السلام عليكم ورحمة الله
منوعات وأغلبها من منتديات او من بريدي
نبداء على بركة الله
طائر القيثاري الرائع في جنوب استرالياكل ما أتفرج على المقطع هذا
اقول سبحانك يارب
يقوم بالتغريد ليقنع الإناث لتقترب منه وتنبهر برشيه
لذا فإنه يغني ويقلد جميع الطيور اللتى تغرد ويستطيع سماعها
حتى إن الطيور اللتى يقلدها تنخدع وترد عليه بالتغريد إعتقادا منها بأنه صوت أحدها
ولكي يتغلب على منافسيه الذكور
فإنه يدمج ويقلد اي صوت يسمعه بالقرب منه في الغابة
مثل صوت فلاش كاميرا...صوت جهاز إنذار السيارة...صوت منشار آلى...الخ
أترككم مع هذا الطائر
تم رفعه لكم على اليوتيوب
شباب الكلوركس للتبييض الله يبيض وجيهم .اذا كان مقصدهم الستر والحشمه
عندي لكم سالفة تفطس من الضحك وما تجي في بالكم أبداً !!!
تعرفون انتشرت ألحين أقلام الليزر لمعاكسات البنات ومضايقة العوائل من الشباب وهدفهم المغازلة
لكن ألحين طلعت حركه جديدة من الشباب يستهدفون البنات إلي يلبسون عبايات مخصرة وفاتنة
وسمو نفسهم حملة شباب الكلوركس للتبيض !!!!؟؟؟؟
وشفتهم في السوق بس شفت بنات قليل منهم
تعرفون وش السالفة ؟؟
اللي قالت الخبر وحده في احد المنتديات الله يستر علينا وعليها وهي من النوع المحتشمة في لبسها للعباية الله يستر عليها يوفقها
تقول رحت أنا وزوجي للسوق ومنها بنلعب العيال ، شفت أربع بنات لابسين عبايات مره فاضحه ، يـبان حجم اليد والصدر والخصر ومن تحت فضفاض
واثنين شباب يمشون وراهم وأنا وزوجي عيونا عليهم وشوي إلا واحد من الشباب طلع من جيبه أبره ورش عبايات البنات وانحاشو !
جلسنا نمشي ورى البنات ، تقول وشوي تغيرت لون عبايتهم طلع لها لون غريب يضحك / واضح إن منكب عليهم كلوركس !!
وبعدها جلست أدور في عبايتي عسى مارشوني أنا بعد !
تقول الحمدلله عبايتي ما فيها شي
وراحوا البنات
وتقول زوجي مستغرب و يفكر ليه سووا الحركة هاذي ؟؟!!
تقول سبحان الله بعد ماشريت لي ملابس رحنا نلعب العيال بالملاهي إلي بالسوق ولقينا نفس الشباب وقلت لزوجي شوفهم هناك ورى البنات
وراح لهم زوجي وبعد خمس دقايق رجع يضحك قلت له هاه وش السالفه ؟؟
قال وهو يضحك : الإبرة اللي شفناها معهم هذي أنبوبات بدون أبره وفيها كلوركس يقولون اللي عجزت عنهم الهيئة تكافحهم إحنا نكافحهم !!
يقول الشاب لزوجي : نجي بدري لأي سوق يسمحون لنا ندخله و نلبس بنطلون أبيض أو ثوب ونحط في الجيب الواحد 10 أنبوبات فيها كلوركس ونرش عبايات البنات المخصرة والفاتنة ويحلف بالله اللي محتشمة ما نرشها !! نرش بس العبايات المخصرة والفاضحة !!
وسمو نفسهم شباب الكلوركس للتبيض... !!
يقول عددنا اللي في السوق 10 نتقسم وإذا خلص الكلوركس اللي معنا نروح نعبي من الجالون اللي بالسيارة
وسألهم زوجي ليه تسوون كذا ؟؟
تعرفون ويش قالوا ؟
قالوا هدفنا واضح هو نخلي هالبنات يلتزموا بالستر وبس !!!!.....
