يسعد لي مساءكم يارب
هالقصيده لااخوي
واستاذنته انزلها ووافق
بس اشترط انها بدون اسم
ليش ماادري
وانشاء الله انها تعجبكم
من عادتي لا عكّر الوقـت جـوّي=أخفي دموعي عن نظر كل غالـي
ما ابدي تناهيدي ولو شبّ ضـوّي=وأدفن همومي بين فكـري وبالـي
وش عاد لو بركان حزنـي يـدوّي=وإلاّ يهـد بداخلـي كـل عـالـي
الله بلاني ب(العقـل)و ش أسـوّي؟=دربي يميـل ولا يميـل اعتدالـي
حيّرت في ممشاي حيلـة عـدوّي=لين اقتنع في طيبتـي وانثنـا لـي
هذا وانا فـي سكّـة الحـب تـوّي=بأوّل خطاوى رحلتـي وارتحالـي
من عافته عيني ..هفا من علـوّي=ومن حبّته نفسي ..سكن بالعلالـي
قناعتي في ضعـف (حوّاء)تقـوّي=وعزيمتي من دونهـا راس مالـي
ولا أذكر اني قلـت ليتـي ولـوّي=وأرضى باللي كتب عزيز الجلالي
وصبّرت قلـبٍ بالغـرام متكـوّي=وصبّرت صبري لين صبري شكالي
إيه أحترق شمعه لغيري وأضـوّي=لين البياض أخجل سـواد الليالـي
تحدّني دنيـا المتاعـب و أطـوّي=صفحاتها وانسى السنيـن الخوالـي
بالي على ميـل الزمـان متـروّي=يا كثر ميلاته..ويا طـووول بالـي
وانشاء الله انها تعجبكم
غلا