راااعية بيت وام عيـــال .!

سقا الله زمانٍ زال وبالذاكره مازال=فداه العمر لو راح الاول على التالي
قبل من عوايدنا نَعَشْق السهر لا طال=معي بكل يوم وليله اقرب من اظلالي
تنام بْعيوني فارعه ماعليها شال=سِتِرْها الغلا والخوف من عين عذالي
وفجأه بلا موعد صحينا على زلزال=اخذ كل شي ولا ترك غير غربالي
بقا بيننا يمكن تواصل بقايا وْصال=تجيني بعد مده تدوّر عن اوصالي
مجرد سلام ومانسيتك وكيف الحال؟=هذا اخر الغالي وحقه وهو غالي
واذا مر وقت ولا لفَى منّها مرسال=وبديت التفت عن حالها شوي في حالي
عن اللوم والشرهه رسايل علي تنهال=من يدينها واحِسّها تسولف قبالي
يقولون : مايبكي على المقفيه رجّال= وانا اقول : جعل قلوبهم مالها والي
على وين ماراحت اسوق القدم رحّال=اخيل المدى والدرب موحش وبلحالي
ادوّر حدر غيمة مواعيدها همّال=ولا شفت منها غير موعد مع اهمالي
خلاص انتهينا مابقا للسنين آمال=بعد ماقصر مرسالها مات مرسالي
هي الحين صارت راعية بيت وام عيال=وانا الحين مثل اول على خبرها حالي

للشـــاعر/ ثامر شبيب الدقباسـي

شاعر شكله مبهذله الحب القديم

تسلم خيي ابو طارق على النقل

يقولـون : مايبـكـي عـلـى المقفـيـه رجال
وانا اقول : جعـل قلوبهـم مالـهـا والــي
كلمات جداً رائعه وجميله وتحمل من المعاني الكثير للحب الصادق
ابو طارق الشمري
يعطيك الله العافيه … وصح الله لسان الشاعر

الحب الصادق لايتوقف مع تغير الظروف وتقدم العمر وسرعة دورة الأيام
عندما ينغرس الحب في صدرك ويجري في شرايينك يحرم صاحبه من نعمة النسيان
ويصبح عالق في الذاكرة على مر السنين
أتفهم شعور شاعرنا القدير وعسى الله يعينه
ابوطارق احسنت الإنتقاء رائعه من الروائع الشعريه الخالده

اقتباس المشاركة الأصلية كتبت بواسطة نوارهـ شاعر شكله مبهذله الحب القديم تسلم خيي ابو طارق على النقل

هلابك نواره وأشكرك على تشريف الموضوع
لاعـــــــــدمنا وجووودك.

اقتباس المشاركة الأصلية كتبت بواسطة سليكو يقولـون : مايبـكـي عـلـى المقفـيـه رجال وانا اقول : جعـل قلوبهـم مالـهـا والــي كلمات جداً رائعه وجميله وتحمل من المعاني الكثير للحب الصادق ابو طارق الشمري يعطيك الله العافيه … وصح الله لسان الشاعر

هلابك ابوفيصل وصح بدنك وأشكرك على تشريف الموضوع
تحياتي لك لاعـــــــــدمنا وجووودك.

اقتباس المشاركة الأصلية كتبت بواسطة نايف سلمى الحب الصادق لايتوقف مع تغير الظروف وتقدم العمر وسرعة دورة الأيام عندما ينغرس الحب في صدرك ويجري في شرايينك يحرم صاحبه من نعمة النسيان ويصبح عالق في الذاكرة على مر السنين أتفهم شعور شاعرنا القدير وعسى الله يعينه ابوطارق احسنت الإنتقاء رائعه من الروائع الشعريه الخالده

هلابك شاعرنا المبدع نايف وأشكرك على تشريف الموضوع
أعجبني حضورك وتعليقك لاهنت ولاعـــــــدمنا وجووودك.

يسلم شاعرها
وتسلم ابو طارق الله يسعدك دوم

اقتباس المشاركة الأصلية كتبت بواسطة ♥ غفوة حلم ♥ يسلم شاعرها وتسلم ابو طارق الله يسعدك دوم

هلابك غفوة حلم ولكِ الشكر على تشريف الموضوع
سلمكِ الله ولاعــــــــدمنا وجووودك.