والله عليهم حركات ماتجي في بال أحد
وانصح كل وحدة بالستر في كل مكان مو في السوق وبس ولا راح تكون عرضه لشباب التبييض !
وأضحوكه للناس!
وعلى فكره شفت كم بنت ينعدون على الأصابع في أحد الأسواق تعرضوا للتبييض بالكلوركس !!
عساهم يتأدبون
ما دري وش أحط عنوان له...
بس انا شايف انه شر البلية ما يضحك
بسبب أتان (إنثى الحمار) متبرجة يموت 3 أشخاص ويصاب 12 غيرهم
أترككم مع الخبر
وأترك لكم التعليق
الولد لاطاب طيبه من خواله..
الصبي وان طاب طيبه من خواله... وان تردى فـعلم انهم خايبينـي
أشرب الفنجـال واكـب البيالـة... طيـبٍ واحـب سلـم الطيبينـي
من لا يعرف .. هذين البيتين .. بيتين اشهر من نار على علم ..
قد يجهل البعض قائلهما .. ولكن اكيد سمع بالبيتين من قبل ..
حتى اصبح مضرب مثل يتداوله كثير من الناس ..
قائل هذين البيتين ..
الشاعر / راشد بن حسن بن مانع بن رحيان الضاعني الملقب بــ ( ابن الذيب ) ..
وقيل انه توفي عام 1986م وهو في نجران وكان شايل معه شخص موصله الى قرية في نجران وحصل عليهم حادث وتوفي رحمه الله ..
راشد بن حسن .. كان يشتغل في شركة ارامكوا السعوديه .. وكان يملك سيارة الشركه ( جمس ارامكوا ) ..
وكان كل ما شاف له رجلي والا طرقي على الخط يبي احد يوصله يقوم ابن الذيب ويوصله بدون مقابل .. على سيارة الشركه ..
حتى اشتهر عند البدوان .. لا جا احد يبي يروح مكان ولا عنده مطيه والا موتر .. يمشي في طريقه ويقول عسا يلقاني ( ابن الذيب ) على الطريق والا انا القاه ..
ويشيلني ويوديني للمكان اللي انا ابيه .. حتى قاموا الناس يطرونه ويحكون فيه وهم لا يعرفونه ولا قد شافوه ..
جاء يوم من الايام الا عجوز وعندها غنم شوي تعد على الاصابع .. و ( راشد بن حسن ) .. كان مشغول ومتأخر على الدوام شوي ..
وشاف العجوز وشاف معها غنم تعداها وهملها .. عقب حزت في خاطره واستحى وراعي الطيب ما يجوز عن طيبه وقف الموتر ورجع للعجوز
يوم جاها قالها يا مره انا ابشيلك وبوديك المحل اللي تبينه لكن بدون غنمك .. انا متأخر على الدوام واخاف غنمك تأخرني زياده ..
قالت له العجوز .. خلاص رح الله يستر عليك يا ولدي ..
انا جالسه هنا انتظر ( ابن الذيب ) ..
هو اللي بيجيب العلم وبيوصلني المكان اللي انا ابيه انا وغنمي .. وهي ما تعرفه .. ولا تدري انه ( ابن الذيب ) .. هو نفسه اللي هي تكلمه .
يوم انصدم ( راشد بن حسن ) بقولها .. وتعجب !!
قال اركبي يا خاله انا ( ابن الذيب ) وابشري بعزك ..
ابوصلك انتي وغنمك ..
وكانت انظمة ارامكو تمنع السائقين ان يشيلو الرجليه اللي يوقفون السواقين ويطلبونهم توصيلهم على طريقهم .. وشلون توصيل الغنم ؟؟؟؟؟
حتى وصل علم .. لشركه بفعل ( راشد بن حسن ) .. وهدد بالفصل من الشركه اكثر من مره .. وبعض رؤساءه يأسوا من المحاوله معه .. واعجبتهم شهامته ..
