طبعا بدووون زعل ياااسحالي

[البنت الناعمة:


طبعا هذة البنت وهى نايمة فى غرفتها الدبدوب والارنوب كلهم فى احضانها واذا قامت من النوم

ما تقوم الا الساعة وحدة الظهر واللى تقعدها من النوم الشغالة وطبعا تكلمها بالانجليزى بترجم

لكموش قالت لها الخدامة 00 تقول قومى ما ما وقت واجد تأخير 00 والناعمة اول ما تصحى

من النوم تفتح الستارة والشباك علشان الغرفة تتنفس وشغلت موسيقى رومانسية علشان

يكون الجو رايق وتاخذ حمام محترم وبعد ما تطلع من الحمام على المراية تحط من هالكريمات

والصبغ 00 لازم تحافظ على البشرة 00 خلصت من المراية وتتجة الان الى الاستشوار

وبعدين تلبس البنطلون الجنز والبلوزة 00 وتنزل تاكل الفطور اللى يكون عبارة عن دونت

وعصير برتقال 0

------------------------------------------

البنت الدفشة :

مثل نائبه القمر
تقوم الساعة 8 الصبح وهى ما ودها تقوم وتدخل امها عليها بالغرفة وتصرخ عليها قومى

شبعتى نوم ترد الدفشة على امها 00 زين زين الحين بقوم 00 وتقعد تأفففففففف ويطلع من

فمها نار 00 بالاضافة الى انها وهى نايمة كل دقيقة تطيح من على السرير 00 وبعدين يدخل

اخوها الصغير ويصرخ 00 وجع 00 يالله كفاية نوم 00 ترد علية : اطلع من الغرفة والا

ارميك من الشباك الحين << تذكرت كورا اذا دخلو عليها اخوانها >>المهم اخوها اللى اكبر منها يروح لها الغرفة يرفسها

وبعد تلك

الرفسة العنيفة 00 تصحى من النوم
-----------------------------------

نرجع الى البنت الناعمة


ما تتغدا الا الساعة 4 ولا 5 ولا تتغدى الا على رزابيض مسلوق

وسلطة تحافظ على رشاقتها 0

---------------------------------
اما البنت الدفشة
مثل عرووبه

تتغدا الساعة 12 بالضبط ولا تغدا الا كبسة ولحم او دجاج واذ خلصت تشرب البيبسى شربة

واحدة يعنى ما فى مجال انها تتنفس 000

---------------------------------------

البنت الناعمة:


طلعتها تكون من بعد صلاة المغرب ما تطلع العصر تحافظ على البشرة من ضوء الشمس

----------------------------------

البنت الدفشة
مثل على النيه

تطلع الساعة 2 القايلة تروح مشى لبيت خوالها لحد ما تنقلب سمرة 0

---------------------------------------

البنت الناعمة:


تروح ستار بكس او اى كافية وقبل لا تطلع تمر على الصالون تحط ميك اب خفيف ..

-------------------------------------

البنت الدفشة
مثل مناهي

تحط كحل يملا العين والروج تقول ما كلة انسان واذا بتروح تروح السوق ولا سوق الحراج 0

-----------------------------------------

البنت الناعمة:

اذا تبى تضحك تقول ( هههههههههه) ويدها على فمها من الخجل والضحكة من الصعب انك تسمعها

---------------------------

البنت الدفشة
مثل فاصله بيضاء

ها ها ها ها 00 واهل الحاره الثانيه يسمعونها

----------------------------------


البنت الناعمة:


اذا تحب تسمع اغانى ما تسمع عربى ما تسمع الا مساري وكارل وولف ....


------------------------------------

اما البنت الدفشة
مثل سهر

ممثلها المفضل محمد هنيدي وعبدالناصر درويش ومطربها المفضل خالد عبد الرحمن ورابح صقر والا شعبان عبد الرحيم 0

---------------------------------------

البنت الناعمة:


لما تتفرج على التلفزيون تقعد على الكرسى وتحط رجل على رجل وتبتسم لان الابتسامة تضفى بشاشة على الوجة 0


----------------------------------------

البنت الدفشة
مثل حنين الشوق

تنسدح على الارض وتحط رأسها على المخدة وتمد رجلها وتحطها على التلفزيون واذا تبى

تغير القناة دقت التلفزيون باصبع رجلها وغيرت القناة 0

----------------------------------------

البنت الناعمة:


اذا تبى تحلم احلام اليقضة طلعت فى حديقة بيتهم وقعدت على الكرسى هزاز وقام الكرسى

يروح ويرجع 0

-------------------------------------

البنت الدفشة:
مثل يسويها البخت
تروح بالحوش وتمد السجادة اللى فيها خمسة وثلاثين لون احمر واسود وابيض وجابت كاسة

ستة متر متروسة شاى 0

-------------------------------------

البنت الناعمة:


فى نهاية هالموضوع تقولكم 00 تشاو 00 او سى يو 00 او بااي

----------------------------------------

اما الدفشة :
مثل شل الحل بغيابك

فى نهاية الموضوع تقولكم 00 حياكم الله 00 تأمرون على شىء

ــــــــــــــــــــ


للبنات : هل انتي دفشه ولا نااعمه<<< عارف اغلبكم بيقول ناعمه بس والله من الدفاشه

للشباب : بعد التعريف هل تفضل البنت الدفشه ام الناعمه ههههه <<< ما يبيلهاا سؤال


باااااااااااااااااي