لغزالتحدي 2/محلــول حله مـــحمــد اديهم..الجواب الماوس

[اللـجـاوي]

ياهلا بكم أخواني: أتمنى أن أرضي أهل العشق والتحدي : بلغز جديد يقول:



قرْب لِي الفنجال مازون هيله=أبي تقهوى وأقعدالراس بالْكِيف
وأجيب لغزٍلي جديدٍمديله=مايلْحقه نقصٍ ولاقول ياحِيف
ياويش شيٍ وهوجديدٍ بجيله=ماله بسالف وقت الأجدادعرّيف
يمْشي بأمر راعِيه من دون حيله=مطْواع وعلّمه ينقله دون تحرِيف
يبقى مكّن ومن بغى له يجي له=كم مدمنٍ قابله وماهوبكييّف
يروح بمْرك وكنْ حاله ذِليله=يُورِي بنفْسه بالْعجل ودون تكْليِف
مدْرِي يذكّرْأويُؤنّث دلِيله=بس المؤكدأسمه مترْجم أوضِيف
موجودعندك وشْ تبي بالطّويله=حتّى هلْ المقناص بسْلُومهم شِيف





[/poem]

* شروط اللغز:
--أن لاتقل مشاركة العضو عن 50 مشاركه سابقه بالمنتدى على الأقل
--أن تكون الإجابه بأبيات شعريه .. ولايشترط الوزن ولو كان بيت واحد
--يكون للعضو اربع مشاركات في اليوم الواحد
--اللغز مفتوح ..
*لاتؤخذالأجابه العامه فقديكون الحل جزء من كل او العكس فأرجو ان تحدد الإجابه بمسماها تحديداً.@

*هناك جائزه بطاقة سوا بمبلغ 300 ريال ..
وفق الله الجميع

[العراقية]

اش قد احاول مابقدر
للغز والاشعار

ينطيك عوافي خيي لجاوي

[ابو اريج]

صح لسانك يالطيب

لكن ماحولك توضيح هو قديم او لا

بزعمي انه حول الاجهزه

[أسما المعاني]

اللجاووي
الله يعطيك الف عاافيه يارب
مبدع بالحق وكلمة مبدع قليله في حقك
يكفي اجتماع الكل حول لغزك وانتظاره بفارغ الصبر ومشاركاتهم والمحاولات
لم ااتي للمشاركه بل لتسجيل اعجابي بالالغاز
ا انا اكتفي بالمتابعه بين الحظه والاخرى حتى انني اوقات افتح صفحه خاصه لمتابعه اللغز وصفحه للمنتدى لاني مهما حاولت اجد صعوبه في فهم الابيات
ولكن اشهد لك بالابداع
وفقك الله ورعاك
تحياتي

[][ .. خالد .. ][]

.
.




عزيزي واستاذي اللجاوي


انت قلت تكفون لا تحلونه بسرعه .. وتكفى يا طويل العمر تهز جبال ورجال .. وانا هلحين ما غير اتنافض من تأثير الكلمه يعني :)


الوكاد بنعطي الاخرين فرصه .. ولو ان الحل عارفه .. لكن بنصبر شوي :)



لكن المهم بالموضوع هو .. اني قدمت لكي اسجل كلمه بحقك ايها المبدع .. ولو ان شهادتي بك مجروحه .. لانك من قسمي ههههه وتخبر حنا عيال كار واحد

من قبيلة همس القوافي كلنا ..


لكن ما اقول إلا // إلى الأمام يا اللجاوي .. وكلي فخر واعتزاز بما تقدمه ..



تقديري

[ســــلام]

اللجاوي بيض الله وجهك

دائماً مبدع ماشاء الله عليك

جاري التفكير وياصلك الحل بعد ثلاث ايام ان شاء الله

طبعاً ثلاث أيام بسبب الشرط

[اللـجـاوي]

اش قد احاول مابقدر
للغز والاشعار

ينطيك عوافي خيي لجاوي



حياك اختي اللغز سهل حاولي اذا تقدرين

[اللـجـاوي]

صح لسانك يالطيب

لكن ماحولك توضيح هو قديم او لا

بزعمي انه حول الاجهزه

ياهلا وغلاء ابشر بس التوظيح شوي عليه

[اللـجـاوي]

اللجاووي
الله يعطيك الف عاافيه يارب
مبدع بالحق وكلمة مبدع قليله في حقك
يكفي اجتماع الكل حول لغزك وانتظاره بفارغ الصبر ومشاركاتهم والمحاولات
لم ااتي للمشاركه بل لتسجيل اعجابي بالالغاز
ا انا اكتفي بالمتابعه بين الحظه والاخرى حتى انني اوقات افتح صفحه خاصه لمتابعه اللغز وصفحه للمنتدى لاني مهما حاولت اجد صعوبه في فهم الابيات
ولكن اشهد لك بالابداع
وفقك الله ورعاك
تحياتي


يحفظك ربي بارشا .. يكفي تواجدك ومرورك أسعدني... وياهلا فيك

[مطعون غدر]

صح السانك يابعدي شف انا عندي رمعه بس قهر احطه في كم بيت وتطلع خطاء وش رايك وش اسوي

[اللـجـاوي]

.
.




