كلك ذوق في فن الأذواق
راقت لي
ياشوق كلك ذوق في فن الأذواق
لولا حياتك ذوق ماهزني الشوق
ياشوق علمت الهوى كيف يشتاق
وعلمتني بالشوق كيف امتلى ذوق
حكى العيون بغيبتك دمعه فراق
وان مرني طيفك حسبت القمر فوق
ياشوق من غيرك له الروح تنساق
بعيون من يوله معه قلب مسروق
ياشوق لو تدري على كثر ماشتاق
سلمتك اوراق الغلا قلب مشفوق
بك روعة الماضي وبك لوعة افراق
صورة ملاك وطلتك غصن منتوق
ذكرى حياتك صغتها حبر واوراق
تحكي طرات العمر وأفراح مخلوق
شمس الغروب بجيتك ترجع إشراق
يا مملكة دنياي بغروب وشروق
لمس السراب و شوفتك حلم عشاق
منك انتظر حظ الزهر مزن و بروق
اسمع صدى نجواي لو خاطرك ضاق
خل الغلا مفتاح والقلب صندوق
من قال صوت العشق هو نبض الأعماق
قله دليل العشق ترويضة الموق
يا فرحة اللي هام طعم الهوى ذاق
عشت بهواك إحساس في قمة الذوق
|