مسكين منهو يتبع الحب هاليوم=حب هذا الزمن غدرات وأذيه
وأنا ترا عن الهوا معلن الصوم=والله يرحم زمن ليلى العامريه
كنت أحتري بعثرة طيفه ومغروم=أثرني أمشي ورا جرة الحيه
وآمسيت بأسبابه ضايع ومسموم=أرثي زماني وأحتقر حتى طاريه
يالله جعله طول العمر محروم=يطلع من فخ لمكيدة قويه
دامه يبيع الحب وهو مرسوم=بحياتي غلا وغيره قصة منسيه
عسى مصيره للحزن دوم محتوم=ويهبط قدره دامه مهمش خويه
آخر كلامي يالغلا منك مهموم=ليتك مارديت الوفا بغدر وأذيه