حظي العاثر

السلام عليكم
من الارشيف

لعل الوقت يسعفني واكملها يابو تغريـد=على ذوقي وانا ذوقي يناسب ذوق الاسطوره
الا ياقلب لاتشكي من التجريح والتعقيـد=انا مااكتب سوى نبض الخفوق وصادق شعوره
أواسي نفس ماسليت ولاملت من التجميد=على ذكرى هوى خلٍ جرح قلبي بساطوره
واداوي جرح مايبرى ولاينفـع بـه التضميـد=واراقب بالنظر قلب غدى بيدينهـا كـوره
غريبه كل ماغابـت غلاهـا بالضميـر يزيـد=والاغرب يوم تطري لي واقول البنت معـذوره
دعاني حظي العاثر وانا طعته وجبـت العيـد=دفعني للخطاء قولت ذنوب الحب مغفـوره
انا مازلت ضد اللـي يقولـون الـردا للغيـد=جبلة من طبيعتهـا عليهـا البنـت مفطـوره
لإن التفاضل مايوافق مبـادي تابـع التوحيـد=وانا اللي مانفذ صبره ولو زاد الزمـن جـوره
بعيـد السـد مابيـح خفـاه وكثـر التنهيـد=رجا يسره غلب عسره وتبقى الحال مستـوره
غيابك نار وامالـي بلحظـة رجعتـك تبريـد=اعيشك حلم ياعمر عناه يحـارب سـروره
خطاي اسرفت باخلاصي لقلب يعشق التنكيد=وخطاك تحمل الغالي حمول فوق مقدوره
وخطانا كلنـا جملـه تبـاع بقيمـة التفريـد=كلانا غلطته يبغى المقابـل يرضـي غـروره
قلبنا صـورة الواقـع خيـال بنيـة التنجيـد=تعامينا وضيعنا الخيـال وضاعـت الصـوره
بعد فات الاوان وفات ميعادي مع التمديـد=عرفت ان الثمن شاعر خسر نفسه وجمهوره
وصغرت بعين من ساءه خطاي ونفذ التهديد=حلال بحق من خالف هواه ولاسمع شـوره
بعد ماكنت له طيـر يهـده للقنـص ويصيـد=تركني طير للزينه وانـا مـن خيـرة طيـوره
رحمك الله يابن آدم تحـب المـدح والتمجيـد=عيونه تنظر لغيـره ولاتكشـف لـه قصـوره
حبيبي لاتواخذنـي بكثـر الشجـب والتنديـد=تراك مقابـل شاعـر تسوقـه روح مقهـوره
لك الله مافقدت الا حقـوق الرفـض والتأييـد=واذا خالفتك برايـي تـرى مانتـي بمجبـوره
سأمنا المنهج الرجعي وكثر القمـع والتشديـد=تخلفنـا وخلفنـا حظـاره نصفهـا عــوره
ورثنا الخوف من امه قديمه ترفـض التجديـد=وانا شاعر ومن حقه يقول ويكتب سطـوره

20-09-2009, 11:57

صح لسانك ابو محمد
من الصميم خرجت بهذه الرائعة
اسعفك الوقت وفيت وكفيت

هلابك ابومحمد وصـــح لسانك ملاااايييين
رااائع ماكتبت لاعــــــــدمنا وجووودك.

تم التنســــــيق

سلم بوحك واحساسك وعلا شانك

عوادالعلي ... تسلم وصح الله لسانك ولاهنت
يعطيك الله العافيه
شكرا لك ..

ارشيفن مبارك راقي

سلم لسانك وبنانك تعيش وتدوم ياعواد

نص غايه في الروعه شاعرنا القدير
صح لسااانك حد الرضا
وسلم احساسك ونبضك العذب يا راقي ،

قصيده فوق هام السحاب عزالله مافيك حيله شاعرنا عواد

يلبسك العافية على حسن الوزن والقافية
تقديري وتقييمي

صح لسانك عواد العلي ,, قصيده حيّه بصدق معانيها واحساسك ,,

يعطيك العافيه ,,

تقبل تواضع مروري

الشاعر عواد العلي
صح لسانك وسلم بنانك ولاهان منطوقك العذب دمت ودام حرفك



بنت القصيد

غريـبـه كــل ماغـابـت غـلاهـا بالضـمـيـر يـزيــد والاغرب يوم تطري لـي واقـول البنـت معـذوره
دعانـي حظـي العاثـر وانـا طعتـه وجـبـت العـيـد دفعنـي للخـطـاء قـولـت ذنــوب الـحـب مغـفـوره

روعة الحرف تعانق سمو المعنى
لتستلهم من جمال الكلمه قصة ابداع
صح لسانك شاعرنا عواد العلي
تشرفت بقرائتي لقصيدتك الرائعه
وبيض الله وجهك على اتحافك الجزل

صح لسانك قصيده قمه شكرا

خطـاي اسرفـت باخلاصـي لقلـب يعشـق التنكيـد
وخطـاك تحـمـل الغـالـي حـمـول فــوق مـقـدوره
،
يسلّم منطوقك شاعرنا العذب
إلهي يسعدك دومات يّ مبدع
~

عاش الارشيف وراعيه وقافيه

عزيزي، متابع
صح بدنك
اشاَدة الأديب شهادة