وصل العجوز إلى منصاها والمكان اللي تبيه ..
وقال هذى القصيده .
و البيتين اللي بأول الموضوع يقال انهم محرفين.. والبيتين الصحيحين كما ذكروا بالقصيده ..
منسسسسسسسسم يروي قصته فــ بطن امه:
بحتسي لكم دصتي وأنا في بووطن أمي
في البداية يوم كنت نوووطفه
ظنيت إني من كريات الدم البيضاء
ماعرفت إني من بني البشر إلا لما قالت( الدكتوره ) لأمي مبرووك إنتي حامل
عاد أمي من الفرحة حطت يدها على بطنها في المكان اللي أنا موجود فيهـ عرفت إني المقصود وفهمت إني مشروع بني آدمي . (الله يخلف على ميمتك) هههههههههه
.بيني وبينكم ضاق صدري ..
قلت وش لي بوجع الراس أطلع لعالم ثاني وأصير إنسان وفي حساب وعقاب وأدرس
همس لي عقلي قال إحمد ربك بتطلع وبيصير عندك إيميل وماسنجر 9 صحيح أنه يطفش بس ماعليه وتشترك في جروبات ,
, قلتله وأصير مشرف في جروب؟ قال كل تبن إلا ذي .
,فرحت أنا قلت أجل بطلع اللحين
وبروح أشتري بطاطس من عند عمو يعقوب
قال بدري باقي تسع شهور (تحطيم)
.,ولما صار لي خمس شهور كنت حاس إني ذكر بس قلت يمكن أكون بنت
- لحوووول جلست أقطع من الشعيرات الدمويه وأقول غلام فتاه.. صبي صبيه.. بزر بزره
وأنا أفكر سمعت صوت أبوي يكلم أمي حاولت أركز ايش يقولها قربت إذني طلع أبوي يتغزل في أمي(تم تشفيره .....)
كنت بتصل عليهم وأقول إستحوا انا أسمعكم بس لم تسنح لي الفرصه
بصراحه إستحيت من كلام أمي وأبوي قلت أنام أحسن لي عيب أتصنت عليهم
بعدين يعاقبني ربي ويصير ولدي يتصنت علي (ابوك يالتفكير المنطقي)
جلست أمص اصبع رجلي لين نمت وبعد فترهـ سمعت صوت قوووي يتجه ناحيتي
قمت بطولي إلا ويرتطم راسي ببطن أمي آآآآخ بس قوة الصوت نستني الوجع
الله لايوريكم كأنه شلااال مدحدر علياا أحاول أهرب منا ولا منا هنا ولا هناك مافيه مجال
ربي ستر ومر من جنبي وماتأذيت طلعت أمي اللي يهديها شربت مويااا بكميه كبيره على غير العادهـ
بس والله تونست جلست ألعب بالمويا برجووولي كنت بسبح بس ماعندي مااايوهـ
لما جاء الشهر السابع راحت أمي ومعاها أبوي للدكتوره تطمئن أمي على صحتها
طبعا نامت أمي على السرير وابوي واقف جنبها ( بيحسسها بالأمان )
قلت حشااا ليه هو انتي حامل بوحش !! الدكتورهـ حطت جهاز على بطن أمي وبدأت تحرك يمين يسار فوق تحت وهم يشوفوني على الشاشه
واللهي مشاكل...ماعندي خلاقين اتستر بها
يادي الفضايح اللى مالهاااش اول من آخر
وانا اللى احاول اروح عند العلم حق ركلة الزاوية وارجع خط السمنتعش
مافيش فايده....كافشيني كافشيني
أستسلمت للأمر الواقع وقلت خلهم يفرحون شوي
عاد أنا قمت أتدلع واحرك رجلي وأفتح عيوني وأغمضها بنعومهـ وأمص أصبعي وأمي وأبويا يتبادلون نظرات الحب والرومانسيه ويبتسموااا
ويوم شالت الجهاز وإنقطعت عن الرؤيه وأنا أقول فكهـ كأن عمرهم ماشافوا بزر،
عاد سألت أمي الدكتورهـ متى موعد الولاده قالت باقي شهرين سمعت الخبرويجيني إنهيار عصبي
شهرين يامفتريه خلاص أنا طفشت أنكتمت الجووو حار مافيه الا مكيف صحرواي حتى مايبرد
قلت مايصبرنا غير النوم ونمت شهرين (نومة أهل الكهف)
صحيت من النوم وحسيت بملل وفراغ قاتل حاولت أرفهـ عن نفسي ورحت ألعب لعبة الحبل بإستخدام الحبل السري (عز الله إنه بيجيب العيد)
وأجلس أنطط وأغني شبره أمره شمس نجوم كواكب هواء واحد اثنين ثلاثه هيييييييييييييييه
...