عزيزي واستاذي اللجاوي


انت قلت تكفون لا تحلونه بسرعه .. وتكفى يا طويل العمر تهز جبال ورجال .. وانا هلحين ما غير اتنافض من تأثير الكلمه يعني :)


الوكاد بنعطي الاخرين فرصه .. ولو ان الحل عارفه .. لكن بنصبر شوي :)



لكن المهم بالموضوع هو .. اني قدمت لكي اسجل كلمه بحقك ايها المبدع .. ولو ان شهادتي بك مجروحه .. لانك من قسمي ههههه وتخبر حنا عيال كار واحد

من قبيلة همس القوافي كلنا ..






تقديري


اهــــــلاً فيك ابن الهيلا والله وجودك شرف.... وتر قولي لاتحلــــونه على طول فيه نوع من التحدي ....:h57:وآآآثق الرجال ههههههههه...!!!

أذا واثق بحلك أسدحه يابعدي ولا يهمك احد وياهلا بك يا مشرفنا ومبدعنا

[اللـجـاوي]

اللجاوي بيض الله وجهك



دائماً مبدع ماشاء الله عليك

جاري التفكير وياصلك الحل بعد ثلاث ايام ان شاء الله


طبعاً ثلاث أيام بسبب الشرط




ياهلا بك اخوي سلام.....نتظرك يابعدي وياهلابك.... تخبر توجيهات المنتدى يابعدي ودي الكل يشارك
بعدين سهله بس كم رد منك على بعض المواضيع وتستوفي الشرط

[اللـجـاوي]

صح السانك يابعدي شف انا عندي رمعه بس قهر احطه في كم بيت وتطلع خطاء وش رايك وش اسوي


ياهلا والله بشاعرنا ولايهمك ياما رمعنا وطلعت غلط ...هات اللي عندك حتى لوهو بيت واحد.... وياهلابك

[على النيه]

اهلاً بلغز التحدي وهالمره ابحله بأذن الله !!:3fgedg:

صح لسآنك شآعرنآ اللجاوي لغز مليان ويبيله تفكير !!
سلمت وسلم فكرك الرآقي ..
وشروط وافيه يستحقها اللغز اتمنى ان يلتزم بها جميع اعضآءنا ..
لاهنت شاعرنا المتألق وعساك للقوه ..



<< جاري التفكير ولي عوده بأذن الله ..

[مطعون غدر]

فزعه ياذيب اذا حلي غلط قل صح لا تفشلن عند هالمزين هههههههههههه





قل للجاوي لا يشب الفتيله=يصبر معي اشوي ويصير حريف
ترى خطوط الطول والعرض حيله=والعشق ذابحني وانا كلي ارهيف
القارمن فالليل يسوا قبيله=لا صرت ناوي بالرحيل المواليف



يعني ان الحل القارمن <<< يارب انه صح هههههههه

[اللـجـاوي]

فزعه ياذيب اذا حلي غلط قل صح لا تفشلن عند هالمزين هههههههههههه





قل للجاوي لا يشب الفتيله=يصبر معي اشوي ويصير حريف
ترى خطوط الطول والعرض حيله=والعشق ذابحني وانا كلي ارهيف
القارمن فالليل يسوا قبيله=لا صرت ناوي بالرحيل المواليف



يعني ان الحل القارمن <<< يارب انه صح هههههههه



يالله طلبتك ترهش بنوسيله=وتسكب علينا خمسة ايام ترهيف
ويزين مطلاع الخلاء وكل قيله=وننصب خيام وفي فياضه غطاريف
أحسنت وابياتك جزال وجليله=بس اعتذرلك وانت ياخوي عريف



حاول يابعدي خيره بغيره انتظرك...يابعد قلبي( صح )... انك خطير اي والله...

هاه شفت كلمت صح كتبته لك توي

[مطعون غدر]

قهر وانا ياحول لي شوي اعصر في هالمخ الله يخلف علي انا موخي هههههههههههههه

[ســــلام]

اقــول ياللجاوي ما فيك حيله **** وفالك مليون من قلوب المواليف

قوقل كروم حل لغزك يالدليله **** معروف عند الناس من غير تعريف

[اللـجـاوي]

اقــول ياللجاوي ما فيك حيله **** وفالك مليون من قلوب المواليف


قوقل كروم حل لغزك يالدليله **** معروف عند الناس من غير تعريف



يارمرحبا بك وياهلا دون ميـــله ***** ترحـيبة البدوبفـرح جيـت الضيف

ياليت ودي لــو تحـــله بكيـــــله ***** مــار العذر منك وحله مـا هو طيف

أعتذر لك يابعد حيي ماهو الحل... اتظر اجابه غيره....

