أبا أشتري.. كانك تبيع..
ساعة لقاء..!!
و أدفع مقابيله عُمر..
وكلش يهون..
إلاالجفاء..!!
و أبا أنتظر مهما جفيت..
و أجلس على نفس الطريق..!!
و أبا أنتظر..
يمكن يجي يوم ,,و تمر..
والله كريم
.
.
تكفى أدع لي ...
و الله يانا في هم...
و آلام ... و سقم ...!!
محتاج ياعيوني دعاك...!!
أظمى هوى ...
و أشرب قهر ...!!
و أكتب على أوراق الخريف ... راح الربيع ....!!
و ماعندي حبر ولاقلم ...
شرياني اليابس قهر أظن باقي فيه دم ...!!
و باقي على خبرك " كفيف " يركض ورى حُبٍ عفيف ...
و جلد وعظم ... جالس على ذاك الطريق...
ينتظر..
يمكن يجي يوم وتُمر ...!!
والله كريم
.
.
خصلة شعر..
وديوان مقطوع الغلاف ...
وجفاك برد ...
وذكراك تكفيني لحاف ...!!
و أنا انتفض ...
و أولع جذوع السمر ...
و أرفع عيوني للقمر ...
و ألقاك ... في وجه القمر ...!!
و أضحك ... و أصيح ...
وتهب ريح ... وتموت ريح ...
ويقفي سحاب ... ويقبل سحاب ...!!
و أنا على خبرك مغير أسترجي لو قطرة مطر ...!!
جالس على ذاك الطريق ...
بس أنتظر ...
يمكن يجي يوم,, و تمر..!!
والله كريم..
.
.
فستانك المقطوع يوم إنك صغير ...
ماتذكرة ...؟!
ذاك الحمر ...
وحزامه الوردي الطويل ...!!
عندي تراه ... ومعلقه في غرفتي ...!!
بين الملابس وش حلاه ...!!
و ريح العرق ... والمسك باقي به يفوح ...
و دمي بعد مثله يفوح ...
مغير أشمه وأنتشيء ...!!
وصورتك يومك صغير ...
عمري 11 وعمرك 9
يومك تصيح ويجي على عيونك رمل ...!!
شفها معي
بمرايتي ...
مغير أقلبها و أصيح ...
و أقول ليت أني الرمل ...!!
و أرجع على ذاك الطريق....
بس أنتظر..
يمكن يجي يوم ,,و تمر..!!
والله كريم....
وها هي تعود محمله بابيات كدهن العود
فاحت بارجاء المنتدي وجذب رائحتها الجميع لهذه الصفحه
سنبقي هنا حتي نرتوي
من جمال الذائقه ونكون
بانتضار جديدك
كونى كما انتى قمر لن يغيب
تقديري لك وامتناني
عقاااااب الشعر
حيآك الله شاعرنا يعلم الله انك دوم تسعدني
وتبهج صدري بـ هذه الطله اللي تقعد الراس
آكبر تحيه لك على هـ المرور
اللي يعبق منه رائحه العود الازرق
يسعدني ان احجز مقعد بين كلمات ذوق
ويسعدني اكثر ان امر بحديقة سطوركـ الذهبيه
راق لي نزف قلمكـ المعطاء فوضعت بصمتي لاجلكـ
ودي ومحبتي لكـ بنتظآر
بنتظآر جديدك بكل شووق
ودي وشذى الورد