وفجأه من قوة ماأنطط تزحلقت وأنقلبت ويصير راسي تحت ورجولي فوق قامت أمي تصررخ
,أخذها أبوي على طووول لأقرب مستشفى قال الطبيب هذي ولااااااااده لما سمعت الخبر
وأنا أفرح مابغينا نطلع وبديت أكشخ وارتب حالي أستعد للقاء الأول مع صديقي بالحضانهـ
وأمي كل شوي تتعالى صرخاتها حطوها على السرير متوجهين لغرفة الولاااااده وأبوي يمشي جنبها
ويقولها لاتخافي أنا معاكي ترد أمي أخاف أموت وانا اولد
, أبوي رد عليها والدموع تنهمر من عينيه ياجعل يومي قبل يومك <=== متأثر بالأفلام
وأنا أقول ماوصلنا لغرفة الولادهـ إنكتمنا ياهوه هوّوووووووونا .
,طبعاً نقلوا أمي للسرير الموجود بالغرفه وجاء الدختور ومعاه النيرسات .
,قال الدكتور لأمي زفيييييييييير أمي فهمتها عكس أدتها شهييييييييييق
واذا انا اللي أنشفط وأدخل جوّووا دقيت أمي بكوعي قلتلها يقولك زفير زفير الظاهر أمي سمعتني
وزفرت زفرة وتدفعني أمي بقوه وأنا طلع سرعتي 180 ميغابايت وطلع كل شي فيني الا خشمي
قلت لحووووول هذا اللي كنت خايف منه!
إستدعى الدختور الطاقم الطبي عشان يطلعون خشمي حاولوا المرهـ الأولى والثانيه مانفع
وبعد ثالث محاوله طلعوهـ ( الثالثه ثابتهـ )جلست أبكي وأقول للدكتور غض البصر
وتشيلني النيرس على يدها وتلفني بذاك الأبيض ياسلاااااااام وأخيرا انتهت معاااناتي منقول مع إضافة بعض البهارات
خلونا نشوووووووف صاحبنا السوداني وش مسوي اليوم
من قووووووة الكسل...طلع بفكرة ج ــوهنمية (قليلة فيها جهنمية)
ههههههههههههههههههههههههههههههه
صدق إنك رهيب يالزووووولش
هذا واحد يحب عصير سن تووب لما درى انه دانماركي عاتبه
طبعا الاغلبية فيكم يحب ذا العصير يذكرهم بأيام الطفووووووووووووله
شكله متعلق فيه بالمررررررررررررررررررررررره
<=====ماينلاااااااااااام يوم تعلق فيه والله
شوفوووووووووووووووووا الصوررررره باين إنه راعي نكته ومسنجر من رقم لوحة السيارةلوووووووووووووووووووول
وأخيرا أترككم مع هذه القصة التوووووحفه
من دون لف أو دوران .. اليوم ضايقن صدري يمكن عشاني ماعاد صرت حلو والملح راح من وجهي لأن الواحد كل ماكبر كل مالزين يروح ويختفي ..
يعني مستحيل تلاقون واحد صغير وشين ومستحيل المستحيلات أنكم تلاقون واحدن كبير ويقوطر زين ودلع .. خلونا من هالكلام الفاضي .. وبعطيكم العلم اللي يجمد على شنب ( معلّم شورما ) ..