[نايف المري]

صح لسانك
اللجاوي

طايرة العيون والمخ صار يتحرك بوش

لي عوده

[اللـجـاوي]

صح لسانك
اللجاوي

طايرة العيون والمخ صار يتحرك بوش

لي عوده


ياهلا وأنتظر اجابتك شرفني وجودك يابعدي

[حاتم حائل]

أظن حله ياللجاوي شاحن الجوال ...اللي يسمونه ترانس بالانجليزي


<<<<وش الاحراج والله الشعر مالي فيه الا التذوق عشان كذا كتبت البيت كذا ....


حاتم حائل

[اللـجـاوي]

أظن حله ياللجاوي شاحن الجوال ...اللي يسمونه ترانس بالانجليزي


<<<<وش الاحراج والله الشعر مالي فيه الا التذوق عشان كذا كتبت البيت كذا ....



حاتم حائل



ياهلابك اخوي والله اتمنى لو حله مثل ماقلت خييييره ... بغيره...!!!تشرفت بحظورك

[سـالم الشمري]

حي اللجاوي حي راع الجزيله=وحي القصيد اللي مايحتاج تنضيف
ان كانه الجوال دايم نشيله=ياما دفع مخباي فيه المصاريف

[مطعون غدر]

الموت كم فرق حليل وحليله=والحب كله لرموش المراهيف
والحل عندي لابغيت الحصيله=ترى الرسايل بين الاحباب توليف


يعني الحل الرساله في الجوال


يارب انه صح ابي مره بعمري احل لغز

[اللـجـاوي]

حي اللجاوي حي راع الجزيله=وحي القصيد اللي مايحتاج تنضيف
ان كانه الجوال دايم نشيله=ياما دفع مخباي فيه المصاريف



اهلا هلابـك عد وبل وهمـيله **** واعــدادماناضت بروقــه رفــاريــف
ودي تحـلـه يالقرم مع دليـلــه **** بس أعتذرحاول على حلك اتضيف

ياليت بس بعيد يالغالي ...شرفني وجودك

[اللـجـاوي]

الموت كم فرق حليل وحليله=والحب كله لرموش المراهيف
والحل عندي لابغيت الحصيله=ترى الرسايل بين الاحباب توليف


يعني الحل الرساله في الجوال


يارب انه صح ابي مره بعمري احل لغز

حي السحاب اللي نثر من شليله **** هل القصيدوجاب مطعون توليف
ابيات حلوه كانفــل في خميله **** منطوق ماشابـه من الهرج تزييف

ياليت يابعدي والله ةتمنيت ....بس لا يأس مع الحياه.....حـــاول وفــالك طــيب

[سـالم الشمري]

اقعد ياللجاوي والله بلشنا هههههههههههه بس هذي رمعه

اغديه الانترنت راع الفضيله......يطيع دايم مايحب التصاريف

[اللـجـاوي]

اقعد ياللجاوي والله بلشنا هههههههههههه بس هذي رمعه

اغديه الانترنت راع الفضيله......يطيع دايم مايحب التصاريف


ياليت والله اتمنى تخيله *****مثل الذي يخيل برقٍ له يشيف

حياك وأعتذر يابعدي.....حــــاول

[مستحيله]

مانتم بحل ليش مااعلنتو عن اللغز انا احب اكون بكل صفحه لي حل
من الاولى حته الخامسه مدري ليش احس الصفحه الخامسه هي الاخيره هههه
الجاوي صح لسانك بس ياحيي نبي بدون شعر مدري انا افكر بالحل ولا بالقافيه ههه
وش رايك ..؟؟

[مستحيله]

يوم جين حطيت رجلك الجاوي ههههههه مار ماني متحريتك ابجاوب
تهقا ماهي السياره هي الي تمشي بطوعي وانا الي اجيه بمكانه
وبعدين تودينن للمكان الي ابي ومنه مذكر الجيب ومؤنث الكامري
هااه قربت ولا بواشنطن ..؟؟

[مطعون غدر]

اللغز فلته والخواطر قتيله=والراس داخ وتالي العلم تصريف
والحل كنود والمغازل فشيله=وشمر هل الطولات وبليس حريف




شف عاد اذا ماهو الكنود ابنتحر ترى

[مستحيله]

مطعون انزح وراك لا تحل وبعدين وش مسهرك رح نم
الجاوي طرا علي عقب حل مطعون الا ماهي البوصله الي يسمونه ماجلان
هاااه وينك انت المفروض ماتنام تسهر اتابع حلنا

[على النيه]

يالشاعر المبدع ابرمع بحله
... يمكن أصيبه تونـا باول الصيف
جهاز كنود ينقل العلم كله
... والا كاميرا اتصورك دون تزييف


ممكن الحل جهاز الارسال ( كنود)
او الكاميرا بانواعها سواء عاديه او كاميرا الفيديو اللي تنقل الحدث او الصوره او المكان كما هو بدون تزييف ..
ويا طلع الحل صح بكمل الأبيآت ..

