نويت تغيب ؟
انا من لي في هالدنيا ..
اذا انت تغيب !
و تتركني بهالحيره ..
يوديني الفكر .. ويجيب !
وارد أعاتب احساسي ..
وألوم شكوكي وظني !
وأقول .. انتا احن منّي.. علي !
ما كنت ابد قاسي
تبي تقسى ثلاث ايام
.
.
.
.
ثلاث ايام ... ما جابك .. حديثٍ في شفاة أصحاب
ثلاث ايام ... ما صبري على الغيبه .. مثل صبرك !
ثلاث ايام .. وأتساءل نساك الشوق ليه .. وغاب ؟
ثلاث ايام .. ما القى .. إجابه .. تشفع لـ هجرك !
و لو حبيت .. ابررلك .. وأدوّر .. للغياب .. اسباب
الوم الشوق .. وآعاتب حنيني .. وارجع ... آعذرك
أحنّ وانتشي ..ذكرى .. واذكر غيبتك .. وارتاب
واتخيّلّك .. واتبعثر .. و أبحث .. عن دفا صدرك
ثلاث ايام .. ودموعي .. محابر .. والعيون كتاب
تعال اقرا ... تفاصيل الغرام .. اللي على خبرك
تعال اكتبْك .. في عيني .. مابين الجفن والأهداب
تعال واسكن ضلوعي هنا ... وحدك .. ويااااااكثرك
العضو الأكثر نشاطاً هذا اليوم 
العرض الشجري
