صوت وصدى فالح الناهي..قبلان الخمسان

السلام عليكم ورحمة الله وبركاته

الاعزاء في هذا الصرح الجميل

تشرفت في ليلة زواجي بتاريخ 11/8 بحضور نخبه من الشعراء المميزين يتقدمهم العملاق راضي الشعيلي والمبدع سعيد العمودي
والرائع فالح الناهي وغيرهم من الشعراء الافاضل وكلعاده تناوبو على الابداع والتحليق بالشعر عاليا" واعادو للشعر هيبته وشموخه

اضع بين ايديكم مشاركة الاخ العزيز الشاعر فالح الناهي

وردي وشكري وتقديري

مهما تعاندنـا تصاريـف الأزمـان=ومهما إنشغلنـا بالزمـن وإلتهينـا
وافين للوافين لو كـان مـا كـان=وش لـذة الأعمـار لـو ماوفينـا
واليوم جيت وخاطر الـود شفقـان=أبـي أشـارك فـرحـة الطيبيـنـا
مبـروك ياعـذب التماثيـل قبـلان=مبـروك يـاواف الخفـا واليمينـا
مبروك ياراعـي الحميـا كحيـلان=مبـروك ياصافـي الغـلا والكنينـا
من لابة علمـه علـى راس مابـان=عـزوة فخـر لا عـدو الغانميـنـا
ماني بمليـوم ليـا قلـت خمسـان=للمـدح فعـل وللفعـايـل يقيـنـا
من روس سنجاره ومن ساس نبهان=ركن للشمـر مـن قديـم السنينـا
عز الطنايا يوم روغـات الأذهـان=وضارين بالوقفـه وذبـح السمينـا
متوارثين الطيب مـن روس جـدان=حاضـر ويشـرح سيـرة الأولينـا
أعزكم وأنـا عزيـز ولـي شـان=ولا طـاب مـن لا يغلـي الطيبينـا
قبلان عرفي بـك قصايـد وقيفـان=ورافقتني بالطيب لـو مـا ألتقينـا
أبعاد لكنـا علـى الطيـب جيـران=بعـد المسافـه تقهـر الخايبيـنـا
واليوم جيت وحب الأجواد نيشـان=ولبيت يومن مـن طرفكـم دعينـا
مهما تعاندنـا تصاريـف الأزمـان=ومهما إنشغلنـا بالزمـن وإلتهينـا
يبقى الوفاء منصوب لأمثال قبـلان=وش خانت الأعمـار لـو ماوفينـا

فالح الناهي

للشعر انا عطشان والبال طربـان=والباركر فوق الـورق يحترينـا
والهام شعري جر عذبات اللحـان=وقريحتـي وبيوتهـا جاهزيـنـا
من قلت فالح يالقوافـي والاوزان=قالت قواميس الحـروف انتشينـا
ابو فجر شبل السناعيس لاهـان=راع الحميـا مزبـن الخايفيـنـا
يامرحبا ياطلق طليقيـن الايمـان=بالوافي اللي من وفـاه استحينـا
ياقدوتي بالشعر واخلاق الانسـان=ياصاحب البيت الشهيـر الثمينـا
(انا من اللي عزهم شمس ويبان=احرار طي اللـي تفـك السجينـا)
حطيت قيفانك ع الـراس تيجـان=واسقيتنا جزل القصيـد وروينـا
وشرفتنا بحضور ملفت للأذهـان=قدام شيخـان الزميـل اجمعينـا
سبع الجموع وشيخه ابن ثنيـان=ترفع لك البيضـا قبـل لاتجينـا
ولاهي غريبه وانت للطيب عنوان=وربعك لشمر سور حصنن حصينا
كبود الزمل عبده زحازيح بـرزان=اللـي يهـوزون الجبـال وتلينـا
قوما" لياطبو المياديـن شجعـان=لعمارهم وارواحهـم مرخصينـا
وويبار ساسك لاتعزويت صفـران=مركاضهم يخـزي بليـس العينـا
شاعر خذيت الفوز قدام فرسـان=بالمركـز الاول وفيـك احتفينـا
من شاعر ال سعود بالشعر كسبان=بتحدي السامـر رفعـة الجبينـا
لابحر خيالك جاب لولو ومرجـان=ولياتعـلا للسـحـاب اعتليـنـا
واقبل تحياتي عدد طش الامـزان=عسـاك فالـح دوم دنيـا وينا

قبلان الخمسان

..
بارك الله فيك اخي ..
قصيده جميله صح لسانك ولسان فالح ومبروك الزواج اخوي
في انتظار المزيد من بوح قلمك ..
..

صح لسانك ولسانه جميعكم عمالقه
ومبروك الزواج وبالرفاه والبنين

تقديرى واحترامى

الف مبروووك
شاعرنا \ قبلان الخمسان
بارك الله لكما وبارك عليكما
وجمع بينكما على خير ..



ابيات فائقة الروعه ..
لا غرابه من شاعرين مميزين
ولوحه شعريه تنبض جمال ووفاء
فصح لسانك وصح لسان شاعرنا فالح الناهي

وادام الله عليك نعمة السعاده ..
ننتظر جديدك الرائع ..
فائق التقدير والاحترام ,,

.
.
عافاك الله
ابيات جزله من راس جزل
لاهنت
\

الف مبرووك الزواج
أبدعت بهذآ السكب الرائع
صح لسانك
سلمت وسلم نبع قلبك
دمتـ بسعـآدة لآتنتهي

ياهلا وغلا بشاعرنا قبلان ,,
الف مبروك يالغالي وتستاهل كل خير ..
وبصراحه انا استمتعت بالقصيدتين على لسان فالح ..
صح لسانكم الجميع ..

الله عليكم يامبدعين

ونعم بكم جميع سنجاره وعبدهـ

والف مبرؤؤك الزواج وعقبال الذرية الصالحه..


وصحت قلوبكم ولاهنتوا


يسعد كم ربي


تحياتي لكم..

اشكرك على هذه الفاخره

صح السانك مدد

دمت ودام عطاؤك

صح لسانك وصح لسان شاعرنا فالح الناهي
شيوخ ماقلتو الا قصايد شيخات
يسعد نباكم

لله دركــــــــــــــــ ودر فالح الناهي

ننتظر الجديد

نسآل العلي القدير
ان يوفقك دنيا واخره

وان يكثر من امثالك
وامثال ابوفجر

تشرفنا بالحضور وبك
والقصايد درر ترسم
الجزاله والابداع
صحت السنتكم

فالخ الناهي & قبلان الخمسان
والتقى الابداع
والكلمه الرائعه
والوفاء الغير مستغرب من أصحابه
بارك الله لك ياقبلان وعليك وجمع الله بينكم على خير
ورزقك الله الذرية الصالحه

الشاعر الجزل والاخ العزيز

قبلان الخمسان

الله يوفقك ويجعل أيامك أفراح

وصح لسانك على هذا الرد الوافي

كان لي الشرف أن أشاركك فرحتك وأقف امام تلك الوجوه الطيبه

وانت راع الاوله

صصح لسسانك يالغاالي
وبيض الله وجهك ~