[مطعون غدر]

مطعون انزح وراك لا تحل وبعدين وش مسهرك رح نم


الجاوي طرا علي عقب حل مطعون الا ماهي البوصله الي يسمونه ماجلان

هاااه وينك انت المفروض ماتنام تسهر اتابع حلنا


ورب الكعبه يالمزيونه اني قدمت اجازه بكرا على شان هالغز اللي فنخ راسي <<< فنخ هههه حلوه ترى فنخ يعني نفخ هههههه


وبعدين ماهوب ماجلان انتي وخشك شوفي الحلول قبل بعدين ارمعي مدري ارمحي هههههههههههههه

[Anfas]

صح لسانك شاعرنا اللجاوي على براعة طرحك المعهودة
وبانتظار ردك على مطعون وعلى النية..
لاتتأخر تخبر القريحة الشعرية والمه ...هههههه من جنبوه
الا هالثلاث مية ماتجي كاش ههههه
والا عشا لشخصين بمطعم البانوش بالخبر هههههه
عساكم ع القوة وصباحكم الغاز مليانه ..
وبالتوفيق للجميع ..

[حاتم حائل]

طيب ياللجاوي ماهو ورق الكربون ترا ما بقى عندي الا ورق الكربون ،،،


اللي يستخدم لنسخ الكتابة ،،،



والله اعلم




حاتم حائل

[اللـجـاوي]

مانتم بحل ليش مااعلنتو عن اللغز انا احب اكون بكل صفحه لي حل

من الاولى حته الخامسه مدري ليش احس الصفحه الخامسه هي الاخيره هههه
الجاوي صح لسانك بس ياحيي نبي بدون شعر مدري انا افكر بالحل ولا بالقافيه ههه

وش رايك ..؟؟



ياحيا الله مستحيله.....بالنسبه لك بشعر او بدون شعر صعبه عليك يابعدي هههههه

هذا مطعون يفحط تفحيط والحقيقه انه خطير.... بس ماجابه ... يالله انتظرك

بس لاتروحين للقطب الشمالي خلك حولنا...

[اللـجـاوي]

يوم جين حطيت رجلك الجاوي ههههههه مار ماني متحريتك ابجاوب

تهقا ماهي السياره هي الي تمشي بطوعي وانا الي اجيه بمكانه
وبعدين تودينن للمكان الي ابي ومنه مذكر الجيب ومؤنث الكامري

هااه قربت ولا بواشنطن ..؟؟




خطييييره وتفكير قوووووي... بس لاتعودينه شاوري قبل ماتنزلين الحل..الجو عندكم بالقطب الشمالي برديابعدي..ياهلابك

[اللـجـاوي]

اللغز فلته والخواطر قتيله=والراس داخ وتالي العلم تصريف
والحل كنود والمغازل فشيله=وشمر هل الطولات وبليس حريف




شف عاد اذا ماهو الكنود ابنتحر ترى


والله خجلنا واستحيت وفشــيله****شعرك جميل وصوغ فنان حريف

اخجلتني بابــياتٍ حلوه جزيلــه****المعــذره تر للمقـــادير تصــريف

ياهلا مطعون عزالله انك شاعر يابعدي .... وتفاعلك رآآآآئع.....يبي لك شوي

[اللـجـاوي]

الساعه 1:30 بأذن الله اتلقى الإجابات لمن اراد التوآصل وياهلا

[محمداديهم]

هذا ( الاميل ) اللغز نطلق سبيله..... والمعذره بالراس ياخوك تشويش

[سـالم الشمري]

صباح الخير...رمعة واحد توه قاعد من النوم << اللجاوي شكلنا بنهجيك اخر شي هههههههههههه



يمـكنّه الرادو.. يساوي قبيله.......كم جاب من علم ووصل سواليف

[الـ ساري]

صح لسانك اللجاوي
لغز مليان من ابياته دمت ودام نبض قلبك
على جهودك يابعدي

والجائزه تمون انت
بس اتمنى
اي جوائز اخرى قادمه تكون من عندي
لاعدمتك

كل الود والورد لشخصك

[اللـجـاوي]

اهلاً بلغز التحدي وهالمره ابحله بأذن الله !!:3fgedg:

صح لسآنك شآعرنآ اللجاوي لغز مليان ويبيله تفكير !!
سلمت وسلم فكرك الرآقي ..
وشروط وافيه يستحقها اللغز اتمنى ان يلتزم بها جميع اعضآءنا ..
لاهنت شاعرنا المتألق وعساك للقوه ..



<< جاري التفكير ولي عوده بأذن الله ..


ياهلاشاعرتنا ومراقبتنا كلي عذر وآآآآآسف والله ماأنتبهة لمرورك هذا ألأ الحين ...لبخني مطعون بأبياته الحلوه....!!

ألف أهلا وسهلا فيك ..... نورتي

[أسما المعاني]

http://www.alfisal.com/vb/imgcache/62068.imgcache.jpg

هاد الشيئ
ممكن وممكن لا

[اللـجـاوي]

يالشاعر المبدع ابرمع بحله
... يمكن أصيبه تونـا باول الصيف
جهاز كنود ينقل العلم كله
... والا كاميرا اتصورك دون تزييف


ممكن الحل جهاز الارسال ( كنود)
او الكاميرا بانواعها سواء عاديه او كاميرا الفيديو اللي تنقل الحدث او الصوره او المكان كما هو بدون تزييف ..
ويا طلع الحل صح بكمل الأبيآت ..

