الشاعر/ مبارك طناء التبيناوي في قصيدة ((( بــعـــــد حــــيــي )))

[FONT=Arial][COLOR=#63313c]
بسم الله الرحمن الرحيم
إسناداً على الأخ الأستاذ الشاعر/ صالح الزقدي أبو نواف
مؤسس ديوانية ( رجف القوافي )
وهي بعنوان ( يابعد حيي إخيذّت الضحى )
[poem=font=",7,black,bold,normal" bkcolor="burlywood" bkimage="" border="double,10,black" type=2 line=1 align=center use=ex num="1,black""]

خذ العلم ياصالح وعطني سديد الشور = لعله يفيد العاشق المغرم اللي طاح
عرضلي ونقضلي جروحي شبيه الحور = أنا رحت لولا رحمة الواحد الفتاح
رماني وخلاني على حامي التنور = حريق وغريق ولاسفينه ولاسباح
مع إني بحاجة من يغيث الديار البور = وسترالله أبداء والغلاء صايب(ن) فضاح
ولا أشكي سوى حظي من العام فيه قصور = محاصيل زرع(ن) ماتهنابه الفلاح
تهنابه الديّان باالموعد المذكور= عقب مادبَّل كبد المزارع تقل مساح
غذّت مثل حاله حالتي ضايق (ن) مقهور = أجاوب حمام الورق في عالي الملواح
أنا لو سهرت الليل ياالزقدي معذور = مع الحائليه يابو نواف قلبي راح
ألا يابعد حيّي هكالزول والديكور = عليه الله أكبرنور خده كما المصباح
وقّف قال كيف الحال يالشاعر المشهور = أنا من حمام الدار ماني من السيّاح
رديت قلت بخير يالجادل الغندور = عطاني رؤوس أقلام لكن بدون إيضاح
عنود(ن) ٍعلى صيد الهواوي تجيد الدور = أنا اللي مهولني قتلني بدون سلاح
طغى بالحلاء والملح والجوهر المنثور = جرحني وفرحني ذ بحني وهو مرتاح
غدّرني وكدّرني ترك خاطري مكسور = جذبني وعذبني شذى عطره الفواح
خذاء الحال في بسمه وغنجه وكبرالجور = عذاب القلوب أرحم لاوالله ذهاب أرواح
خذاء من ضلام الليل ومن الشفق والنور = وخذاء من بياض الثلج والتوت والتفاح
خذاء اللي خذاءواللي تركلي يجيه الدور = سقاني ولقاني جهنّم وسدي باح
ياصالح لك الله لو يشوفونه الجمهور = مثل شوفتي له يلحقون الصياح صياح
صدوق(ن)بيوق(ن)عاقل(ن)جاهل(ن)مغرور=قريب(ن)صعيب(ن)كايد(ن)ماوراه أرباح
زريف(ن)لطيف(ن)لاخفيف(ن)ولامطيور = عطوف(ن) هجوف(ن)لين(ن)قاسي(ن)مزاح
وحظي وقف لي سالفة عنترة والثور = سقاني ماهو في كأس الأمرار بالمفوّاح
يقولون عذالي بطرد المهاء مسرور= عساهم مثل حظي كسر مخلب الجراح

الشاعر / مبارك طناء مبيريك التبيناوي
كانت القصيده مكتوبه من قبلي في أحد المنتديات
وفؤجئت مفاجئه جميله وسرتني
وهي الشاعره المميزه / غلاء شمر
تقول ( ياشاعرنا العظيم ( سأجاريك عيثاً )

