انا اللي

ياليتي احصد اللي قد زرعته في قلوب اجحود=وانا ما قد بذرت الا وفايَ في اراضيها
عجبت من الحصاد اليوم واشكك في بذر محمود=نسيت ان البذر بذري واصول الارض مدريها
حشى من بذر اهل الطيب وراسي من العلا معدود=اساس الارض من اصله مو ذنب البذرة الـ فيها
عطايَ بذر وطلابي ما ارده والليالي سود =قسم ما ارد طلابي واذا عـ الروح اعطيها
لكن الكرامة شي في دمي لوّ اني اجود =اعلمك الكرامة عزّ عزة من يخاويها
انا من طبعي الدايم اخالف ضدي الموجود=كرامه وعزّه وطيبه و ضِدادي ما ادانيها
وبعض الناس اضدادي وندي نادر و معدود =ياليتي اعدل اضدادي مع اندادي واخاويها
اربي النفس لو زلّت ولا زلّت وانا موجود=عدلت النفس من صغري ولا مالت خطاويها
انا لو فاحت اطباعي برد جمر و رمد لي عود =وانا نفسي من الداخل تغطي الشمس وتطفيها
ولا مدحن ترى بنفسي اجاهر والفخر مردود =واذا اطباعي تشين بيوم اذم النفس واهجيها
على طاريها خوتنا سهرته ليلي المعهود =قصيرة والخطأ باقي برغم الترك شاقيها
يغيب الواقع و تشرق ليالي خلفت بارود =يشب النار هوجاسي ويولعها بمآسيها
سلام بحبر اوراقي يبيح لك خوافي السدود=سلامن من خوي هاجر صروحك في علاويها
انا م ادفنها خوتنا تشابه قلبي المقرود =اجاهر لانها انقى من شعوري بـ خطاويها
انا من عالي اقوامن لها بصمة بقدح الزنود =وانا في نفسي تعرفني اموت و لا اوطيها
مرابي العزّ ما ربت خسيسن خاين العهود =واذا خنت العهد يعني زمانك خادعك فيها
خوي العمر و دروبه خويك بالزمن مقرود =واكابر بالزمن لاني انا الريم بـ معاليها
انا اللي لا وعد يوفي وانا اللي لا رحل م يعود =وانا اللي ما غفت دمعة يتيمه وسط اياديها
وانا اللي لا كرم يشبع وانا اللي لا ضرب مسنود=يهد اجبال مرساها غيومن بيض تكسيها
انا اقزازه فلو تكسر بقصدًا او بدون قصود =ادوسه ذا اللي يكسرني بحاجة ما اسميها
تذكرني ليا منك تدور اشباهي ما موجود =وانا بذكرك بأنك الجرح الادمى في قوافيها

ريم شمر

أنا اقزازه فلو تكسر بقصدا أو بدون قصود......ادوسه ذا ذا اللي يكسرني بحاجه مااسميها.
صح لسانك وعلا شانك شاعرتنا المتألقة ريم
قصيدة فيها اعتداد كبير بالنفس
ويحق لك..
دمتي بود.

بوح بديع راقي
ريم الشمري
صح احساسك يالعذبة
حماك الله
ورعاك

الله الله
ياسلام عليك وصح الله لسانك شاعرتنا ريم الشمري
ابدعتي وامتعتي كما تعودنا من سموك الابداع والحضور المميز
والله يجعل ايامك كلها افراح ومسرات يارب
دمتي ودام مداد قلمك ورقي حرفك الفاخر
تقديري وتقييمي

صح لسسانك ��������

لله درك ريم الشمري صح الســـــــــــــــانك ان قلت مليــــار مايكفون
وصح فكـــــــــــــــــــــــرك مرار وتكرار

انـا مـن عالـي اقـوامـن لـهـا بصـمـة بـقـدح الـزنـود...وانــا فــي نـفـسـي تعـرفـنـي امـــوت و لا اوطـيـهـا
مـرابـي الـعـزّ مــا ربــت خسيـسـن خـايـن الـعـهـود....واذا خـنـت العـهـد يـعـنـي زمـانــك خـادعــك فـيـهـا

حرف شامخ بالعز والاعتزاز والسمو والفخر
او بمعنى اصح هو السيره الذاتيه او الهوية الشخصية لشاعرتنا الرائعه ريم شمر
تعجز حروفي عن وصف هذا التألق الا محدود وهذا الأبداع الشعري الرهيب
صح لسانك وأعتلى شانك ودام تألقك وحضورك المفعم بالشعر والإبداع

الريم الشمري صح لسانك مليون على القصيده
والله يـعـطـيـك الـعـافيـــــــــــة
الله يسعدك


بنت القصيد

تغار من كِثر النجُوم ولا تدري أنها بقلبي قمُر .
ابدعتي ريم