للشاعر/ مبارك طناءالتبيناويبعنوان (أطهر ملك من مغيبه لين مطلعها)

بسم الله الرحمن الرحيم
إخواني الإعزاء أخواتي الفاضلات
السلام عليكم ورحمة الله وبعد : ـ
أهدي لكم قصيدتي المتواضعه لجل مقامكم بقلبي لعلها تنال إستحسانكم وهي عباره عن كلمه ترحيبيه بداءتها في الحفل الكبير التي أقامته
ه أسرة آل العلي الكرام بالرياض تكريماً لي ومني لشيوخنا الكرام أسرة آل علي كل الشكر والتقدير ولكم، وأقول لمن له حق ويتشره علي مايكون
خاطرك إلا طيّب فأنا كما عهدتموني وبالنسبة لي هذا هو التكريم الذي لايقدر بثمن وسام فخر وشرًف أغلاء من الدنيا كلها بالنسبة لي شخصياً
مدى الحياة ليس لي فقط بل هو تكريماً وتاج شرف لكل شمري وببقى لكل شمري وعاجز عن الشكروالثناء لمن قام بهذا الحفل الكبير المشرف بجهوده
الشخصيه المعنويه والماديه شرف كبيرلي ووسام على صدري وليس بغريب على شيوخ شمر عامه الكرم فهم أهلاً له وأنا لم أفعل شيئاً يستحق كل هذا التكريم
فمدح أي شمري ليس وتاريخ شمر هو لي وعلي فأشكر كل من شرفني بضورللحفل لهم كل الشكر على تحملهم عنا السفر من مختلف المملكة الغاليه فهو بحد ذاته
شرف لي ومن تشره ويقول أن التكريم هوتقديم شئ للمحتفى به فأقول أبشر بخير إنشاء الله فقبيلة شمر الطناياء أهلاً للكرم وأنت تستاهل وأنا أفعل وأوعدك
وأنا كما عهدتني ، شرهتك علي ممنون
عذراً أخواني الإعزاء وأخواتي الكريمات لكم مني كل الشكر وإليكم
ولكم أدي قصيدتي ووالتي هي
بعنوان ( أطهر ملك من مغيبه لين مطلعها)

بإسم اللذي يرتجيه العبد بركوعه = المعتلي خالق الشـــــده ونازعها
ماخاب عبد(ن) رجاء مولاه بخشوعه = أرزاق خلقه ميّسرها ومانعها
منه المواهب هـِـبــَّـه ماهي بمصنوعه = و الشعر هاض وتهيض من منابعها
وأعذب من الشعر جمهوره وموضوعه = قدر ومعزّه تشرفني دوافعها
من فيض ملفوظ فكر(ن) يفرض الروعه = من جوهر المفردات لعين سامعها
هلا عدد ماتغيب الشمس وطلوعه = بحفل (ن)وجيه السعد والخير جامعها
ماهو غريب الكرم من ساس ينبوعه = من دور حاتم وشمر هم مواقعها
هلا بعز الوطن وحماه ودروعه = شعب أبو متعب إلى القمه تطلعها
يموت راع الحسد والحقد بضلوعه = دون الوطن نرخص الروح ومطامعها
شرذّمة الغدر بإذن الله مردوعه = ماله مع الحق حق ولا نطاوعها
تغرير تدمير والتفجير ممنـوعه = في شرع شعب (ن)عظيم الشأن رافعها
وصقر العروبه له الرآيات مــرفـوعه = وصعبات الإشكال عبدالله يطوعها
من فيض كفه يزول الفقر بجذوعه = تِحوَّل عين الحسود ولا يطالعها
دمعة ملك لأجله الأعمار مبيوعه = منها عيون الشَرَف هـَلَّــت مدامعها
القلب الأبيض وضوح الشمس وسطوعه = أطهر ملك من مغيبه لين مطلعها
أنهى مشاكل دَوَّل والصلح مشروعه = وحوار الأديان مع فارق تنوعها
وولي عهد أبو متعب نادر (ن) نوعه = يارب سلطان بالصحه تمتعها
كل (ن) تمنى شـفاء سلطان ورجوعه = سلامتك يابو خالد من مواجعها
ونايف على زمـرّة الإرهاب قاطوعه = لأمن الوطن ضـد من حاول يزعزعها
وسلمان نور الرياض ونجد وشموعه =حد(ن) كما السيف غيث(ن) في تواضعها
أخوان نوره مـلاذ الشعب وفزوعه = عن جور بقعاء والأيام وفجايعها
شَجرَة وفاء يستتب الأمن بفروعه =للدار والشعب ماتحصى منافعها
ولشيوخ شمر شعور الحب مدفوعه =بأ جمل روايح عبير الورد وأروعها
سنجاره أسلم يلوح العز بجموعه =وجمع السناعيس كم كانت قلايعها
جمع الطناياء يحير الفكر بطبوعه =وكل القبايل تشرفني طبايعها
أمجاد الأجداد يالأجواد موسوعه =تحتار الأقلام وأعلام ومراجعها
ربعي سناعيس سفح الوادي إزروعه = من قرن عا شر وعلي(ن) في مرابعها
ياغاب شيخ الجبل يعتاض بربوعه = ضياغم (ن) بالوفاء ماأحد (ن) ينازعها
بشيوخ شمر و لو سجلت مطبوعه =ماأحصي كرمها ولاتحصي وقايعها
كم باحث(ن)مجهد(ن)نومه على كوعه=يبحر وتطلع بحور (ن) ماتوقعها
وصلو على من بعث سنته متبوعه = خير الملاء المصطفى وآله ومن معها

ولكم فائق أحترامي وتقديري والسلام
الشاعر / مبارك طناء مبيريك التبيناوي