خذ العلم ياصالح من الشاعر المسطـور = وأنا أقوم باللازم عـن القايـد المـلاح
تذكرت معروف(ن) مضاله ثـلاث شهـور = تمنيت هالفرصة ولانـي مثـل سـداح
عسى صاحبك يرضى على مدي الميسور = انا ماني الخنساء ولاالشاعـر القرقـاح
اعرف انه مبارك وجـده مضالـه دور = جزيل البيوت بوسط كفه كما المسبـاح
وانا اللي ردى حظي دفعني على الهامور = لياغاص مايقدر على غوصتـه سبـاح
ينقي من المحـار مـع نـادر البللـور = ومن يعترض دربه يحصل حصاة إرزاح
اقول بثقة نفس(ن)كبيره بدون غـرور = انا بعيني اشوفه مع الجـن والاشبـاح
أبقراء عليه الفاتحه والفلق والطور = وأوقف نزيف الدم من جرحه النضاح
وابذكر لك علاج(ن) ورد بـه مـن الماثـور = ترى اللي يغض الطرف يسلم من الذباح
انا شاعره وافهم خفاء الشاعر المسعـور = يطير بخيال وتعترض له هبوب ريـاح
يصول ويجول ونص قوله بدون شعور = يذود القوافي كنّـه الراعـي المصـلاح
غريب(ن) قريب ولايرده جـد ر وسـور = ولاهو بمجبور(ن)على الشرح والافصاح

الشاعره / غلاء شمر أقول صح لسانك ياشاعرتنا العظيمه مليار ياهلاء بغلاء حياك الله وأجمل عبث يمر علي بحياتي
وأستأنس إليه وأجاريهوشكراً لك على شاعريتك وجرءاتك والثقة بالنفس و ولكن قبل أن أنثر عفشي هل تتوقعين
ياشاعرتنا الكريمه ، الإستمرارمعي وبكل سرور سأجاريك ( وليس كما قلتي ، عبثاً ،عبثاً )

بعد ماقضاء دمي عقب وآبل الشرشور = وصل حضرة المسعف تذكر نزيف (ن) ساح
تعوّذ ولا سماء وصابه خدّر وفتور = وأنا أقول هذا حلمي المنتضر ياصاح
نوى لي بنيـة خيـر يـارب عطـه خيـور = يعلـه بعـد مـن لافـزع وأبعـد المسـراح
خطيب (ن) ليامنـه قـراء وقّـف القاطـور= وخطيـب (ن) ليامنـه قـراءعلتـك تنـزاح
وخطيب(ن)قبل يقراك شوفه علاج صـدور =وخبيث النوايـاء لا قـراء راح عمـرك راح
غلاء والحلاء مـار البـلاء عِنّـت المجـدور = بعدها وأنـا حظـي مـن الجـرف للمطبـاح
وعندي غلاء تسوى من أهـل اللحـاء طابـور = لأ ن الفـزع مالـه مضحـاء ولا مـمـراح
وقبل الغلاء صالـح علـى موقفـه مشكـور = صدوق الوعد طير السعد لـي سنـد وجنـاح
غلاء كيف أغض الطرف وأبقاء على مأجـور = ولا غض طرفه ناعـس الطـرف والسفـاح
وأنا قبل أحوش الذنب قلتي ماهـو مغفـور = وطيبي يجي ضدي صيـاح وهزيـز إرمـاح
وأنا الشاكي الباكي وأداري علـى المستـور = وأبصبر على رآيك عسـى خاطـرك ينسـاح
عسى أو لعل الجـرح يبـراء قبـل عاشـور = وفيتي وأنا دونـك عـن المّـس والتمسـاح
خـذ العلـم يالغالـي حلالـك بليـاء شـور = وميسورك أبرك من سراب (ن) ورى صحصاح
وأنا مذهبي واحـد ويبقـاء لنفـخ الصـور = على سلم شمر هـم هـل الجـود والإصـلاح
صدوق(ن) مع الوافي عدو العبـث والجـور = حشاك الـردى والعيـب والشـك والشفـاح
فكن واثق الخطـوه علـى الـراس يادكتـور = تطمأنت مـن ثمنـت الأول بـلا إستسمـاح
ياليت الغلاء للمبتـلاء فـي غـلاء معمـور = مكانك بصنـدوق الحشـاء وأقـرط المفتـاح
تعرفين قصدي وأشرحـه لإبـن عـم الثـور = وأنا أدري رجـال المعرفـه تفهـم الميـلاح
هواية قصيد وعشق ماطبه المحذور = وموج البحر ياهاج ماينطح بألواح

الشاعر/ مبارك طناءالشمري