مرة من المرات في
أحد المنتديات السعودية

ومعظمهم أقصد الادارة والمراقبين والمشرفين أصدقاء وهالمنتدى
شهر فقط وطلبوني مشرفة ووافقت...
وبمنتدى آخر
مراقبة وسجلت هنا عندكم وكم شهر وأصبحت مشرفه ثم مراقبه ...فبجد
ذهلت من الأمر...فرق كبير...بين المنتديات بس
فيه ناس تقدر وناس ماحولك أحد..
فالمنتديات والأعضاء أشكال وألوان...

يجب علينا البحث المستمر حتى نجد ضالتنا...

ويجب علينا عدم تكبير اللقمة حتى لا نغص

حاليا تركت جميع المنتديات وتفرغت هنا..

منتدى بعد حيي

رائع ومحايد ومافيه شلليه وتحيز...
كثر الله من أمثال هذا المنتدى اللى يهتم وينتبه للأعضاء ...
وجعله من نجاح لنجاح ومن تطور لتطور...

بقلمي

ملامح

..