الشعر ديوان العرب ياللي تسبون القصيد

((الشعرديوان العرب ياللي تسبون القصيد ))13\4\1434هـ

الشعر ديوان العرب ياللي تسبون القصــــــيد=ياللي تقول الشعر فــي هذا الزمن والله هبال
لنا اسوةٍ با المصطفى ياراعـــي القلب البليد=له شاعرٍ يهجا العداء بالشعر في وقت القتال
حسان بن ثابت عدوالشرك باليوم الشـــــــديد=شاعر رسول الله لنا في ماكتب مضــرب مثال
هو خير من تضرب به الامثال بالشعر المفيد=شعره تفكك به جموع الشـــرك وايصيبه جفال
لوكان مابالشعرزود ولايســــــــــــــر ولايفيد=ماقرّه الشارع وامرحســـــان وافسح له مجال
والشعرتاريخ العرب به يحفظ الفعل المجـــيد=تحــفظ به امجـــاد العــــروبه لاتعرّض للزوال
والشعر ينصح به صغيرالسن وايعوّد رشـــيد=وتلقا به الحكمه مــن اهل الراي وكبار الرجال
والشعر فيه الموعضه موروث من جد لحفـيد=موروثنا اللـــــــــي نفتخربه بين عم وبين خال
والشعرفـــي عهد العروبه فيه ضدٍ للضــــديد=تذكــــــربه افعال الرجال اللي يشيلون الثقال
والشـــــــعربه ترفع كفوف التايبين من العبيد=وتنطق به ألْسِنْة البشــــر لله خوفٍ وابتهال
ليتك تقدي سابقك ياراعـــي الـراي الســـــديد=ماانت بوكيل ادم علــــــى ذريته يابن الحلال
ياطير ياطير السعد ياللــــي على الغرّه عنيد=اكفخ بجنحان السعدوادم المخالب بالجزال
اما تصــــيد القايده والا مهــو لازم تصـــــيد=صيد الضعافه ضعف مايهوا الهزيل الا الهزال
اشهرسما ياطيرلين تحصل الصــــــيد الفريد=الحــــرالاشـــــقردايمٍ يعلو على روس الجبال
هذي نصيحة شاعرك عساك منها تســــــتفيد=وتعــــرف مقدارالجنيه وتحـــترم قدر الريال
امسك مســـــــارالصح واحذرلاتهس ولاتحيد=حتــى تســـــــيرالقافله من دون هسّه واختلال
انظربعين العقل والتفكيروالراي الرشــــــــيد=وتفوز با العليا ويحســب لك حسابك با المقال
واخفظ جناحك للكبارولاتجـــــــي فضٍ مريد=وخلـّك مؤدب لاتجـــــــي خبلٍ سريع الانفعال
هذي صفات اللي يبي ياخذمن المدح المزيد=ويحتل مرتبة الشرف عند الرجاجيل احتلال
وصلوعددماغرّدالقمري على روس الجريد=علـى رسولٍ خصه الله بالمكارم والكمال

كلمات الشاعر/مشعل عسام الغافل التريباني الشمري

تســـــــلم يابوعبدالرحمن وصـــــح لسانك ملاااايييين
كتبت فأبدعت لاعـــــــــدمنا وجووودك.

تم التنســــــيق

سلمت ودمت صح بدنك اخوي ابوطارق

يسلّم منطوقك شاعرنا العذب
إلهي يسعدك دومات يّ مبدع

صح لسانك قصيده رائعه شكرا

هلا بشاعرنا مشعل التريباني ما شاء الله قريحة حاضرة دائما تسلم ولك كل الشكر
في هذه المشاركة ما ترى انك بالغت في مدح الشعر والدفاع عنه والشعر كلام فيه السيئ كالكذب والنفاق والظلم والمبالغة في الفخر وغيرها كثير. وفيه الحسن والمفيد كالدفاع عن الاسلام في مثل ماتفضلت بشعر حسان بن ثابت وفي الحكم والنصائح والاغراض المباحة واخشى ان يكون في استشهادك بالرسول صل الله عليه وسلم في مدح الشعر على الاطلاق إثم وزور وهو لم يجعل له ديوانا للشعر والشعراء كما في العصور المتأخرة ولم يأمر به إلا لاشخاص معينين ولغرض محدد هو الدفاع عن الاسلام ..
تقبل احترامي..