بسم الله الرحمن الرحيم
مشرفينا،،أخواني ،، أخواتي ،، زوارنا
حياكم ويامرحبا بكم
أحيانن الواحد مايتوقع انه يمر بموقف هو أول من يضحك على نفسه فيه..
كنا مخيمين والخيام واجد وكلها عامره والحمد لله إلا وحده كبيره تاركينها لضيوف من أهلنا بيجون عقب كم يوم ،،الخيمه مفروشه بزوليه ولا ينقصها إلا أنيس يسكنها ..
انا كل يوم بآخر الليل أحب ارقى الطعس وآخذ مصلاي وأصلي لين يذن الفجر ،،سبحان الله متعه وهبه من رب العباد ينسى فيها الواحد نفسه مابين سجود وركوع وقدامه عظمة رب العالمين تجلت بعظيم خلقه ..
عاد سبحان الله مدري ليه الأرانب واجد بالبر والعيار اللي مايصيب يدوش،،
و كلش كوم وسالفة جني كوم ،،يبدون يحكون عن طلعات البر القديمه اللي بسرج واللي شافت نجمه قرب الماء واللي شافت عيون تناضر من شباك الخيمه سبحان الله عيون لحالهن طايرات،،واللي على شكل ضو ويرقص ،،حتى شرار النار مزيور،،حتى خواتي العاملات اللي معنا سولفو عن جنهم اللي يحكي بلغتهم والراس انتلى لو يميل طاح فرخ جني..
بيوم جانا عج وهواء قوي وكانت الساعه 3 من الليل ،،قلت خلاص بصلي بالخيمة الفاضيه..
فتحت بابه وفرشت مصلاي وبديت :
الله أكبر
الـ؟؟؟؟؟؟؟؟؟؟؟؟
مادريت ألا أللي صرخت ماناب مسميه لا توذيننا ماناب مسميه لا توذيننا
روحي عنا روحي عنا..
أنا ماعاد ادري ويني فيه بلعت لساني وابي انحاش عن الجنيه وأصّقع برواق الخيمه واتمتم مدري وش أقول من الخوف بهبهبهبههبههبههبه..
ولعت الحرمه الكشاف بسرعه سمت بالله وانا سميت وقلت :
من انتي جنيه ولا أنسيه؟؟
ولين الأشكال تخوف ديره ،،عيون طايرات والكشش مظلات من الخوف (اللهم لك الحمد والشكر)..
قالت انا أم فلان تعطلت سيارتنا حولكم ،، وشايبكم قال :الرجال ينامون بخيمة الرجال والحريم بهالخيمه ..
عاد وأنا أكبر للصلاة كنت أهوجس بالخيمة المهجوره وأقول بنفسي :
يامن جني وجني بهالخيمه مستانسين به ،،همن سمعت اللي ماتبي تسلم وانطرمت:
بهبهبهبههبهبهبهبهبهبه
تحياتي لكم جميعاً
العضو الأكثر نشاطاً هذا اليوم 
العرض العادي