اليوم صارت عندنا عااازومتن تووحووبها قلوبكم ... مافيه واحد من البشر إلا وشفناه قالطـن عندنا .. ومتربع على الذبايح والورق عِنب << حطوا تحت كلمة ورق العِنب
عشرطعشر خط
الوالد متعلّق برقبة جماعة المسجد بعد صلاة العصر يعزم .. واخوي الكبير عازمن ربعه اللي بالاستراحه .. واخوي الصغير عازمـن مبزرة ودشير الحارة ..
والله ياجماعه عالم وزحمه بشكل ... شي مهوب طبيعي .. من زحمة العالم ما أقدر أوصف الموقف ... حتى أني شفت ناس ماشفتهم من اربع سنين .. مدري وش جابهم ... بس اللي أنا متأكد منه أن الشعب العربي يموت ثم يذوب لين يتقوطر شغف وحب في شي اسمه ( عزيمه وتدسيم شوارب ورز بشاوري حافّن ثواني التبسي ) !
علي ولد المنزوي .. جانا وجايب معه بزرانه الثلاثة .. وش موقع بزرانه من الإعراب في عزيمتنا الكريمة .. أنا إلى آلحين ما أدري !!
عمو يعقوب ولد ابو ابراهيم الكفيف(هو نفسه عمو يعقوب اللى في القصة اللى فوق) .. تعشّا ثم خذ عطر اليدين ( الكلونيا ) ورشّه على خلاقينه وملابسه ..
بدءً من مرزام شماغه اليابس وحتى شراشير سرواله اللي تتسحب في الارض ..
والأعجب من كذا أنه جلس يتلفت ومادرى أني جالس أطالع فيه من بعيد ..
ثم يوم حسّ بالأمان ( نطل ) غرشة الكلونيا في جيبه ومشى وقام يقول للي واقفين على الباب ( أنعم الله عليكم ) .. عشان يُبعد الشبهه عن عمره .. ألا ياليتك غصيت بلقمتك ثم طحت ميّت من قبل تطلع مع الباب .. عشان تبين فضيحتك ياراعي الكلونيه
فيصل ولد أم العصاقيل .. تصوروا ياجماعة من جلس على العشا وهو يدعس أبو الفلفل في مكانه ومكان الأربعه اللي جنبه .. وجالس يستخفّ دمّه ويقول ( ياجماعه ترى الفلفل الحارّ زين للي يبي النشاط ) .. ياخي اثقل الله يخليك لامك
أنا مايقهرني إلا إذا صرت أصب القهوه ووقفت على راس اثنين من الشيّاب وصرت مادّ الفنجال بُعد " ثلاثة متر " .. وكل واحد منهم يقول للثاني ( تقهو .. لا شرط مايتعداك .. والله ان مايجيني ) .. أقسم بالله أن نفسي تراودني أني أصمخ الفنجال بجبهة واحدن منهم
عشان يستادبون .. قالوا أيش قالوا : تقدير وسلوم
أخوي التسبير كارفن مندوبي في العزيمه .. أبوي يقول له ( جب البخور ) .. يلتفت علي ويقول ( ماتسمع وش يقولك أبوي ! ) .. أي والله أسمع ونص يوم انه يامرك ياللي مانيب قايل وتحوّل المُعاملة علي !
عاد أدخل أجيب ( مدخن الطيب ) وخذ زحمة في المطبخ .. أختي ( تكرشني ) من صوب .. وامي تقول أذلف صب القهوه تراك آذيتنا ... وانا طايحن ( حَيصَ بَيصْ ) بين عايلتنا الكريمة !
عاد الموت يوم ان الوالد يعطيني البخور ويحطّه بذمتي ويامرني ( أهفّ ) الجمر في الملحق الخارجي عشان يصير الجمر حامي ومستوي ويدق طنب ( كسرة العود ) المليحة .. واقعد ( اهفهف ) عليه عشان يحمّر .. وبلحظة تطاير الشضايا وتعدم ثوبي اللي ماخذه سلف من واحدن من ربعي .
