][ .. سولفي .. ][ .. !

صباحكم شعر

متواضعه .. أتمنى أن تصل لمستوى الذائقه ..












سولفي دام الهوى لعْبه فـْ يَدّك
.......... موْعدك (قسْوه) يجاملها حناني

جيتك بْورده مع الضحكه بَشدّك
.......... أشتري دمعي واروّج لك أماني

كنت اغنّي لك ( حياتي مين قدّك ) ؟
.......... دامك بْصدْري تقاسيم واغاني

فرْصتي (لحظة) صفا قلبك وْوِِدّك
.......... أشبعيها من دلالك لو ثواني

طفلتي في داخلك تسْمع مردّك
.......... غيرها ما حطّم احساسي معاني

كيف هان بْقلبها جرْحي وصدّك ؟
.......... كيف نامت ظالمه وسْط المحاني ؟

مع جبين الشمس والقمرا فـْ خدّك
.......... ذاب وجْه الليل بالصّبْح وْ جفاني

وانقلب مودك على القسْوه وحدّك
.......... تحْرِقين اللي نسى واللي يعاني !

من يلومك لو يبيح الحال سدّك
.......... سولفي دام الهوى حاله أناني !