~.:ـŤ4κάŕ.:~
04-28-2013, 05:26 AM
لآجيت عقبْ البطا و الدّمعَة بعيني
خَلها تطيحْ و حَبيبِك قَد ملا كمَّه
الدّمع سمٌّ تجمّع في شَراييني
يومْ إنْ فَرقَاكْ في قَلبي نثَر سمّه
خَلني على كيفي أبكي لا تواسيني
لَعَل قَلبي يفرّغ شَي مِن همّه
يَخنقني الشّوق و الذّكرى تودّيني
أجي لـ حارتكُم و بيتَك أمر يمّه
و أنظر دريشَتكْ و دموعي حَواليني
و أقولْ أكيد الهَوى اللي بحارتَه شمَّه
و أنزّل الجَامْ و أطلّع راسي أرديني
أشم هَواكْ اللي بحارَتك تشمّه
للحبْ نَزعَاتْ يَ أغلى النَّاسْ تذّيني
غيرَة و حيرَة عليكْ الله بَ الذّمَه
وردٍ على سورْ بيتِكْ شَافتَه عيني
يشمّك إن جيتْ و ألا أنتْ اللي تشتمّه
و عليكْ غيرة فؤادي حيلْ تِشقيني
ما ودّي أغار لَكن غيرتي مطمّه
غيرَة طِفل ما كمل ثلاثَة سنيني
طبيعي يصيحْ لا مِن وخذَتْ المَمَّه
و إليا وقَفنا بشمسْ و بينِك و بيني
ظَهَر لنا ظِل شِفني برجلي أدمَّه
أتعَب بدنيَايْ و الدّنيا تشقّيني
و أحتاجْ لِك حيلْ محدٍ غيرِك أهمّه
حاجَة يتيمٍ ولَد و ماتوا لَه أبويني
في هدّة المَدرسَة لا أبوه و لا أمّه
كلٍ يزمَّه أبوه و هو مَسكيني
يِزِم شَنطَته بَس ما جاه أحدْ زمَّه
قَلبِك بدنيايْ عَن كِل شَي يَكفيني
و [قَلبي خذّه عَن عيُون أهل العَذل ضمّه]
و إنْ فَرقتنا الليَالي مَنت نَاسيني
إلا ليَا قيلْ سِلطانْ القبر ضمَّه
مَسموحْ لكنْ أبيك بشي تَطريني
لا جاكْ مَولودْ على إسمي أنا سمَّه
و إن عِشتْ أبلقَاكْ و إنتَه:تَب تلا قيني
بحمّي الشّوقْ و إنت الشّوقْ هَمْ حمَّه
شحنَاتْ الأشواقْ بَ جسَامْ المحبّيني
َدفع لِكْ العَاشِقْ اللي مِحترِق دمّه
و الأحبَابْ عِند اللقا ياتونْ جسميني
و جسمٍ يصيرونْ و الأرواحْ ملتمّه
جيتْ أبضمّك عجولَه حيلْ رجليني
ماني خفيّف و لكنْ بَ الجسم همّه
بفرّغ الشوقْ فيكْ و فرّغَة فيني
يومْ القلوبْ إتّلاَمَسْ سَاعَة الضمَّه
تَعبان و الحبْ مِثل الشّمس بيديني
ضوّه عليهنْ و لاني قَادر ألمَّه
تعَال لمني حبيبي لا تخلّيني
يَ ليتْ دنيَاي تَاقَف عِند هاللمّه..
:
سَلطآن آلشمري
رآقت لي ..
خَلها تطيحْ و حَبيبِك قَد ملا كمَّه
الدّمع سمٌّ تجمّع في شَراييني
يومْ إنْ فَرقَاكْ في قَلبي نثَر سمّه
خَلني على كيفي أبكي لا تواسيني
لَعَل قَلبي يفرّغ شَي مِن همّه
يَخنقني الشّوق و الذّكرى تودّيني
أجي لـ حارتكُم و بيتَك أمر يمّه
و أنظر دريشَتكْ و دموعي حَواليني
و أقولْ أكيد الهَوى اللي بحارتَه شمَّه
و أنزّل الجَامْ و أطلّع راسي أرديني
أشم هَواكْ اللي بحارَتك تشمّه
للحبْ نَزعَاتْ يَ أغلى النَّاسْ تذّيني
غيرَة و حيرَة عليكْ الله بَ الذّمَه
وردٍ على سورْ بيتِكْ شَافتَه عيني
يشمّك إن جيتْ و ألا أنتْ اللي تشتمّه
و عليكْ غيرة فؤادي حيلْ تِشقيني
ما ودّي أغار لَكن غيرتي مطمّه
غيرَة طِفل ما كمل ثلاثَة سنيني
طبيعي يصيحْ لا مِن وخذَتْ المَمَّه
و إليا وقَفنا بشمسْ و بينِك و بيني
ظَهَر لنا ظِل شِفني برجلي أدمَّه
أتعَب بدنيَايْ و الدّنيا تشقّيني
و أحتاجْ لِك حيلْ محدٍ غيرِك أهمّه
حاجَة يتيمٍ ولَد و ماتوا لَه أبويني
في هدّة المَدرسَة لا أبوه و لا أمّه
كلٍ يزمَّه أبوه و هو مَسكيني
يِزِم شَنطَته بَس ما جاه أحدْ زمَّه
قَلبِك بدنيايْ عَن كِل شَي يَكفيني
و [قَلبي خذّه عَن عيُون أهل العَذل ضمّه]
و إنْ فَرقتنا الليَالي مَنت نَاسيني
إلا ليَا قيلْ سِلطانْ القبر ضمَّه
مَسموحْ لكنْ أبيك بشي تَطريني
لا جاكْ مَولودْ على إسمي أنا سمَّه
و إن عِشتْ أبلقَاكْ و إنتَه:تَب تلا قيني
بحمّي الشّوقْ و إنت الشّوقْ هَمْ حمَّه
شحنَاتْ الأشواقْ بَ جسَامْ المحبّيني
َدفع لِكْ العَاشِقْ اللي مِحترِق دمّه
و الأحبَابْ عِند اللقا ياتونْ جسميني
و جسمٍ يصيرونْ و الأرواحْ ملتمّه
جيتْ أبضمّك عجولَه حيلْ رجليني
ماني خفيّف و لكنْ بَ الجسم همّه
بفرّغ الشوقْ فيكْ و فرّغَة فيني
يومْ القلوبْ إتّلاَمَسْ سَاعَة الضمَّه
تَعبان و الحبْ مِثل الشّمس بيديني
ضوّه عليهنْ و لاني قَادر ألمَّه
تعَال لمني حبيبي لا تخلّيني
يَ ليتْ دنيَاي تَاقَف عِند هاللمّه..
:
سَلطآن آلشمري
رآقت لي ..