لايابعدي ماهو على الرمع لله*****ولاعلاقه بالشتاء وأول الصيف

يمكن بجهازولاكن اللي يدله*****انا اشـهدانه بحل الأغاز حريف


يمكن وظحت ويمكن أبعدتكم شوي انتبهو ....!!!!!!!!

[أسما المعاني]

اخر مشاركه لي لان لسى فسرت كلمه من الابيات وحسب مافهمت انو ماكان بوقت الاجداد
ممكن يكون الانترنت
يعطيك الصحه اخويا اللجاوي

[اللـجـاوي]

صح لسانك شاعرنا اللجاوي على براعة طرحك المعهودة
وبانتظار ردك على مطعون وعلى النية..
لاتتأخر تخبر القريحة الشعرية والمه ...هههههه من جنبوه
الا هالثلاث مية ماتجي كاش ههههه
والا عشا لشخصين بمطعم البانوش بالخبر هههههه
عساكم ع القوة وصباحكم الغاز مليانه ..
وبالتوفيق للجميع ..


اهلين اخت انفاس وشو البانوش اول مره اسمع فيه ...اعر ف الفانوس ههههه

ياهلا ماعندك رمعه والله ودي احد يحطم هاللغز

[اللـجـاوي]

طيب ياللجاوي ماهو ورق الكربون ترا ما بقى عندي الا ورق الكربون ،،،


اللي يستخدم لنسخ الكتابة ،،،



والله اعلم





حاتم حائل




ياهلا والله يابعدي اي كربون .....! صح انه فيه جانب حلو بس ماينطبق ياليت..

[اللـجـاوي]

هذا ( الاميل ) اللغز نطلق سبيله..... والمعذره بالراس ياخوك تشويش


مشاركه وحده تراها قليله ***** يبي لك ترمع امرااار وتضيف

هلا بك اخوي وحياك يبي لك كذا رمعه يمكن تجي صح ... وياهلا

[اللـجـاوي]

صباح الخير...رمعة واحد توه قاعد من النوم << اللجاوي شكلنا بنهجيك اخر شي هههههههههههه



يمـكنّه الرادو.. يساوي قبيله.......كم جاب من علم ووصل سواليف

لالاولالاقدمها من وسيله*****قلنا جديده بجيلناوعندكم شيف

بالغز يابعد فلبي قلنا جديده بجيل الأولين ما شيفت..... حيـــــاك لايابعدحيي اعلمك بالحل بس لاتهجاء احد...ههههه

[اللـجـاوي]

صح لسانك اللجاوي
لغز مليان من ابياته دمت ودام نبض قلبك
على جهودك يابعدي

والجائزه تمون انت
بس اتمنى
اي جوائز اخرى قادمه تكون من عندي
لاعدمتك

كل الود والورد لشخصك


هلا والله بأخي الساري نفسك الطيبه جعلتني أحس بأني صاحب المنتدى وصدقني هذا أحساس كثير من ألأخوان هنا....!

أجل نحن بمركبٍ واحد نكاد لانعلم من ربانه لقمة اندماجنا وتواصلتا ... كلي شكر لكلماتك الطيبه ياطيب ...

[اللـجـاوي]

http://www.alfisal.com/vb/imgcache/62068.imgcache.jpg

هاد الشيئ
ممكن وممكن لا


أوآآآآآآه من قلبٍ عليلٍ وملتاع*******أوآآآآآآه من جور الليالي والأيام

هاذي أداه يغني عليها اهل الباديه..... اسمها الربابه......؟

ياهلا بمعاني الفرقا..... هذا أكيد انك (((تعرفينه زين )))بس مسويه نفسك ماتعرفينها.......!!!!!! مشهوره عندكم اكثر......!!!

وياهلافيك.... بعدين تري الشعر اليى كتبته فوق هذا أسمه المسحوب ويغني عليه اللي يعزف الأله الي فوق على نفس الأبيات

[اللـجـاوي]

اخر مشاركه لي لان لسى فسرت كلمه من الابيات وحسب مافهمت انو ماكان بوقت الاجداد
ممكن يكون الانترنت
يعطيك الصحه اخويا اللجاوي


لاوالله ماهو الأنترنت .... حــــاولي شرفتي بحظورك

[الـوتـــد]

صح لسانك ياللجاوي
وبعد تفكير قلت اقول اول الرمعات
والابيات لاحقين عليها
ماهو
الجي بي اس خدمة تحديد المواقع

[على النيه]

محاوله اخرى


جهاز فاكس يرسل العلم كله
...والة طباعه تطبعه دون تزييف

[سـالم الشمري]

محاوله اخرى


جهاز فاكس يرسل العلم كله
...والة طباعه تطبعه دون تزييف

ههههههههههههههههههههههههههههه آه يابطني قسم لحس مختس اللجاوي
صرتي تفكرين زي المحششين فاكس وقناص ما يجتمعن ههههه

:150:

[مطعون غدر]

على النيه بذمتي من امس وانا اقول الفاكس مالي دخل فيك ههههه

بس قهر نمت وتوي اقوم الزبده ترى الشحن نبي نجسمه جسم بيني وبينك ههههههه<<< ضامن انه صح الحبيب هههههه



