اينع البستان والفارس تخلا

‏اينع البستان والفارس تخلا=والرشا عن مفرق المحال زلي

والقدم فيه الحفابان وتجلا=وكثرت الوضحا وقلت ملح جلي

والجموع استنفرت والرمح كلا=والبعيد اقبل وسيف الجود كلي

قفرخدي فيه راع الوضح فلا=وابعد اللي في مجاهيمه مفلي

ماجداي الا بالاشعار اتسلا=يتسع صدري وبالي يسفهلي

الشباب وعنفوان العمر ولا=شايبٍ جسمي على القاع متدلي

والبعيد بمحجر العينين حلا=يوم حان الزحف عوّد للتولي

والركاب اللي عليهن نستقلا=بركن بحمو لهن ماطاوعن لي

ونهر تفكيري تعثر واضمحلا=كل يومن نهر فكري يضمحلي

الكبر جيشه لجهدي مستحلا=حاصرافكاري وقصرت خطوة لي

شايبٍ عن زخرف الدنيا تخلا=راجيٍ مدة كريمٍ مايخلي

ياعظيمٍ فوق مخلوقه تعلا=واحدٍ فوق السموات متعلي

ترحم اللي عن رجاء غيرك تولا=ومن رجاء مدتك دايم مايملي

كل ماعفرت خدي با المصلا=اشحذك في كل سجده يوم اصلي

وابتهل بسم الولي عزاء واجلا=وفي رجاء عفوه وظله نستظلي

مشعل عسام التريباني الشمري في 1440/7/14هـ

هلابك يابوعبدالرحمن وصح لسانك ملاااايييين
وأسأل الله لنا ولك حسن الخاتمة وجميع المسلمين
كتبت فأبدعت لاعــــــــدمنا وجووودك.

تم التنســـــــيق

هلابك اكثراخوي ابوطارق
اللهم امين الله يحسن الخاتمه لناولك ولكل مسلم شكرالمرورك يبعدي الله لايهينك

الله على الإبداع
قصيدة من صميم الروح
الله يحسن لنا ولكم ولجميع المسلمين الخاتمة

جزاك الله خيراخوي المشرف
ورحم الله والديك شكرالمرورك

تسلم يابوعبدالرحمن وصح لسانك مليار

صح لسانك قصيده رائعه شكرا

صح لسانك وعلا شانك

راق لي معانيك وقافيتك صح نبضك دوووم بعد حيي البناخي

صح لسانك ابو عبدالرحمن

صح لسانك ابو عبدالرحمن
لاشك انه من العلامات الدالة على
تقدم العمر اذا جاء في الوضع الطبيعي
للانسان....
ونسأل الله حسن الختام
بهادر وابو شكيب عندهم دواء
يطرد الوضحاء.����‍♂️

صحت ابدانكم جميعا اخواني الافاضل وااخواتي شكراللجميع اماالدوى اللي يطرد الوضحى عند ابوشكيم هذا ندله لكن مانبيه طال عمرك اخوي المشرف