دعونا نسترجع ذكرياتنا الجميلة .. لشغب الطفولة
بكل براءتها ، ونقاوتها ، وعفويتها .... إلخ
" أمل .. "
هنا مساحة حرة خاصة لشغب طفولتك ..
هل كان لديكِ حب استطلاع وفضول ،تصل إلى تكسير ألعابك ..؟
صفاتك الخُلقية والخلقية ورثتها من والدك أم والدتك ..؟ وجبتك وشرابك المفضلين ..؟
هل كنتِ تقليدين وتتصرفين كأحد والديك أو أخوتك .. ؟
حدثينا عنها كما يحلو لك ..
1- مكان الميلاد ..؟
2- ترتيبك بين أخوتك ..؟
3- أكثر شي يزعج أخوانك منك وأنت طفل ..؟
4- من الأقرب لك أبوك أم أمك في طفولتك ..؟
5- موقف ما زال في ذهنك ..؟ ( سعيد أو حزين )
6- أعز صديق لك ..؟ ومن أي دولة ..؟
7- أصدقاء الطفولة هل مازلت متواصل معهم ..؟
8- كنت تحب تلعب مع البنات أم الأولاد .. أكثر ؟
9- أول صفعة في حياتك .. وش سببها ..؟
10- أفضل لعبة ..؟
11- أحب مكان تتنزه فيه ..؟
12- أفضل فلم كرتوني ..؟
13- هوايتك في طفولة ..؟
14- حلمك الطفولي ..؟
15- مطربك المفضل ، أغنيتك المفضلة كـ طفل ..؟
16- إذا عادت عجلة الزمن للطفولة .. ما هو الشيء اللي بتغيره ..؟
17- صف طفولتك باختصار ..؟
18- إذا ما عندك مانع حط صورتك وأنت طفل ..؟ << ما أعتقد أحد بيشوف هالسؤال ..؟
ملاحظة /
هنا مساحة خاصة لكل عضو ..
الله يعطيكم العافية .. لا أحد يكتب رد إلا بعد العضو ما ينهي صفحاته ..
بكلمة انتهى ..
كل الشكر لهايدي ..
عالموضوع الأكثر من روعه ..
و الذي يضاف لقائمة أفكارها الجميلة و المتجددة ..
ما شاء الله تبارك الله عليها ..
فهي فعلاً تستحق لقب قلب المنتدى النابض ..
و أشكرها ثانيه ..
على إتاحة الفرصة..
لأشارككم بعضاً من ذكرياتي و مشاغباتي ..
و أرجو أن أكون ..
ضيفة خفيفة لذيذه على قلوبكم الطاهرة ..
هل كان لديكِ حب استطلاع وفضول ،تصل إلى تكسير ألعابك ..؟
أكيد ^^
و كانت تعتبر مجاهده و صامده اللعبة اللي تصبر معي يومين ^^
* * *
صفاتك الخُلقية والخلقية ورثتها من والدك أم والدتك ..؟
الخلقية قليل أشبه لهم << ما تدري من طالعه عليه ^^
أما الخُلقية << الطباع يعني ..
أشبه أبوي أكثر شي ..
* * *
وجبتك وشرابك المفضلين ..؟
كنت أحب الكبسات << قبل أيام الرجيم ^^
أما العصير كنت و لا زلت أحب السفن أب << أهلاويه صميم ^^
* * *
هل كنتِ تقلدين وتتصرفين كأحد والديك أو أخوتك .. ؟
لا كنت قليل أقلد أحد ..
لي طبعي الخاص << امحق طبع ^^
* * *
حدثينا عنها كما يحلو لك ..
كانت طفولتي شقيه لدرجه مو معقولة ..
بس أحسن شي إني أخذت حقي من الدنيا ..
و عشتها بالطول و العرض ..
بس سمعتي بالعائلة راحت فيها ^^"
بحكم إن كل البنات مؤدبين و أنا اللي خربت أطباعهم بشقاوتي و لقافتي ^^"
* * *
مكان الميلاد ..؟
حائل ..
ترتيبك بين أخوتك ..؟
الثانية ..
أكثر شي يزعج أخوانك منك وأنت طفل ..؟
اللقافة و إني أتدخل بشؤونهم بحكم إني كنت نسبياً أكبرهم ^^
من الأقرب لك أبوك أم أمك في طفولتك ..؟
الله يخليهم لي كلهم ..
بس أبوي كان أقرب لي أكثر من أمي ^^"
أمي ما تعطيني وجه تدري بعوابتي و طول لساني ..
عشان كذا أنصب على أبوي و يصدق ^^"
موقف ما زال في ذهنك ..؟ ( سعيد أو حزين )
هو مو موقف واحد لكن يتكرر ..
و هو طلعة يوم الخميس ..
كان جدي الله يرحمه يعزم العائلة كلهم بالمزرعة ع الغدا يوم الخميس ..
و لما يجي العصر نرجع لبيته ..
