قصيده الشمريه بالامير سعود

09-05-2007, 09:20 PM

بسم الله الرحمن الرحيم

تحياتي اليكم جميعا واهديكم هذه القصة والقصيدة وهي أمراة شمرية من حائل ضاقت عليها بعد ان سجن زوجها في قضية لا اعرف اسبابها وتركها معها سبعة اطفال لاتعرف كيف توفر لهم مصاريف حياة تتطلب كل يوم شئ جديد

وكما تعلمون الرجال وهو موظف ويصرف له راتب احيانا يضيق من طلبات الاطفال فكيف امرأة ياجماعه ولاكن لها رب مايضيع احد ابدا انا لله وانا اليه راجعون.

وجهت قصيدتها الى الامير سعود بن عبدالمحسن أمير منطقة حائل ليجمع شمل الاطفال مع ابيهم وترتاح هي من هم توفير قوتهم ومعيشتهم

لاأعرف هل استجاب الامير طلبها ، ولكن قد يكون لانتشار قصيدتها بين الناس اثر ايجابي في تحقيق امنيتها

.....


	أبد بذكر الله على كل الاحوال لواحد اللي عالم بالخفيه هو خير مبد الفعايل والاقوال وكيلي المعبود رب البريه تقوله اللي هاضها سبعة اطفال وظروف قشرا واكتئاب وأذيه هذا يصيح وذا يبي ثوب وعقال وهذا بعد يبكي علشان خيه وهذا يبي شنطه وهذا يبي ريال وهذا من الحرمان يفرك بيديه وانا بعد شفت المشاكل والاهوال من عقب ابوهم يوم طاح بقضيه اصبحت انا ابوهم وانا العم والخال وعلى الصبر ماعاد بي مقدريه لا شك ابنخا من هل الجود رجّال راعي العلوم و عزومه قويه شيخ ولد شيخ الى قال فعال يامر وينهى مايهاب المنيه اميرنا اللي صار للمس آمال سعود راع الجود راع الحميه ابن عبدالمحسن من مواريث الابطال اهدي لحايل وحايل له هديه من ربنا مهد لنا طيب الفال عون من الله لاهل حايل سويه ابوفهد ماراح لو شد الارحال دام بالقلب سعود حايل حظيه كفو لها للثقيلات شيال صان الامانه والتزم بالوصيه والحكم ماهو للهلابيس الارذال اهل العلوم الخايبات الرديه الحكم يبغاله صناديد ورجال واعال تزهاها عقول ذكيه وسعود ماجانا على القيل والقال الي ا بفعله صار له قابليه السعد بقدومه غمر كل الاجيال طلة عريب الساس طله بهيه سديد الراي مامشى بشور جهال ماقال مـن هذا وهات الهويه والناس كل له مقياس ومكيال والخير يجزى خير والسيه بسيه والعفو نوب يصير للحاكم اعدال والعفو اخيره عفو مع مقدريه ومااحد ترى معصوم لو قال ماقال الجنه آدم فارقه من خطيه يامير ياللي لصعيبات حلال اللطف على اللي حياته شقيه عن زوجها حده خفارات واقفال وماكل واحزان نفس أبيه دايم و دمعه على الخد سيال بعد مااقفوا به على غير جيه له ثلاث سنين اقفى ولا زال مسجون وحنا بسجن يامير زيه و بلواي لاشفت بعض الاطفال يناحون لاطفالي على كل هيه قلت وهمومي كثيرات وثقال تطوي بحالي طية بثر طيه احد غداله والده شمس وظلال واخر حزين من سبب فقد بيه وال حرق قلبي وسبب لي هبال سؤالهم عن ابوهم وعن مجيه يامير اللطف وخفف عن الحال وارحم وحقق طلبة الشمريه اشفق على اللي صبرها طال والعين تبكي صبح وعشيه بعد الولي بامرك ترى راحة البال ارجوك تنهي مابدا من اسيه توقيع من يمناك به خير الابدال يقلب حياة الويل عيشه هنيه مادام ابونا تاب عن ذيك الافعال توبه نصوح تاب عن حسن نيه من عفوكم نطمع على عفو ينزال به ربع حكمه وتنتهي هالقضيه ويش عاد بالقران نص الحكم زال اللي بقى يامير كايد عليه ادخل على اللي بالعطيات جزال الهادي الغفار جزل العطيه هوملجاي ثم التجي لك بالامثال وانخاك نخوة أم بك مرتجيه نخوه هز جبال حايل والاسهال من قلب جروح بصدر اسلميه وصلاة ربي اعداد ماهل همال على النبي واعداد خلق الوطيه

اللهم صلي على نبينا محمد لاحول ولا قوة الا بالله حسب القصيده والابيات ان ابوهم مسجون عن بلاوي الله يكفينا شرها

والاطفال والام لهم رب مايضيعهم انشاء الله والله صعب موقف الام بالوحده ومتطلبات الاطفال الله يهدي ابوهم انشاء الله

تحياتي اليكم وتقديري واتمنى اني وفقت في الاختيار بهذه القصة والقصيدة تقبلو مني

خالص الشكر والتقدير