البارحه وانوم حيله بحيله=اللغز في راسي مسوي شناخيف
ماغير اهوجس والبوارق نخيله=ودلي بدلوي والمعاني مغاريف
والتسبد ماتطفى ويبرد غليله=الا بحل اللغز ورد المعاريف
حتى على النيه تطابق دليله=الفاكس يطبع ياللجاوي مظاريف



ترى شناخيف مدري وشي بس حسيت انه شي شين هههههههه ويعور الراس


اللجاوي انت تقول كل عضو له 4رمعات يعني انا خلاص اخر وحده

خله ماتصير صح ابعتزل العشق والحب العذري وبهاجر عن السعوديه ههههههه

[سـالم الشمري]

لالاولالاقدمها من وسيله*****قلنا جديده بجيلناوعندكم شيف

بالغز يابعد فلبي قلنا جديده بجيل الأولين ما شيفت..... حيـــــاك لايابعدحيي اعلمك بالحل بس لاتهجاء احد...ههههه


يابعد راسي انت والله ههههههه

والله انا شاركت قلت ان حليت اللغز ابهديك الجايزه وانت عاد كان بتهديه لاحد مسموح يالعزوه
مير والله ببلشنا لدرجة اني حلمت باللغز البارح هههههههههههه واليوم انا والشباب على الغداء
نحفر وندفن بنفس الرمعات هههههههه

[اللـجـاوي]

صح لسانك ياللجاوي
وبعد تفكير قلت اقول اول الرمعات
والابيات لاحقين عليها
ماهو
الجي بي اس خدمة تحديد المواقع

هلابك ياالوتد .... انا عارف انك ماتهرول عبث وتر الأخوان سبق وأرمعو نفسك رمعتك... انتظرك

[اللـجـاوي]

محاوله اخرى


جهاز فاكس يرسل العلم كله
...والة طباعه تطبعه دون تزييف

ياهلا بشاعرتنا على النيه.... ابيات جميله ورائعه بس الحل بعيد شوي

[ســــلام]

اللجاوي يسعد مساك ومساء الجميع

ابي ارمع لي رمعات خطيره***** اليوتيوب او قوقل ايرث

[اللـجـاوي]

على النيه بذمتي من امس وانا اقول الفاكس مالي دخل فيك ههههه

بس قهر نمت وتوي اقوم الزبده ترى الشحن نبي نجسمه جسم بيني وبينك ههههههه<<< ضامن انه صح الحبيب هههههه



البارحه وانوم حيله بحيله=اللغز في راسي مسوي شناخيف
ماغير اهوجس والبوارق نخيله=ودلي بدلوي والمعاني مغاريف
والتسبد ماتطفى ويبرد غليله=الا بحل اللغز ورد المعاريف
حتى على النيه تطابق دليله=الفاكس يطبع ياللجاوي مظاريف



ترى شناخيف مدري وشي بس حسيت انه شي شين هههههههه ويعور الراس


اللجاوي انت تقول كل عضو له 4رمعات يعني انا خلاص اخر وحده

خله ماتصير صح ابعتزل العشق والحب العذري وبهاجر عن السعوديه ههههههه

دليت اهوجس وحال جسمي عليله **** شكلي كبرت وقمت اخرف تخاريف

والأبلغــزي شــي وصعــب تجــيلــه **** طـلبــتكم جيـــبو لحــلــه تـصــاريــف

ياهلا بك يامطعون ومرحبا بطلتك ياليت...توك يابعدي

[اللـجـاوي]

يابعد راسي انت والله ههههههه

والله انا شاركت قلت ان حليت اللغز ابهديك الجايزه وانت عاد كان بتهديه لاحد مسموح يالعزوه
مير والله ببلشنا لدرجة اني حلمت باللغز البارح هههههههههههه واليوم انا والشباب على الغداء
نحفر وندفن بنفس الرمعات هههههههه



هلا وغلا شاعرنا سالم والله طلتك ووجودك اعطى الموظوع نشاط اكثر... حياك انت وخوياك.......،

[على النيه]

رمعه جديده

جوال اثريا عبر الاقمار فله
... ايوصل علومك ولا فيه تكليف

[اللـجـاوي]

اللجاوي يسعد مساك ومساء الجميع



ابي ارمع لي رمعات خطيره***** اليوتيوب او قوقل ايرث




ياهلابك اخوي سلام رمعوه الأخوان قبل يالغالي... وحياك ألف...

[اللـجـاوي]

رمعه جديده

جوال اثريا عبر الاقمار فله
... ايوصل علومك ولا فيه تكليف

اهـلاهـلابك عددمافلت ورودنا فله****واعدادماتكسي الأشعه من الطيف
مرحب بشاعرتنا بس والله لسابعيده..

