على حزت الـمــســرا وقـــــرب الوعد والليل=وانا والسما ونجوم ماحولنا قـمرا
وغـصن الشجر مزبـر عـليه الـنـدا بالحـيل=كما السحب قطاره من الغصن مايبرا
وشفت السماء تمطر من الثلج كنه غيل=وخيم هدوء ع الحي والناس في مذرا
سكون الشوارع زين والنور بس ازويل=عرجبي حنين الشوق واشتقت للمسرا
وليفي ملك قـلبي وانا في هواه حليل=لياغـبت لي يومين كن لي عـنه دهـرا
انا اسميتها العذرا وهي اسمي معاها سهيل=عشان العرب تدلــــه مع اشعارنا تقرا
نجيها نصيف الليل والا نجيها قبيل=نصوت لها خفيه وهي بالرموز ادرا
ولامن سمع صوتي تبسم ولف الشيل=وجاني بعد روحي من الدار للغدرا
وقبل ماتجي تسبر مع النافذه وتخـيل=لها مبسم قتال واشعورها شقرا
تلفت وهي تمشي تقل من مهار الخيل= تشابه عنود الصيد في مشيها حذرا
ابدفع مهرها شيك وازيدهم بالكيل=ولـو ساقهـا الـمعبود نبني لها قصرا
واباحطها فالعين واطلب قوي الحيل=عن اعداه وعدايه يسهلها الامرا
العضو الأكثر نشاطاً هذا اليوم 
العرض المتطور
