مرمطه قصيدهـ فوكاهيه

[مشعل التريباني]

بسم الله الرحمن الرحيم

الشاعر\ مشعل عسام التريباني الشمري

هذه القصيده فكاهيه لمحبي الفكاهه امل ان تحوز رضاكم واسم القضيده

(مرمطه)

انفتل شاصي وبوديّي خـــراب (1) والظفيره كلهــــــــا متلخبطــــــــه

وشمعتيني كن داخلها تــــراب (2) والمكينه يـــــاعضيدي خبطـــــــه

كني الددسن بعد وقت انقــلاب (3) مايفيده لوتـــــودى المخرطــــــــه

ياوجود الحال ياوقت الشبـــاب (4) عزتي للي مشيبه مرمطـــــــــــــه

شايبٍ والجسم جاه الانـــحــداب (5) وبتدابا الهذرمه والخرمطــــــــــه

الركب متفلعصه والراس شـاب (6) راح وقته عرمطه في عرمطـــــه

المشيب يهيّب اللي مايهـــــــاب (7) كم غلامٍ عقب عّزه ورطــــــــــه

عقب مهو يرتكي عند الصعـاب (8) صارمثل اللي يديه مربّطــــــــــه

الكبرقدامنا عيّب ذيـــــــــــــاب (10) بن غانم قبلنا الشيب افرطـــــــه

ربّطه شيبه ومكّنه الصـــــــواب (9) جابته جرد السنين تقلّطـــــــــــــه

مروي الشلف اسنينات الحـداب (11) مارحمه الشيب بالحفر قرطــــه

مار انا ارجي واحد ٍينش السحاب (12) غافرٍ زلات عبده وغلطــــــــه

ياالهٍ من لجابك مايخـــــــــــــاب (13) عبدك المسكين من فضلك عطه

اغفر الزلات لي وقت الحســاب (14) يوم حشرجت الصدورالمفرطـه

طالبك عفوك وتخفيف العقــــاب (15) وامسح اذنوبي حروفه وانقطــه

اشتكي لله من قل الزهــــــــــــاب (16) د اخلٍ به عن عذابه وسخطــــه

[●šĥăđёи●]

الركب متفلعصه والراس شـاب (6) راح وقته عرمطه في عرمطـــــه



ههههههههههه

عسى الله يعطيك الصحه والعافيه
وشاص 2012 بدل شاصك اللي خبط عليك .. :) :)


مشعل ..

قصيدتك رائعه بحق
اسال الله ان يغفر ذنوبنا اجمعين ..
ويرزقنا الصحه والعافيه يارب

لي الشرف ان اكول اول الحضور ...

[" آلـ جــود "]

كني الددسن بعد وقت انقــلاب (3) مايفيده لوتـــــودى المخرطــــــــه

:)
قصيده ظريفه :)
آلله يعوضك بدآله .. و آلله يطول بعمرك
و يغفر ذنوبنآ و ذنوبك .. و صح آلله قلبك و لسآنك

[مشعل التريباني]

الاخوات الكريمات شكرا لمروركن جميعا الله لايهينكن اخواتي

[اسير هواك]

عقب مهو يرتكي عند الصعـاب (8) صارمثل اللي يديه مربّطــــــــــه


الله يعطيك العافيه ويقويك وصح السانك أخي

[مخاوية الليل]

الركب متفلعصه والراس شـاب (6) راح وقته عرمطه في عرمطـــــه

صــح لساانــــكـ اخوووي,,
لاعدمنـــــأإأإكـ’’’

’’تحيــــأإأتـــــــــي^_^

[مشعل التريباني]

شكرا للجميع على المرور

[خالد النبهان الشمري]

مشعل التريباني

حتى القصيده مرمطتني مرمطه


هههههههههه


صح لساانك وسلمت يمينك ياملك

ابياات في قمة الجماال

لاتحرمناا جديدك


تقبل خالص تحيااتي ومروري
[ خالد النبهان الشمري ]

[مشعل التريباني]

اخوي خالد النبهان شكرالمرورك الله لايهينك يالغالي

[Anfas]

ياالهٍ من لجابك مايخـــــــــــــاب (13) عبدك المسكين من فضلك عطه

اغفر الزلات لي وقت الحســاب (14) يوم حشرجت الصدورالمفرطـه

طالبك عفوك وتخفيف العقــــاب (15) وامسح اذنوبي حروفه وانقطــه

اشتكي لله من قل الزهــــــــــــاب (16) د اخلٍ به عن عذابه وسخطــــه


الله الله ....كم هي رائعة قصيدتك رغم مابها من طرافة
الا ان ابياتك الاخيرة اجبرتني على اقتباسها دون غيرها
كم يعجبني هذا الانكسار وهذه المناجاة ...صح لسانك مدد بلاعدد
واصل يالتريباني العطاء فلا زلنا نطلب المزيد كل حين ..

[مستحيله]

ياوجود الحال ياوقت الشبـــاب (4) عزتي للي مشيبه مرمطـــــــــــــه


الشباب بالقلب ههههههههههههه
الشاعر الغالي قول امين الله يطول بعمرك ولا يحرمنا طلتك الخفيفه
على قلوبنا

[صُبـح]

قصيدة روعه .. و فكاهيه من الدرجه الاولى
الله يسعدك

[][ .. خالد .. ][]

هههههههههههههههه إنا لله


صارت السالفه كلها مرمطه في مرمطه


مثل ما قالت الاخت مستحيله الشباب بالقلب يبو شعيله :)


وتوك شباب انت ولله الحمد ..


قصيده فكاهيه من الدرجه الاولى .. انا اشهد انها حبكة معلم



تقديري لك والله يعطيك طولة العمر ويرزقنا وياك جنات النعيم



تحياتي

[عاشق الحنان]

قصيدة رائعة جدا
صح لسانك وزود
شكرا لك
تقبل مروري المتواضع

[مشعل التريباني]

شكرا لجميع الاخوان والاخوات على المرور الله لايهينكم جميعا