سوق برزان بحائل منظره مشوه

وأنا أتصفح المنتديات الحائليه العديده كعادتى دائمآ..

وجدت هالموضوع عباره عن رسالة الى المسؤلين بحائل ويطالب

صاحب الموضوع بالنظر لتلك المناظر المشوهه لسوق برزان الشهير

وسكوت المسؤلين عنها غريب..بسطات النساء على طول السوق..

منظر مشوه الشارع بأكمله..كنت أنا لما أنزل للسوق بحريه أمشي أنا

وأكياسي بيدي لكن الان مالى المخش من بسطات الحريم..وين المسؤلين

عنهن؟!! بعضهن ماهن محتاجات مجرد هوايه..والدليل كل وحده معه

شغالته جنبه..وين الحاجه وأنتن رازاتن شغالاتكن جنبكن؟!!

وهذا نص كلام الاخ نقلته لكم:

اقتباس السلام عليكم ورحمه الله وبركاته اولا دائما تسعون ياسعادة المهندس عبدالعزيز انت ومن معاك مشكورين بالرقى الدائم لكى تصبح منطقه حائل نظيفه وجهودكم واضحه ومن ضمنها التنظيم فى اسواق برزان وكذلك جعل الطريق اتجاة واحد هذا شى طيب لكن الملفت للنظر والذى فعلا منظر ليس حضاريا اطلاقا وجود تلك البسطات على الارصفه من النساء وشغالاتهن وين مراقبى البلديه عن تلك الظاهرة الغير حضاريه ؟؟؟؟؟؟؟ كما يعلم سعادتكم منطقه حائل يرتادها الناس من كل مكان وانا متاكد انك لاتعلم عن تلك البسطات التى اخذت لقطات منها بكاميرتى الخاصه لكى اللفت انتباهكم وكذلك اخوانى مراقبين صحه البيئه هل هذا مظر حضارى لماذا يتركون على الارصفه ؟؟ تقبلوا تحياتى وتقديرى واليكم الصور

شوفوا بأنفسكم المنظر واحكموا..














خسارة والله سوق برزان أصبح مشوه فعلآ..

ياليت رسالة الاخ طارح الموضوع تصل للمسؤلين..


ودي وتقديري.

ايوالله صدقتي اختي انتي وطارح الموضوع
قسم اني ماعمري امر سوق برزان الا ادعي ربي يزيله عن وجه الأرض..!!
وزاد الطين بله هالبسطات
ياخي الحكومة ماقصرت حطت سوق كامل للنساء
لكن الطمع يخليهن يبسطن بمثل هالأماكن؟؟
ياليت لو يشيلون السوق كله مو بس البسطات
حشا وين عايشين..!!

الغاليهـ

يقول خل الدرعى ترعى

مهو شرط انهـ كلهن مجرد هوايهـ

لكن هؤلاء العجز صدقين(ن) اغلبيته(ن)

انهـ تصرف على عائلهـ كاملهـ

يمكن الزوج غير قادر على العمل او مطلقهـ ببيت لحالهـ هى وابنائهـ

او الابناء دشير على قولتهمـ او يتمان وصغار

وسالفهـ الشغالهـ ماهى دليل

وماجابت الشغالهـ الا انهـ تنفعهـ وتشتغل

يمكن مالهـ بنات الا صغار

وبالنهايهـ تصرف عليهم

وقال الرسول صلى الله عليهـ وسلم

(( لا يؤمن احدكمـ حتى يحب لاخيهـ المسلم كما يحب لنفسهـ ))

اوما هؤلاء صاحب المقال وغيرهـ مجرد حساد

وليهـ ماقال اللهـ يرزقهـ

وليهـ ماقال بمقالهـ افتحولهن محلات او غيرهـ من الطرق السليمهـ

التى تغير نظرت الناس له(ن) ويخفف السوق عن زحمته(ن)

مار الواحد شبعان ومالقاء الا العجز ياحبيباتى

لكن قولو اللهـ يرزقهن ويصلح شأنهـ(ن)


تسلمين على النقل اللى واللهـ مايسر الصديق

كل برزان

هنوود وبنقاليه

وقليل سعوديه

مشكووره

فــعــلاً الـسوق مشوة انـا شـخـصيـاً جيـت حـايــل ولما رحت سوق برزان اللي يقولون عليه صراحه تفأجت يعني

حـايل مدينه متطورة والسوق مشوة بالطريقه هذي والله اني ما قدرت امشي زحمة عمال اجناب في كل مكان والحريم اللي يبسطون و..و..

صراحه اتمنى من كل قلبي ان السوق يتطور شوي ويغيرون زفلت الشارع يبيله تغيير من زمان

مشكورة اختي لطرحك مثل هذي المواضيع

تقبلي مروري

والله الرجال او الحرمه الي تبي تطالب

ليه ماتطالب في شيل البنقاليه واليمنيين الي جالسين يتحرشون في خلق الله كل بنت وهم ناطين بوجهه وش يبون في هال مسكينات الي جالسات يترزقن الله

قطع الاعناق والا قطع الارزاق

هذولي يامن سكر السوق كل وحده راحت تزبط بيته على شان ترجع بكرا وتدور رزقه الي وراه رجل معاق والي ورا ايتام

والا الجنيسه الثانيه الي ذكرت كل واحد مواعد له وحده زي وجهه


لا والقهر يبيعون الي 50 ريال 150 ولاحد يفتح عينه عليهم

والله قهر حتى العجزه ماسلمو من الكلام

وش عينا غير الغبار والحر والزلازل كله من الحسد الله لايحسد عباده ضاقت عيون الناس الا على الارامل والعجزه ياربي بس لاتسلط علينا


