يا ظلْم هذا الوقت كم فرّق احباب ؛

العمر رحلة والتجافي مسافة=والبعد بعد قلوب والوقت غلاب
جافيت من يغليك والله حسافة=يا ظلْم هذا الوقت كم فرّق احباب
لي قلب واقف في نهاية مطافة=يسأل عن الأسباب ما حصَّل اسباب
يا كيف صدر الغيم يعلن جفافه=من دون لا شرهه ولا كلمة عتاب
كل ٍ يهاب مْن الزمان ويخافه=وانا معاك اصبحت من الوقت ما اهاب
لكن عزيز النفس كسره كلافه=وانت العزيز اللي معك تطْوَل ارقاب
ياكم غالي راح والقلب عافه=لو كان فينا جرح من غيبته طاب
واليوم جاك القلب مبدي اعترافه=إنه في بعدك ما تغير ولا تاب
ياسيدي من صافاك في الحب صافه=نار العتاب اهون ولا برد الغياب
واللي شرا قربك يشوف المسافه=اقرب من احداق النواظر للآحداق

علي الخوار ..