ويوم يقلّط الضيوف على العشا .. وانا اللي أنبسط وابدا أمدد ( رجولي ) في المجلس وادوّر البراد وينه فيه عشان أستعيد على الأقل شيء بسيط من ( أنسانيتي ) اللي فقدتها في وقت البحث عنها تحت وطأة تجبّر هوامير العائلة ضدي(متعوب عليها وطأة هذه) .. ومايمديني آخذ لي قسط من الراحة إلا وواحد من المعازيم ( يكرفس ) فرحتي بقولته ( أكرمكم الله .. جعلها سفرتن دايمه ) .. أيه كثّر منها بس أنت ووجهك ..
وانا اللي أطمر وخذ ( كرف ) مرّه ثانيه .. واقف على باب المغاسل .. ماسك بيدي اليمين ( مناديل ) .. وبيدي الشمال علبة الكلونيا اللي سرقها التسلب ( سالم ولد ابو ابراهيم الكفيف ) .. وخذ ( بخّ ) و ( تنشيف ) لهالمعازيم .. ماعاد باقي إلا أدخلهم دورة المياه - الله يكرمكم - واقوم على خدمتهم ورعايتهم ..
وسعابيلي مابلا تقوطر وكل مالتفت على يميني اشوف صحون العشا متسدحه .. والعالم جالسه تعثْا فيها ( تقطيع وتمليس ) .. طيب أرحموا أخوكم راعي هالكلونيا اللي واقفن على خدمتكم ، وبقوّا له شوي من فصافيص ( هالرزّ المنتثر ) ..
عاد الحريم كل وحدتن تحكّ بطنها بس .. يحترون بس متى تقول لهم الوالدة ( أقلطوا الله يحييكم ) .. يتراكضون على العشا ومامنهم اللي تغسّل يديها عشان مايسبقها غيرها على الاكل ويروح عليها المكان .. ولو تقول لها الوحدة : غسّلي يديك يافلانة .. تصير إجابتها والمه من العام الماضي : أنا مغسّلة ياعمري !
عاد حق الدلع - يادافع البلا - .. الوحده ماتاكل إلا بشوكة .. المشكلة من تمسك الشوكة والسكين وهي تفرط في هالرز ، تعجز تشيل لها حبتين واللحمة تقعد معها نصف ساعة عشان تقطعها .. شيل وحط وكله لعيون ( هالبرستيج ) واركب الموضة اليوم لاتركبك باتسر .. وكل شي لعيون ( ....) يهون .
بنت عمّي الماخوذه ( فاطمة ) .. ماتعرف من الدلع شي ..
تعرّفت لها مرّتن على وحدتـن من بنات التجّار في الحرم بمكّة برمضان ..
وعزمتها بنت التجّار ببيتهم في الرياض وراحت بنت عمّي مع اخوها بعد مالعبت عليه ووقفها بحارتن ثانية وراحت لبيت صديقتها على رجلينها عشان صديقتها ماتشوف سيارة أخوها ويفشّلها هههههههههه ..
عاد تسولف بنت عمُي على أختي عن الدلع اللي شافته ببيت صديقتها .. تقول أنها حطّت لها ( عشا ) يهبّل ويوم انهم قضوا من الاكل ودبغ النعمة قدّمت لها صحن حلى وقالت لها : ذوقي هالحلى .. جابه لي أخوي اليوم العصر من حلويات ( سعد الدين ) ...
عاد بنت عمّي قروية وتفشّل اللي مايتفشّل ..
ماتعرف ( سعد الدين ) إلا بكتاب التاريخ .. بلشت وش لون تاكل هالحلى وهي بعمرها ماقد ذاقت حلى إلا ( تمر خلاص معبوط ) بمزرعتهم بالديرة ..
