ركــآب فكري .!

هات القلم ياخليفه.. عطني الدفتر=ابكتب احزان صدري قبل تكتبني
ايوالله ان الغلا والشوق بي هستر=على وليفٍ غرامه حيل متعبني
أَفْتَرْ حوله وجهدي كل مايَفْتِر=أنَوِّخ ركاب فكري لا تعتبني
ياالله سترك وسترك يالولي يستر=من هاجسٍ لا سرى ليلي معذبني
لاهي بعبله ولاني صاحبه عنتر=بس العواقب وخيمه لو تجنبني
البرد من لهفتي لِمْعَانِقِه محتر=والحر في داخلي برده يقربني
ادفاء ويدفاء معي والجو يتوتر=أقْرَبْ ويبعد واقَرِّبْ له ويسحبني

صح لسآآنك حد الرضآ شآعرنآ العذب عياده
لوحه شعريه مغلفه بأحسآس شعري مرهف
سلمت وسلم نبضك يآ قدير ,,

اخوي الجهيلي
صح لسانك تصويرك مبدع،،والابيات جزله

تحياتي لك

يسلّم منطوقك شاعرنا المميز
على روعة الابيات
إلهي يسعدك وَ يرضيك
~