كانوا يجلسون خوالي وخالاتي بالجلسة جنب البيت و يسولفون لحد المغرب ..
الشباب يروحون يلعبون بالملعب بعيد شوي .. و البنات يجلسون يشجعون جنبهم ..
أما أنا كنت رايحه جايه مع وسط الملعب << أخرب عليهم المباراة ^^"
كانت أيام حلوه و قسم ..
لكن الله يرحم الحال الحين ..
جدي توفى الله يرحمه والمزرعة ما احد يجيها و أرض الملعب باعوها خوالي و الجلسة صارت مواقف سيارات ..
يعني مالي من طفولتي إلا ذكرياتها ^^
و ما أدري الموقف سعيد أو حزين .. انتم احكموا ^^"
أعز صديق لك ..؟ ومن أي دولة ..؟
قصدك أيام الطفوله !!
ياكثرهم ..
و كانت صديقتي هي اللي تلعب معي ..
يعني كل لعبه صديقه ^^
و كلهم من حائل ..
أصدقاء الطفولة هل مازلت متواصل معهم ..؟
لا بسبب انتقالنا لأكثر من حي << جيل الإيجارات ^^
كنت تحب تلعب مع البنات أم الأولاد .. أكثر ؟
بلاش فضايح حبيبتي ..
ضروري أجاوب يعني ^^"
تصدقين إني ما أذكر بنات خالاتي و أنا صغيره^^"
ما أدري ليش بس ما لهم وجود بذكرياتي ^^"
أول صفعة في حياتك .. وش سببها ..؟
مرة خالي ^^"
ضربتني عشان ضربت ولدها ^^
كان أصغر مني بسنه مو حيل صغير يعني << ترقع السالفة ^^"
أفضل لعبة ..؟
أي لعبه فيها ركض أموت فيها ^^
و من الإلكترونيات كمبيوتر العائلة << كسرته من كثر اللعب ^^"
أحب مكان تتنزه فيه ؟.
فيه غير جبال حائل بعد حيي ^^
أفضل فلم كرتوني ..؟
هايدي ^^
ليدي , سالي , كابتن رابح و موكا موكا << أم الشطف يا شيخ ^^"
هوايتك في الطفولة ..؟
كل يوم شكل ^^
على حسب المود ^^"
مطربك المفضل ، أغنيتك المفضلة كـ طفل ..؟
حاولت أتذكر ..
ما لقيت غير فوق هام السحب لمحمد عبده << لا تسألون ليش ^^"
إذا عادت عجلة الزمن للطفولة .. ما هو الشيء اللي بتغيره ..؟
و لا شي أبداً ^^
صف طفولتك باختصار ..؟
روووووعه ..
عشتها بكل التفاصيل ..
و مستحيل أتمنى أعيش غيرها ^^
إذا ما عندك مانع حط صورتك وأنت طفل ..؟ << ما أعتقد أحد بيشوف هالسؤال ..؟
بصراحه ما عندي صور << ما قطعتهم أنا ^^"
لكن حتى لو عندي ..
مستحيل أشهر بروحي ^^
لأني كنت مشهوره ذيك الأيام ولو بنزلها بيعرفوني كل الناس ^^"
***
كل الشكر هايدي على فتح المجال ..
لذكريات الطفولة ^^
الله يعيدها بكل خير << بعد هالعمر ^^"
أتمنى أكون خفيفه عليكم أنا و شقاوتي ^^
و تقبلوا ودي و تقديري ..
أما ولد خالي ..
يا إنه بكى المسكين لحد ما تقطع قلبه ^^"
أما سبب الضربه ..
بس كذا لقافه ..
و عذري إني كنت صغيره ..
حتى ما دخلت المدرسه << من صغرها فراعين و عوابه ^^
بس لا تفضحيني ^^
مشكوره غلاي ..
سهر ..
حرام عليكي ..
ما كانت حلوه وسط الكلام ..
يمكن أحد يغفل عنها و ما ينتبه ..
ليش تقتبسيها ^^"
أما النذاله ..
كثري منها << للحين الأخت نذله ^^
| شوفوا التوقيع و تعرفون ليش |
لا الحين كبرنا و عقلنا << غصب علينا ^^"
ربي يسلمك على أحلى مرور يا الغاليه ..
***
نور دنياي ^^
منهي خلود ما أعرفها
أما مرة خالي ..
ما سوت شي أنا الغلطانه ^^"
ربي يسعدك غلاي ^^
***
هايدي ^^
ما عليك تراني نصابه درجه أولى << تحطيييييم ^^"
أما الشقاوه حدث و لا حرج ^^
ومرة خالي الله يستر علينا و عليها ..
ما ابي منها شي الحين ^^"
ربي يخليك يا الغلا ..
***
غريبه الروح ^^
أهلاويه مثلي ؟؟!!!!
اللهم زد و بارك ^^
أما الشقاوه الهاديه !!!
ربي يسلمك غلاي ..