حاولت بنت عمّي أنها تشغل خويتها بأي شي عشان ( تستفرد ) بالصحن وتقول بالحلى والنعمة .. بس ماش .. صارت خويتها نشبه وماتعدت طاولة الاكل ..
ومير تقوم بنت عمّي وترفع كمومها وتستخير بامرها وتقول بالحلى بيديها وتبيع الدنيا بنصف ريال .. يوم انهبلت خويتها وبققت عيونها تحسب بنت عمّي ( رجّالن بس من دون شنب ) .. ارتاعت من خشونتها الذكورية الزايده عندها ! .. لا ومن زود دلع بنت عمّي ( فاطمة ) رجلينها كلّها شعر .. وصراحة بنت عمّي فاطمة تصلح تصير كل شي ( حرّاثة أو وايت صرف صحي ) كل شي إلا انها تصير بنت ..
بس ياحسرتها هالضعيفه .. خلقة الله .. ومالنا في خلقة الله تعدّي .. والرضاء بالقضاء والقدر ملزوم .. مدري من هاللي بيتهوّر وبيرتكب أكبر محضور بحياته وبيروح آخر عمره عشان يعرس عليها ... ألا ياعساها تمشي مسيار بس !
أتذكّر قبل ثلاثة أسابيع .. عزمني واحدن من ربعي الحلوين .. وهذي مشكلة اللي يصير ربعه كلّهم حلوين .. ماعاد يفرّق بينهم إلا بطقم الاسنان ..المهم خويي ذا الناس تناديه أحمد وهو ملزم يقولهم محمد ... عزمني على عشا بأحد المطاعم الحلييييوه ... تبطحنا على الطاولة وجلسنا ننتظر صحون " اللقمة " ..
قدّموا لنا مُقبلات وكم كاس مويه ثم حط قدّامنا عامل المطعم شوكة وسكين وملعقتين .. حشرونا بـ ( خسّ ) و ( وجرجير ) وثلاثة واربعين نوع أخضر ..
الشرهه ماهي علي .. الشرهه على خويي اللي ماكفّ يدي عن هالمُقبلات .. لأنهم يوم جابوا الاكل عجزت آكل لي لقمتين .. شبعت ليييين بغت تنفقع تسبدي ..
حاولت من هنا ومن هنا .. دوّرت لي مكان بـ ( حويصلتي ) .. بس مالقيت والا حتى ربع حتّه فاضيه .. وانا اللي أفتح خشتي وخويي يبلع من العيشه تقولون جالس أسويّ له تدريب على " فتح الفم بشكل سليم " .. خويي يبلع ياجماعة ويهرش من العيشة .. وانا جلست أستغلّ وقتي وقعدت أقلّب عيوني في هاللي يدخلون المطعم .. وكل من دخل ( قعدت ) أطالع فيه .. اللي يروح للمغسلة ويقعد يتفرّج على خشته بمراية المطعم .. واللي يدخل ثم يطلب الطلب ثم يجلس على الكرسي ويجلس ينتظر الطلب لين ينتهي ويجلس يطالع في اللي ياكلون .. واللي يتميلح بـ ( عود الاسنان ) ويجلس طول وقته يحفر في فمّه كنّه أوّل مرّتن يدخل مطعم .. والمشكلة مايسوي هالحركه إلا اللي مايتعدى طلبه ( 7 ) ريال وكل طلبه
( عصير بردقان ) وفطيرة لبنه !
دبغ خوينا في العشا وانا دبغت في الخس والجرجير - الله يكرّم النعمة - وطلعنا مع الباب عـرض .. ! إلا تهقون لو نحط عزيمه المرّه الجايه بيجوونا زي هالعالم وبزارينهم ودقرشهم والا بيجون شويين وبتصير العزيمة خفّافي ؟
أنعم الله علينا وعليكم .. والمرّه الجايه حقكم مكفـول وسفرتكم والمه
وإلى لقاء في منوعات قريبة
العضو الأكثر نشاطاً هذا اليوم 
العرض الشجري