[مستحيله]

اتيت نوبتن اخرى
وش معنى مترجم وضيف يعني هو اجنبي ومترجم عربي >>>>>>>> قمة الذكا ههههههههه
الجاوي هو صفه ولا اله واذا الاله تهقى ماهو العداد لامن هذا فصلتوه عشان مايعد عليكم
لانوه مايضيع مشي الموتر خصوصا اذ كانت السياره اجار ههههههههه

[على النيه]

رمعه سريعه واذا هي صح بحطهن بابيات ...
التلفون او التلفزيون

[اللـجـاوي]

اتيت نوبتن اخرى

وش معنى مترجم وضيف يعني هو اجنبي ومترجم عربي >>>>>>>> قمة الذكا ههههههههه
الجاوي هو صفه ولا اله واذا الاله تهقى ماهو العداد لامن هذا فصلتوه عشان مايعد عليكم

لانوه مايضيع مشي الموتر خصوصا اذ كانت السياره اجار ههههههههه



اهلين بمستحيله...بكرا الصبحيه حبأ أقولك ،،،على قولت وائل كفوري ......

العين سلهم ناعسه من جهدها****راجـت وراج الفكر والله معاها

شكلي بروح أنام ماشفت خالد ......للفلفت بها المنتدى ابيه بمويظيع خاص بس ما لفيته....؟؟؟والله عقب طيارة مصر انا خايف

انه جالس على شاطي النيل يسويها خويلد

[اللـجـاوي]

رمعه سريعه واذا هي صح بحطهن بابيات ...
التلفون او التلفزيون


ياهلا بك ياليييت بس تريكي ابعدتي شوي

[عقاب النهار]

اللجاوي
والله انك تبهج القلوب وتتوسع الصدور بحظورك
ربي يطول بعمرك توني ادخل هنا واشوف لغزك

رمعه على الطاير

مايكون (Avl)
اللى هو جهاز التتبع
وان طلع هو بشرح الحل

تقديرى لك واحترامي

[ما مثلي أحد]

مشكــور أخوي اللجاوي ع اللغز والقصيدهـ الرآئعه انا من عشاق الألغاز
بعد أذنك ابي اشارككم في حل اللغز ...مادري انا يحق لي اشارك او لا ..
انا اتوقع حله بنزيل السيارات ..
ودليله محطة البانزيل
ويبقى مكن من بغاله يجيله

هاه أخوي وآرد اولا >>عندي سالفه والا اضف وجهي هههههههه

<<الصرآحه منتدى بعد حيي أحسن منتدى أدخله ماشاء الله تبارك الله
تقبلو مني أجمل وأرق تحيه

[حاتم حائل]

وخرووو شوي هذا جوجل ،،، وخرايط جوجل للمقانيص دليله


الله يستر من هالرمعة ههههه




حاتم حائل

[اللـجـاوي]

اللجاوي
والله انك تبهج القلوب وتتوسع الصدور بحظورك
ربي يطول بعمرك توني ادخل هنا واشوف لغزك

رمعه على الطاير

مايكون (avl)
اللى هو جهاز التتبع
وان طلع هو بشرح الحل

تقديرى لك واحترامي



ياهلا بشاعرنا عقاب النهار والله اللغز له اليوم الثالث وكنت انتظر مرورك....ووجودك له اهميه خاصه في المنتدى

حيـــاك يابعدي ورمعتك والله رائعه بس المعذره يابعدي....

[سمو الذوق]

صح والله لسانك لجاوي

في كلمة مكن معناها ايش ؟

[اللـجـاوي]

مشكــور أخوي اللجاوي ع اللغز والقصيدهـ الرآئعه انا من عشاق الألغاز
بعد أذنك ابي اشارككم في حل اللغز ...مادري انا يحق لي اشارك او لا ..
انا اتوقع حله بنزيل السيارات ..
ودليله محطة البانزيل
ويبقى مكن من بغاله يجيله

هاه أخوي وآرد اولا >>عندي سالفه والا اضف وجهي هههههههه

<<الصرآحه منتدى بعد حيي أحسن منتدى أدخله ماشاء الله تبارك الله
تقبلو مني أجمل وأرق تحيه




ياهلا وحياك ... ياليت انه زي ما قلتي اعتذر لك وحــــيــاك

[اللـجـاوي]

وخرووو شوي هذا جوجل ،،، وخرايط جوجل للمقانيص دليله


الله يستر من هالرمعة ههههه





حاتم حائل



هلا بك والله ... ألأخوان جابو نفس الإجابه يابعدي .. لاكن لسا بعيد

[اللـجـاوي]

صح والله لسانك لجاوي

في كلمة مكن معناها ايش ؟


ياهلا وغلا اخوي... ( مكن )يعني مستكن لايتحرك بدونك...!

[على النيه]

برمع هالرمعه والله يستر :

ممكن تكون الشريحه ( شريحة الجوال ) او الذاكره

[اللـجـاوي]

برمع هالرمعه والله يستر :

ممكن تكون الشريحه ( شريحة الجوال ) او الذاكره

ياهلا على النيه ياليت والله بعيده

[اللـجـاوي]

تنبـــيه:


أخواني تم تنزيل لغز ثاني أسفل اللغز الأول ألأجابه مفتوحه للجميع....

