المحبه موت والفرقى كفن=والوداع يشتت افراح وحنين
والجروح اللي بخفاقي خفن=مايبينهن سوى غبر السنين
المقادير ابعدت رمش وجفن=من بعد مسكانهن في وسط عين
الليالي مابعد ليه صفن=والهموم اللي بخفاقي تبين
ياحياة (ن)به سعاداتي هفن=وانكشف فيها المخفى والكنين
والثقال اللي على صدري غفن=ماتزول وقلبي المغرم حزين
وياهجوس(ن)لقبل الليل هتفن=واصبح التفكيرفي ليلي رهين
وياجيوش(ن)في حناياي وقفن=حزن سلّم واستلم حزن(ن)عوين
آه ياحظ(ن)على اسناعي عفن=صار لي فرعون ماهو لي معين
وآه ياانوار(ن)بخفاقي طفن=من بعد فرقاك يالحسن الحسين
ومن بعد مده سعاداتي لفن=يوم شفت اللي ملك قلبي سنين
الفرح بعد الحزن حيل جرفن=وانقلب وقتي فرح بعد الانين
وبعدها حظي تغير وانصفن=وجمعّن في نور عيني والظنين
الشاعر/محمدعوادالويباري
العضو الأكثر نشاطاً هذا اليوم 
العرض الشجري
