طلال حمود الاسلمي
05-20-2012, 06:39 AM
[خذاريف] .. أتمنى تروق لكم
الحب رسمه شكّلتها بالأحلام = طفله على ضلع الشقاوه رساها
تذرف دموع ٍ خطّها ريش رسّام = البنت خرسا والمدامع حكاها
عينه من المبكى منافيخ ورّام = والحال صعب ٍ يندرى وش بلاها
عطيتها بيض المطابع والأقلام = قلت إرسمي والوقت حره كواها
شفت العيون اللي نداها بالإعدام = واسمع ونين ٍ بالحنا مع شجاها
أقفت على درجه خطاها تصدّام = خطواتها خطوة جريح ٍ فداها
راحت تجيب أوراق رسماتها العام = ترجف يدينه رجف برد ٍ كساها
في صفحته عصفورة ٍ فوق الأعدام = غنّت على روض ٍ خضاره غطاها
راعيت والعجبه تلاوين وأقسام = وشدّ الفكر ما بعد للي تلاها
بيت ٍ نسوها بالقدم كلّ الأنسام = جدرانها بالحزن تسمع دعاها
والشجره اللي غصنها باللحن قام = ماتت عروقه من حبيب ٍ نساها
ضمّيت حزنك بين جدران ولثام = وسنّدت متني والمعابر طواها
صحيت لجل الحقيقه بالأوهام = واثر الحقيقه أجبر الله عزاها
طير المنيه فوق بيبانها حام = وآخر دعاوي كلمته في عناها
صحيح خرسا لكن الوقت هدّام = يضحك علينا بالمحبه بين ماها
قصّة محبّه في قلوب البشر سام = تحت القمر والكذب فيها ضواها
وسلامتكم أخوكم / طلال الشمري ..
الحب رسمه شكّلتها بالأحلام = طفله على ضلع الشقاوه رساها
تذرف دموع ٍ خطّها ريش رسّام = البنت خرسا والمدامع حكاها
عينه من المبكى منافيخ ورّام = والحال صعب ٍ يندرى وش بلاها
عطيتها بيض المطابع والأقلام = قلت إرسمي والوقت حره كواها
شفت العيون اللي نداها بالإعدام = واسمع ونين ٍ بالحنا مع شجاها
أقفت على درجه خطاها تصدّام = خطواتها خطوة جريح ٍ فداها
راحت تجيب أوراق رسماتها العام = ترجف يدينه رجف برد ٍ كساها
في صفحته عصفورة ٍ فوق الأعدام = غنّت على روض ٍ خضاره غطاها
راعيت والعجبه تلاوين وأقسام = وشدّ الفكر ما بعد للي تلاها
بيت ٍ نسوها بالقدم كلّ الأنسام = جدرانها بالحزن تسمع دعاها
والشجره اللي غصنها باللحن قام = ماتت عروقه من حبيب ٍ نساها
ضمّيت حزنك بين جدران ولثام = وسنّدت متني والمعابر طواها
صحيت لجل الحقيقه بالأوهام = واثر الحقيقه أجبر الله عزاها
طير المنيه فوق بيبانها حام = وآخر دعاوي كلمته في عناها
صحيح خرسا لكن الوقت هدّام = يضحك علينا بالمحبه بين ماها
قصّة محبّه في قلوب البشر سام = تحت القمر والكذب فيها ضواها
وسلامتكم أخوكم / طلال الشمري ..