السلام عليكم ورحمة الله وبركاته مرحبااااااااااااااااااااااااا اليوووم اذاا ماعليكم امر حااابه انكم تساااعدوني في تاثيث بيتي طبعا حنا انشاء الله بنسكن بيت جديد بعد 3 اساابيع وانا نااويه اضبط الصااله واخليها حلووه وابغا منكم افكااار حلووه لصااله مثلا احط لوحه او مزهريه بلوووسط يعني بعض مسااعداتكم وطبعاا انا من الخرج واذا تعرفون محل يختص ببيع هاذي الاشياء لا تبخلوون علي ويالله ابغا افكااار حلوه لان مباااقي شي ونسكن
اولاً مبروك المنزل الجديد ..
وثانياً انتي بالخرج قريبه من الرياض اذا تقدرين روحي إيكيا مره حلو وعنده افكار..
اذا بغيتي هم يضبطون لك كل شي من هندسه وديكور واثاث ..
الف مبروووك منزلكم الجديد
والله يعطيكم من خير ويكفيكم شره
انا قبل رمضان ماخليت مكان بالرياض ماجيته
من أثاث وأواني منزليه وتحف
كله علشان بيت اختي والحمدلله طلع خوش بيت
فيه أماكن بالرياض حلوه فيها أثاث فاخر وفيه اسعار مختلفه
فيه العالي وفيه المتوسط وفيه الرخيص والرخيص تلقينه بحراج بن قاسم
في حي المنصوره
والآن افتتح البيت الصيني على طريق الدمام في كارفور القديم في تحف
صينيه جميله
وعندنا في حي المنار شارع أحمد بن حنبيل مليان محلات أثاث بأنواعها
والصراحه روعه حيل
وفيه محل أسمه هوم سنتر تقاطع طريق الملك فهد مع طريق خريص غرب
فيه اشياء روعه واسعارها مناسبه
يعني لو جيتي الرياض ماتبلشين بس يبيلك رواقه
انا خذيت شهر انا واختي من شارع لشارع لو معي ليموزين كان مطلع حق بيت
من المشاوير ههههههههههههههه
يالله الله يهنيك في بيتك وأي مساعده حنا حاضرين وخاصه بالامكنه أما الذوق
أنا احس إن النساء ازين ذوق في أختيار الاشياء اللي تناسبهم
العضو الأكثر نشاطاً هذا اليوم 
~
العرض المتطور
