والله ماصاب العيون المناعيس
ألا الهوى وسهوم بنتن عفيفه
داري بعيده والليالي هواجيس
والعين عقب اللي خذاها كفيفه
خل السهر لأهل العيون المتاعيس
وخل الهنى ياشوق دومي حليفه
لاشك شوقك درس القلب تدريس
وجاب القوافي والقصايد مقيفه
عقبك وحيدا الهم مالي موانيس
مايملي القلب الشقي غير طيفه
أفز وسط القوم وأجيس وأدعيس
وألم لك زين القصايد وصيفه
لا حدن يلوم العين عقب المناعيس
ولا حدن يلوم العين لاقل حيفه
شيبت بي وأثر الليالي وساويس
وغربتني وسط الديار المخيفه
الله وأكبر يالعيون النواعيس
حفظتني كل النجوم المريفه
ابكيتني وأثر الهبايب مداعيس
وذاب الجليد وغير البرد صيفه
لكن سلامي لانويت المفاريس
تضهر على كل النجوم المنيفه
تلقى سما شوق العيون السناعيس
ديار شمر مكرمين المضيفه
ترسل ضمى شوق العيون المهاويس
لصاحب اللي ينطح الشوق كيفه
[/table1]
اخوكم/محمد عبدالله الشمري
الملقب مـزيـون شـمــر
من الجوفـ
أتمنى ان تحوز على أعجابكم
كتبتها بتاريخ 17/7/1431هـ
العضو الأكثر نشاطاً هذا اليوم 
العرض الشجري