والي يبي يدور الماركات والمحلات الراقيه ياخي يروح يدورهن واجد المحلات الي ماقدامه عجز

وعلى فكره انتم تتكلمون في دنيا زايله والله مايبقى الا جر والمساعده للمحتاجين

شكرا صاحب الموضع

السوق فقط يبيله تنظيم أما عن البسطات فالله يرزقهن الواحد مايعرف عن ظروف الناس يمكن محتاجه الله يرزقهن والمسلمين أجمعين

ملامح

الله يعطيك العافيه

دمتي في حفظ الرحمن

وعلى فكره لو تلاحضون ان المحلات الي سامحين للعجز يبسطن

الله رازقهم وميسره عليهم ودايم محلاتهم مايفضن من الزباين واكبر دليل شوفو محل كنوز الله يوفقه ان شالله الاستاذ الصقيه

وغيره وغيره من الي يدورون الاجر بمثل هذولي

والله ثم والله ان ناس فتحو محلات والا كملو سنتين الا هم مسكرين بسبب طردهم لمثل النوعيات هاذي المحتاجه

نور الدنيا

الــضــــــاري

راكان

الملتاعه

قناص الشمال

شباصة أجوديه

تشكرون على مروركم وتعليقاتكم وأتوقع صاحب الخطاب

يبي السوق ينظم..وياليت يحطون لهن مكان مخصص بعيد

عن الممرات وأكيد رزقهن بيجيهن بأى مكان يتواجدن فيه.

عندناااااااااا وعندكم خير
لامسؤل ولا رقيب والواسطات لها دورها

تسلمي ملامح

الى متى ياحائل حنا والاسواق
التعبانه

المفروض مجمعات

تشكراتي على النقل

العذر ياجماعة على العودة مرة ثانية
بس اعتقد اللي طرح الموضوع مايبي يقطع رزق أحد
ياخي كل الناس ترزق الله وكلنا تحت الله
لكن صراحة برزان كل شي فيه غلط
واذا على العجز ياخواني فيه سووووق كامل اعتقد لهن
وهي (كبرة الحريم) حول سوق الفقع
اللي يبي يساعدهن يروح يشتري منهن..!!
لكن البسطات بهالشكل
غلط غلط غلط

وهذا غيض من فيض
مثل ماتفضل اخوي القناص
البنقاليه اسواء والعن
ادعوا انه هالسوق يغلق ونشوف اسواق منظمة ومرتبة مثل خلق الله

وشكرا للجميع
واسفة على الإطالة

السموحه منكم على العوده مره ثانيه

بس الموضوع صراحه يقهر

اللي يبي يطالب من جد ويتمنى التقدم للمنطقه

يطالب ببناء مجمعات تجاريه جديده

ومثل ماصور بسطات الحريم المساكين

يصور السوق كله ويقول انه كله قديم ويبي له اعاده من .... الى

ماهو ضاقت عينه على بسطات هالعجز المساكين

ولو لاحظتو انهن كلهن عجز

يعني اكيد العجوز ماهي قاعدتن طول ليله ونهاره بالسوق من فضاوه

اكيد انها محتاجه

وبالنسبه لكبرة الحريم اعتقد ان قليل اللي يجونه

ماعي مثل برزان

لانه مابه الا اشياء معينه

وبرزان جامع كل شي

وعلى العموم اللي يبي يطالب يطالب بأزالة اليمنيــــــه والهنـــــــود والبنقاليـــــه

اللي كلوا خلق الله وصاروا تجار على حساب غيرهم

واالا هالعجز المساكين مانصبن على احد

واتمنى منك اختي ملامح العوده للمنتدى اللي قريتي فيه الموضوع

ونقل هالرساله له

بانه لاتضيق عينه على هالعجز

لو كان صادق يبي حايل تطور ماحط صور هالعجز

كان حاطن صور السوق كله

ويطالب باعادة تنظيمه او ازالته وبناءه من جديد

او بناء اسواق ومجمعات جديده ورخيصه مثل برزان

ماهو حطوا لنا سماح عشان نكشخ بشكل المجمع والا الاسعار احسن لي اشتري بدال القطعه كيلوا ذهب

نبي مجمعات حلوه وراقيه واسعار معقوله

والمجمعات تكون حكوميه ماهي ملك لشخص محدد

انتم ماتدرون عنحالة هالعجز

والله لو تسمعون قصصهن كان يشيب شعر روسكم

اللي عياله قاطعين فيهن واللي تربي ايتام

خلوهن يترزقن مادام شغلتهن شريفه

ليش ماتطالبون بابعاد اليمنين اللي يتحرشون بالبنات

والاسعار خلوها نار صار الواحد يتجنب يشتري من حايل بسبة الغلاء

وجايين تبون تقطعون رزق هالمساكين اذا انتم براحه غيركم

مايلقى لقمة العيش اللي ياكلها

انا طولت بس والله انقهرت

جزاكم الله خير على مروركم وردودكم الرائعه فعلآ

نطالب المسؤلين بابعاد اليمنيين!!! متنا باي محل ندخله

الا يمانى بوجيهنا كلونا وفلجونااااااا.. وحاضر أخوي قناص الشمال

بدخل المنتدى اللي فيه الموضوع وبحط رأيي تسلمون جميعآ.