فواز الغسلان
03-19-2013, 01:59 PM
الله على ذيب الغراز= لا قام بالصحراء ينوز
حلو الهياكل والطراز= ويرهب خصومه لا برز
نال المدايح بأمتياز= من كثر ما دلا يفوز
جيب جديد مايراز= عند المجاكر واللزز
مفتاح تشغيله جهاز = عقب الظفيره والفيوز
والزر الآخر للقزاز = ماهي محاحيل وخرز
نوره بوسط الليل غاز= والقير له عدة رموز
وعند الخطر فيه احتراز= من لمبةٍ نوره غمز
يلعب على القاع العزاز= لاهابته كل البنوز
لعبة مشرف في نواز= والا الارانب والخزز
بالدرب مافيه اهتزاز= ولايزعجك قدح القزوز
يبرم دعاثير الحجاز = وان طال دربه ماعجز
مع سايق بالطيب فاز= نقوة مطانيخ العنوز
خواطرٍه ماهي نشاز= احلى من اثمار الكرز
يسري بلا ختم وجواز= لأم البلايز والجنوز
دام الحشى الممهون باز= وما لوم قلبي لو نقز
طعنة خفوقي يوم جاز= مثل الشظايا من كروز
وجرحه غدى بير ارتواز= ماتقطبه كثر الغرز
قل له سجون الاحتجاز= لأهل المحبه ماتجوز
مادام رمشك مايهاز= رمحه بمعلوقي ركز
لايخدعك هرج الخناز= اللي يديرك باللغوز
والقلب يرجيك النجاز= عن لامزٍ فيني لمز
تسوى الجواهر والركاز= اللي بها كل الكنوز
وان كان بالامر ابتزاز= همزة مقيط اللي همز
حلو الهياكل والطراز= ويرهب خصومه لا برز
نال المدايح بأمتياز= من كثر ما دلا يفوز
جيب جديد مايراز= عند المجاكر واللزز
مفتاح تشغيله جهاز = عقب الظفيره والفيوز
والزر الآخر للقزاز = ماهي محاحيل وخرز
نوره بوسط الليل غاز= والقير له عدة رموز
وعند الخطر فيه احتراز= من لمبةٍ نوره غمز
يلعب على القاع العزاز= لاهابته كل البنوز
لعبة مشرف في نواز= والا الارانب والخزز
بالدرب مافيه اهتزاز= ولايزعجك قدح القزوز
يبرم دعاثير الحجاز = وان طال دربه ماعجز
مع سايق بالطيب فاز= نقوة مطانيخ العنوز
خواطرٍه ماهي نشاز= احلى من اثمار الكرز
يسري بلا ختم وجواز= لأم البلايز والجنوز
دام الحشى الممهون باز= وما لوم قلبي لو نقز
طعنة خفوقي يوم جاز= مثل الشظايا من كروز
وجرحه غدى بير ارتواز= ماتقطبه كثر الغرز
قل له سجون الاحتجاز= لأهل المحبه ماتجوز
مادام رمشك مايهاز= رمحه بمعلوقي ركز
لايخدعك هرج الخناز= اللي يديرك باللغوز
والقلب يرجيك النجاز= عن لامزٍ فيني لمز
تسوى الجواهر والركاز= اللي بها كل الكنوز
وان كان بالامر ابتزاز= همزة مقيط اللي همز