كلي ثقه بأنكم قادرين على حله أن شاء الله......وبمجرد حل احد اللغزين تكون المسابقه منتهيه....والجائزه لمن يجيب على اي واحد.

ارجو ان يحدد بأجابته لغز رقم 1أو لغز رقم 2

[على النيه]

يعطيك الف عافيه شاعرنا اللجاوي

وان شاء الله يتم حل اللغزين

بالتوفيق للجميع ,,




لي عوده بأذن الله للمحاوله بحل اللغز ..

[لمسة وفآء]

صح لسانك شاعرنا المبدع
وماشاء الله عليك داايم الغازك صعبه
ومحد يقدر يحلها

الله يعطيك الف عافيه
وإن شاءالله يحلون هاللغز .

[اللـجـاوي]

يعطيك الف عافيه شاعرنا اللجاوي

وان شاء الله يتم حل اللغزين

بالتوفيق للجميع ,,




لي عوده بأذن الله للمحاوله بحل اللغز ..

ياهلا شاعرتنا الله يعطيك العافيه على تفاعلك وحظورك المميز...

[اللـجـاوي]

صح لسانك شاعرنا المبدع

وماشاء الله عليك داايم الغازك صعبه
ومحد يقدر يحلها

الله يعطيك الف عافيه

وإن شاءالله يحلون هاللغز .



ياهلا بطلتك مرورك أسعدني نورتي

[على النيه]

حل لغز رقم (1)
ممكن يكون

جهاز الكمبيوتر ( اللاب توب ) ...

[محمداديهم]

رمعه دون تركيز وعلا عجاله

اعتقد انه ( الماوس ) ( الفاره مؤنث

تحياتي شاعرنا القدير اللجاوي

[اللـجـاوي]

حل لغز رقم (1)
ممكن يكون

جهاز الكمبيوتر ( اللاب توب ) ...


ياهلا بك لا والله يابعدي

[ما مثلي أحد]

حل اللغز الثــاني 2:::
ابجيب حله بقصيده واعذروني ماني شاعره
حلــه وضح عندي ياالجاوي
................................هو القطــار بسكته من دون تزييف

هاهـ أخوي وآرد والا ابعدنا...

[على النيه]

رمعه جديده للغز (1)


جهاز قياس الحرارة ( حرارة الجسم ) او جهاز قياس السكر ...


ياهلا يعلم الله أنه من اهم اللأغاز التي مرت علي ولم استطع اجابتها جهاز قباس الحراره..

لاوالله يابعدي الحل نزل قبل شوي واعتذر لدخولي على اجابتك لان الموظوع قفل

[اللـجـاوي]

رمعه دون تركيز وعلا عجاله

اعتقد انه ( الماوس ) ( الفاره مؤنث

تحياتي شاعرنا القدير اللجاوي


كفو الله يالذيب عز الله أنك جبت الحل نعـــم (ألمـــاوس )وتسمى فأر الحاسوب أو فأرة الحاسوب

وهناك ايضاً فأرة القارمن أهل المقناص يعرفونها زين بعض ألأخوان أجابو إجابات عامه وأنا

على علم أن كثير من ألأخوان راح يجاوب الحاسوب او القارمن بس انا طالبت بتحديدالأجابه بمسماها الحقيقي في شروط المسابقه

تسلم والله يالذيب (( محمد اديهم )).............وصح السانك..........وابشر الجائزه تجيك على الخاص وتستاهل والله

[اللـجـاوي]

ألف شكر لكل من شارك وحــاول يعلم الله مشاركاتكم اخواني اثرت منتدانا ... واعذروني عن القصور

[ما مثلي أحد]

ماشاء الله يامحمد مبروك والله ماطر لي الماوس

طيب وشو أخوي اللجاوي أجابة اللغز الثاني أذا ماعليك أمر
ومشكووور أخوي ع الألغاز الرائعه والله أنك مبدع ماشاء الله
تحياتي وتقديري

[اللـجـاوي]

ماشاء الله يامحمد مبروك والله ماطر لي الماوس

طيب وشو أخوي اللجاوي أجابة اللغز الثاني أذا ماعليك أمر
ومشكووور أخوي ع الألغاز الرائعه والله أنك مبدع ماشاء الله
تحياتي وتقديري




ياهلا بك اختي اللغز الثاني تم سحبه يابعدي لأن الجائزه كانت على احد اللغزين وسوف نطرحه من جديدان شاء الله... كل الشكر لحظورك

[اللـجـاوي]

كل الشكر والف مبروك شاعرنا محمد تستاهل...

الشكر موصول للأخ الساري.. على اهتمامه ومتابعاته.....ألأخت والشاعره الراقيه عاى النيه فقد كانت هي الشمعه

التي تحترق من اجل أن تضيئ لنا ...اكرر شكري لكل من شارك من أخوان وأخوات...وشعراء وشاعرات..@

[على النيه]

صح لسان شاعرنا محمد اديهم للحل ويستاهل
والشكر لك شاعرنآ المتألق اللجاوي للغز ويعطيك الف عافيه
عساك ع القوه ولاعدمنآك ..



(مميز + النسخ لابداعات الاعضآء )