وجـــــــد العشــــــاق؟؟؟

اقبلوا المتواضعة واتمنى تنال اعجابكم واول اضافة بالمنتديات!



قال اللذي من جور الاحباب مانام
عيا يجيه النوم من زود مابه

حب اللذي ماداج مصرو لا الشام
نجدية(ن) يستر حلاها ثيابه

بنت الرجال هل الشجاعة والاكرام
من شمر(ن)عز الخوي والقرابه

مصيونت(ن) عن كل طامع ولوام
مستورت(ن)يستر جماله حجابه

حبيتها حب(ن) على صدري وسام
ونفس المشاعر بادلتني وطابه

وكتبت له رمز المحبة بالاقلام
وبساع جاني ردها والاجابه

وقابلتها وصارحتها بحب وهيام
واجابت(ن) عليه ترى مثل مابه

ومرة علينا ايام من بعدها ايام
وشهور وسنين(ن) حضورن حسابه

وحنا على عهد(ن) خذيناه ومقام
حب(ن)نصونه بيننا عن خرابه

ياجولنا الحساد ومبغض ونمام
نصد عن حكي القفا والطلابه

وجدي عليها وجد عود(ن)له ايتام
عود(ن)اعيرج منحني عن شبابه

عياله صغار ولا خوال ولا اعمام
اربعة بنات ولا لهنه قرابه

يجيب بعيشته(ن)برعية للاغنام
في مسكن(ن)حتى الذيابه تهابه

وعيا يشيلنه عن القاع الاقدام
جاه المرض والناس محدن درابه

حالي مثل حاله سهير(ن)ولا انام
من علت(ن) عيا يتداوى صوابه

ومشكاي للي رازق كل الانام
محيي الديار الميته من سحابه